تتذكروني يا بنات ؟؟ رجعت لكم ؟ هل تنصحوني بالطلاق ؟ وهذا رابط قصتي القديمة هنا
متابعة النقاش، صفحة 3
شاركي في النقاش
سجلي الدخول لإضافة تعليق.
التعليقات
33- الله يسخره لك
- يارب يوفقكم يابنات ويصلح لكم اموركم
والله العظيم عندنا نعم كثيرة وخير بس هذا الادمي
مصعب الحياة علينا مررررة مخليها نكد
بس احارب كل شغلي جهاد عشان الاولاد مايبغاهم يسوو شي ولا يطلبوا شي
كل طلب وكل حاجة ماتجي غير بالخصام والتهزيء والسب
دايما متأفف ماله خلق لشي وربي لو اطلب بريال صامولي اقسم بالله قلبها صراخ وخصام
على ايه مدري حتى لو بفلوسي بس حكاية انه يسمح للولد يروح هذي مشكلة مع ان السيارة الليً يروح بها الولد قديمة وغالبا انا ادفع حق بانزينها
واحيانا ارسل الولد من دون مايدري وكلها طلبات ضرورية للبيت مو لي
اشكركم علي ردودكم ونصايحكم
الاخت اللي ارسلت بالخاص مشاركاتي لاتسمح بالرد في الخاص
لكن شوفي
افتحي موضوع جديد ثم افتحي لوحة التحكم في نافذة جديدة ومنها ادخلي ع مواضيعك اللي كتبتيها ثم افتحي الموضوع في نافذة جديدة اخرى ثم اضغطي على الرابط اللي يطلع في اعلى
الصفحة تلاقيه في مستطيل ضيق مكتوب بالانجلش وطويل اضغطي عليه باليمين لحد ما يتظلل
ثم اختاري نسخ وروحي افتحي الصفحة حقت موضوع جديد واضغطي باليمين وحطي لصق
يارب يكون الشرح واضح
الله يهديه- أنصحك تكلمين مركز اسيا للاستشارات الاسريه وأكيد بيفيدونك
ترى الطلاق صعب وخصوصاً اللي عندهم أطفال
فكري زين واستخيري - أختي ( مدينة بلا موانيء)
صراحة أنا قريت موضوعك ورجعت لمواضيعك السابقة ..
ما أدري أيش أقول والله رحمتك لكن ربي سبحانه أرحم الراحمين ..
أختي أنا بعدي بنوته فبتكلم معك على قد خبرتي في هالحياة ..
ودي أنصحك وأقول وأقول .....بس مدري عن ظروفك أو ظروف زوجك لانك مثل ما قلت زوجك في عيوب لكن له إيجابيات .. وأعتقد والله أعلم إن هالإيجابيات هي اللي مصبرتك بعد الله سبحانه وتعالى ..
أحب أحرصك على شيء .. حآآآولي تقوين الوازع الديني عن زوجك .. حرصيه ع الصلاة ..سماع المحاضرات
شغلي شريط وأنتم بالسيارة .. أو حتى قرآن تصفى نفوسكم ويرتاح بالكم ..
أختي ( من عرف الله فماذا فقد ؟؟.. ومن فقد الله فماذا وجد؟؟) ..
برضوآ شجعي زوجك على مخالطة الناس .. عشان يغير جو البيت والعمل
مثلاً يشترك بنادي رياضي يوسع صدره ويجدد نشاطه ..
حاولي معه أنه يتعالج عن التدخين << زي ماقلت هو يدخن كثيررررر وأكيد هذا الشيء متعبه جسمياً ونفسياً .. شجعية يتركه ع شوي شوي بدون ما تضغطين عليه يعني أختاري الوقت المناسب لما يكون رآآيق وهادي ..
وأنصحية يرآجع مراكز مكافحة التدخين..
..
عزيزتي هالكلام قلته لأخوات كثيرآآت هنا وبقوله لك ..
تعودي وخلي هذا الشيء قاعدة في حياتك
( لا تشكين همك للناس تزيده .. وأشكي همك لرب الناس يزيله) ..
أختي شفتي الكلام اللي كتبتيه هنا صلي ركعتين وأدعي في صلاة الليل قولي كل الكلام هذا للسميع العليم القادر على كل شيء
أنت واحنا كلنا ضعفاء فقراء ما بيدنا حيلة وربي سبحانه غني حميد .. قادر على كل شيء ..
أدعي ربي وقولي يا رب دعوات صادقة من القلب .. وراح تلاقين كل اللي يسعدك وأكثر بإذن الله ..
رددي كثير الحمد لله على كل حال .. خلي الاستغفار أنيسك في كل وقت .
ربي يفرج همك ويصلح زوجك ويهديه ويسخره لك ولعيالك ..
ربي يبدل حزنك وضيقك إلى فرح وفرج وسعادة ..
ربي يجعل الابتسامة ما تفارق محياك ..
ربي يفرج همك ويربط على قلبك بالصبر .. الله يبرد على قلبك وينزل عليه الطمأنينة والرضا والسكينة ..
اللهم آمين
داومي على الاستغفار .. أذكري الله كثير عشان ترتاح نفسك .. أختي والله حزنك وضيقك ما يغير بالأمور شيء ..
وكلي أمرك للسميع العليم اللي ما تنام عينه .. افرشي سجادتك آخر الليل وأدعي وقولي كل اللي بخاطرك .. الله سبحانه سميع عليم قادر على كل شيء ونحن عباد ضعفاء والله سبحانه القوي العزيز ..
رددي دايماً الحمد لله على كل حال ..
مواضيع مشابهة
تابعي تجارب أخرى من هذا القسم.