تجمع المصابات بالذئبه الحمراء 2/ قديم

تفضلي اخت همسه اكيد بنسمعلك وصادقه محد بيفهمك زينا
قولي كل اللي في خاطرك

حبيبتي جمانه شكرا لك الله يسعدك ياربي انا الحقيقه اراجع العسكري ومعروف انه مستشفى على مستوى

وعلى فكره يابنات مازال المرض ماله اثر عندي من يوم اخذت الادويه لكن هالايام اشووف خدودي لونها احمرر مدري هي بترجع وهل سبب هالحمره الذئبه الحمراء والالا وانا مازلت موقفه الادويه على فكره

حمار الخدود طبعا من الذبه عزيزتي واكبر غلط انك تتركي الادويه
لانك تعطينها فرصه تنشط مره ثانيه

السلام عليكم .. 

انا بنوتة عمري 16 سنة مصابة بالذئبة الحمراء منذ 8 اشهر ولكن لم اكتشف اصابتي الا منذ ايام .. 

الذئبة مؤثرة على مفاصلي جميعها و على كريات الدم البيضاء فقط .. ولكن اعضائي الداخلية سليمة من حيث الكلى والقلب والرئتين .. 

واتناول حاليا 5 جم من الكورتيزون مرة واحدة فقط في اليوم .. ومرتين بلاكونيل .. بالاضافة للكالسيوم وفيتامين دال .. 

من منكن اثرت فيها الذئبة مثلما اثرت على جسمي أي في المفاصل وكريات الدم فقط .. وهل تماثلت للشفاء؟

والكورتيرون اتناوله منذ شهرين والحمد لله لاتوجد هناك مضاعفات ؛ ولكني قلقلة بعد ترك الكورتيزون ماذا سيحدث ؟ هل ستعود الاعراض مرة اخرى ام لا ؟؟  

كما انني اصاب بنوبة صداع في الليل .. هل هذا من الذئبة ؟ واذا كان منها ماهو الحل له؟

راجية من الله ان يمن بثوب الصحة والعافية على جميع مرضى المسلمين والمسلمات .. 

اختكم الجديدة .. ورده جوريه :)

السلام عليكم
اخباركم ا؟ اتمنى تكونون بالف خير يارب
مشكوره اخت جمانه على ردك

انا بنت عمري 21 سنه جاني المرض من عمر 5 سنوات وطبعا طول تقريبا 17 سنه هذي الي فين المرض وانا اعاني بشكل مو طبيعي منه لان انتوا لاحظوا من متى اهو جاني من خمس سنوات الى الان والله العالم لين متى بيبقى والله كريم يارب المهم يعني تعديت اغلب مراحل الانسان واهو فيني ( الطفوله _ البلوغ _ المراهقه _ الحين بدايه الشباب ) وطبعا من الطفوله وانا ماشفت الراحه من المدرسه الي حطمتني تخيلوا اروح المدرسه واانا طفله وبراءه واشوف هناك رده فعل بشعه بحق هالطفله اقولكم الي صار عني مثلا في اليوم اكثر من الف مره يجيني هالسؤال ( وش فيك وش في وجهك مسكينه وحرام وش منه هذا وشسمه ووووو ...... الخ ) وطبعا وتجيني هالاساله بسلوب جد جد فضيع يخرعوني بوجهي ويصارخون واهم يسالون والكل يسمع وتعلقات واهم يسالوني وغير المعاير وطبعا انا جوابي اضحك واقول مادري لان فعلا مادري شنو فيني هذا شي والشي الثاني يخافون يقربون مني ودايم يستدعوني ولا يطلبون الوالده ويسالون هذا شنو ولا هل اهو معدي ولا لا ويعزلوني عن البنات يخلوني اجلس بعيد عنهم
وانتوا من وجهه نظركم اذا صار حق الطفل كذا يكون منبوذ واهو مايدري شفيه شنو رده فعله بتكون شنو الاسئله الي بتدور بمخه على صغر سنه شنو بتكون نظرته بالحياه شنو بتكون شخصيته شنو بتكون ثقته بنفسه شنو بيكون مواجهته مع الناس وال حوله شنو شنو شنو اسئله اكثيره وترى هالرعب الي صاير ياليت شي يعني قوي علشان هالخوف هذا كله منهم كان بس في الانف دائرتين بس كبار شوي على جنب وكان بااذن وحده بالطرف بس وبس لان بشرتي بيضاء هذا ال خلاهم يشككون بقوه لانها واضحه بوجهي اهم حمر حييل وانا بيضاء يعني مولعين بالوجه
وغير الدكاتره الي كنت اتعالج عندهم طبعا صرت لعبه لهم كل واحد يقولي كلام سواء بحكومي ولا خاص طبعا اهي شي ويعالجوني على انها ش ثاني ويزيدونها علي ووين اخر شي يوم كبرت عرفوا انها ذئبه خلوها على ربكم بس الحمدلله على كل شي
المهم اقولكم شنو يصير يبدا اعتزاله عن الناس مايبغى يشوف احد يبغى يكون وحيد وثقته بنفسه تكون صفر على الشمال وعديم الشخصيه ويكون فيه بأس وتحبيط ووو وووو وكره للحياه كلها
وطبعا هذا الي كان فيني واتاسست على هالشي وصاره النفسيه دمار وطبعا النفسيه اول واهم دور للعلاج للامراض كلها فمابالك الذئبه النفسيه اهي الدور الاساسي فيها وبما انها دمار بدل لاتخف لا تزيد وتزيد وتزيد يعني اول بس بالوجه الانف ولا الاذن بعدين صار بالخد وبعدين بالايادي والارجل وبدين الي خلاص اوصلت معاي اوصلت لفروه الراس وتساقط شعر وصارت فراغات حيل حيل كبيره
والى الان في تزايد
والحمدلله الحين اتعالج عند دكتور ارتحت له وعارف لها بس الحين اهي متنشطه لي بقوه من سنه حتى الاصابع ماقدر احركهم لان مجروحين صاير فيهم اااه اكتب لكم وانا اتالم منهم بس ابغى ارتاح واقول واطلع الي فنيني تعبت وانا اكتم واكتم ابغى افضفض ابغى احد حس فيني وربي نفسي اعيش حياتي عدل ابغى احس بانوثتي والله منعدمه عندي كل احلامي تتوقف علشانه احطم نفسي علشانه ابغى اعيش حياه ففيها شوي راحه مو طمعانه بس شو ي وغير سمني الي مزيده على يعني المصيبه مصيبتين وكل مالها وتزيد ومع الكرتزون تزيد وتزيد وغير مجتمع الي عايشته م ن المشاكل وغيرها
الحمدلله على كل شي ولاعتراض على حكمه ربي بس حبيت اني اطلع الي بداخلي والحمدلله الحمدلله الحمدلله والشكر لك يارب
اللهم لاسألك رد القضاء ولاكن اسألك اللطف فيه
اسفه على الاطاله
واتمني اني خفيفه ظل عليكم
والله يشافي جميع مرضى المؤمنين والمؤمنات ويحقق جميع امانيهم يارب
وفي الختام احب اشكركم والله يعطيكم العافيه واشوفكم على خير
مع الف سلامه
محبتكم / همسهـ شقاوهـ