ملف المقبلات على عملية الانابيب في دولة قطر الحادي عشر 11

حبيبتي ام يويو بس المشكلة ما راح تبدأ على طول :33: يعني يباله فحوصات ومادري شو :biggrin:..يا بنات ممكن تشرحونلي بالتفصيل شو صار معاكم باول يوم و موعد الإبرة التحضيرية متى حددوها

اذا ما خانتني الذاكرة بتطلب الدكتورة تحاليل لك و لزوجك وبتعطيك الإبرة التحضيرية تاخذينها معاك وترفعينها في الثلاجة لين اليوم 21 من دورتك تروحين المركز الصحي او اي عيادة وتاخذينها ولما تنزل الدورة يعني عقب عشر ايام او اكثر تروحين للمستشفى تاخذين تحاليل ورقم للتلفزيون تروحين تحللين وتسوين تلفزيون لين يجي دورك ،، تكون التحاليل والصور عند الدكتورة وحسب النتائج تحدد لج جرعات معينه ويعطونك موعد بعد اسبوع وبعد اسبوع تروحين وتحللين وتصورين وتنطرين موعدج وتقرر الدكتورة زيادة الجرعة او تقرر لج عملية السحب وبنفس يوم السحب يطلبون عينه من زوجك، يدش من باب خاص ويعطيهم العينه
انتي تدشين قسم العمليات يجهزونك وتاخذين بنج خفيف ربع ساعه وانتي خالصه، بتحسين بالم في المبيايض بيستمر كم يوم وبيروح،، وعقب يوم تتصلين في المعمل يقولون لج كم بيضه تلقحت،،
نجي لليوم الحلو ، يجهزونك في قسم العمليات ويجيك دكتور الأجنة ويقولك عن اجنتكم، كم وحدة وكم درجاتهم وكم ترجعين وكم تجمدين،، وعقب تروحين للعمليات ودكتورتج ترجع لج الأجنة ، كانه فحص نسائي عادي ، عقب يخلونك تريحين شوي عندهم وعقب تروحين البيت،،
والباقي عاد بيد رب العالمين

غلا عمري ... لاتسوين تحاليل برا ما يعتمدون الا على تحاليلهم ماعدا تحليل الزوج عادي يسويه برا

أنا سويت تحاليل شامله في أشعه الخليج وأخذتها الدكتوره مني عادي.   مارديتو بنات على كلامي