الزوج البليد الغير مبالي :(

السلام عليكم

احتار في امر زوجي كثير .. ما ادري هل بعد كل هالمشوار الطويل من الدراسه بعلم النفس والفراسه ماقدرت اتفهم لشخصيته .. او انه مايبيني !!

من اول ماتملكنا وكان بااااارد جدا .. قليل الاتصال والسؤال لدرجة اهلي لاحظوها
الكلام الحلو معدوم وكنت ابكي كثير قهر وحسره
كنت اعرف ان الي تتزوج تبي الاستقرار العاطفي قبل كل شي
بينما انا ماحسيت بالجوع العاطفي الا معاااه ..
يكلمني دقايق ويسكر وانا اجلس بالساعات استرجع الكلام احاول اطلع فيه كلمه حب وحده لو بالغلط .. ولا القى !!

وبعد الزواج من شهر العسل الين اليوم وانا لازلت اعاني مع بروده واهماله

لمن يشوفني متضايقه يصد ويمشي ولا كأني موجوده
لمن اجلس معاه كاشخه وابي اسولف له ..
ينشغل عني بتلفزيون ولا كمبيوتر ولا يلتفت لي ولا ينطق ولا حرف
ولا يبيني اتكلم الا بإختصار وكلمه ورد غطاها ..
وكمان عمري ماحسيته يغار علي ولا يشتاق لي ولا حتى يحس فيني
عادي جدا يوم يشوفني ابكي يدخل الغرفه وينااام واسمع شخيره بأخر البيت !!!

تعببببببت افكر هالانسان اذا مايحبني ليش عايش معي
يا عااالم فهموني .. هو انا حساسه ولا هو فعلا بليد او هو يكرهني ؟؟

لمن ازعل يتركني حتى لو اجلس شهر مايلتفت لي ولا يسألني وش فيك ومستحيل يناقشني
اجلس زعلانه مع نفسي اكلم الجدران لين امل وانسى ..
واذا تركني في بيت اهلي يومين او ثلاثه او اكثر مايتصل يتطمن
حتى لو جاه علم اني مريضه يضل مطنش ..

من باب الانصاف ولاني فعلا ابحث عن من تعينني على الحل
زوجي طبيعته هادي جدا ولا يتكلم وعادي جدا انه يجلس يوم كامل بدون حركه " منسدح ع التلفزيون " .. لكن مع اهله واصحابه لا فرفوش ويسولف

بالنسبه لي كل هذا مو مهم انا مشكلتي الحقيقيه الحرمان العاطفي
وربي لمن كنت بنت كان قلبي مرتاح اكثر من الحين ..
بديت احس اني ناقصه اني مو ماليه عينه ..
الله المستعان رغم الجمال والاهتمام والصبر ورغم انه ياما تمنوني ناس .. لكن هذا النصيب

يارب سخر لي الحكيمه العاقله الي تنور بصيرتي للحق ..

18 تعليق 13,978 مشاهدة

شاركي في النقاش

سجلي الدخول لإضافة تعليق.

التعليقات

18
  1. @dyana

    صاحبة الموضوع
    قبل انسى .. من ناحية الدلع والثقافه الزوجيه بكل امورها انا ياما كنت ادرس فيها بلد
    لكن زوجي اخر اهتماماته الدلع والرومانسيات ، تفكيره مايتعدى سفرة الطعام !
  2. طيب ابديء انتي فيه بالكلام الحلو عوديه انتي عليه لين ماهو يتكلم من وحده

    يبغالو صبر ومسألة وقت لانو عزوبي قبل واكيد مو متعود خصوص ان طبيعته هادي

    ويمكن خجول وهيكك

    ولو تفهمي السبب انو ليش عندي جماد وبرا البيت غير !

    امزحي معااه كثير حتى لو تضايق وسكتك لين ماتحسين انو ارتاح لك

    مايصير تتضايقي وتسكتي وتاكلين بنفسك وهو مايدري شفيك

    الله يسخرره لك ويهدي سركم
  3. @alkymyayy2012

    أهلين أختي شوفي بالغالب أكثر الرجال هذي أطباعهم تحسي فيهم اللا مباله شي عادي جدا
    أنا مثلك ف بداية زوجي كنت أفتكر ان الزوج هو فارس الأحلام إلي يسأل عنك كل لحظه ويدلعك وما يخليكي تحتاجي حد ابدا
    لكن بعد الزواج كانت الطامه إكتشفت انهم ولا شي بدون مشاعر
    وعااااااااااانيت كثير وبكيت وندمت ع حظي
    لكن جلست مع نفسي وقلت ليش أضيع كل يوم ف حياتي أترجى يجي ويسأل عني ويحاتيني لأني لو فكرت بهالطريقة راح أتعب نفسيا وبعدين كل يوم يمر من حياتي ما راح يرجع ف ليش أقضيه وانا منكده
    فأحسن حل تسويه انك بالخطوة الأولى كل شي تسويه ف حياتك سويه عشان نفسك فقط لا تنتظري هو يجي يقولك انتي حلوة لأنك لو انتظرتي النتيجة منه راح تندمي ع أساس انتي عارفه طبعه مستحيل يجي يتغزل
    اطلعي وفرفشي عيشي حياتك وراح تحسي مع الأيام راح يسأل عنك
    بس هالشي يباله صبر كثييييييييييير
  4. @aasfor_alshgn

    شوفي اهتماماته وشاركيه

    وتفهمي شخصيته هو من النوع اللي يحب ويعجب بصمت

    اما انتي فعودي نفسك عليه وتقبلي نصيبك وخلي اهتمامك لنفسك وراحتك

    بكره يجيكم عيال وحتماً بتتغير الامور للأفضل .

تابعي تجارب أخرى من هذا القسم.