نصــايحــكم ... لا تبخلووون علينــااا

السلام عليكم ورحمة الله وبركاته :)

انا اول مره اشارك بمنتداكم وانشاءالله القى نصائح واراء منكم قصتي كالآتي :

قبل فترة تقدم لي شاااب:arb: وعمره مقارب لعمري ( اكبر مني بس 9 شهور او سنة ) وهو من القرابة من ناحية الوالدة ..
مشكلتي اني اوافق او مااوافق مررره محتاارة :( مع انه محد جااء يخطبني قبلهاا وهذاا اول واحد يجيني وانا متخرجة لي سنة وانتظر الوظيفة << رددي ياليل مطولك :09:
المهم انا عايشة في بيت اهلي برفاهية جدآ محد يكلمني او يقولي لا
وتعرفون الي خطبني له سنة متوظف وراتبه مو ذاك الزود وانا مو متوظفة يعني مقدر اعينه بشي ومدري كيف بيكون الوضع ... وخايفة اوافق واعيش في بيت زوجي بمستوى اقل من الي عشته في بيت اهلي ..:(
وجميع اهلي يقولون وافقي عليه اخااف اواافق انبلش واخااف اذا ماوافقت مايجيني احسن منه واندم ...وبعدين ام الولد تمدح فيه كثير << اكيد ولدهااوبعين امه غزال :S_45: .. وصليت استخارة كم مره مراات احس براحة وموافقة عليه ومرات اسمع الاهل يتكلمون عن راتبه يخافون يعيشني عيشة تعبانه ولما اسمعهم ابطل منه ومراات يقولون كويس وخذيه ويمكن محد يجيك مثله وحمدي ربك واوافق عليه ...
والله محتاارة ومو عااارفة وش السوااه ياليت تنصحوني :icon33:
وتشورون علي بالخير والانسب طلبتكم .. ولا تبخلووون بنصاايحكم فديتكم ... جزاكم الله كل خير ...
:26::26:

5 تعليق 725 مشاهدة

شاركي في النقاش

سجلي الدخول لإضافة تعليق.

التعليقات

5
  1. @mss_hawa

    مادامك ارتحتي
    خلاص وافقي عليه
    في واحد يقربلي كان توه مكون نفسه
    وراح خطب
    ورفضوه بحجة ان راتبه ضعيف
    والحين ماشالله غني وعنده خير
    اهم شي الراحة
    مدامك ارتحتي
    الله ييسرها
  2. @aabyr_alrbyaa

    حبيبتي انا اقولك وافقي عارفه ليش لانه الارزاق يد الله وانا متزوجه وزوجي ما يشتغل وعندي ولد لكن والله الحمد لله عايشين ما متنا وبنت الرجال هي الي تعيش يمكن ياخذك واحد مستواه احسن من اهلك ويعيشك في ضنك هذا راي والله يختار الطيب
  3. @tabt_grohy

    السعادة مو بالفلوس .. انا زوجي على قد حاله بس و الله انه معيشني في منتهى السعادة>>> احم احم قولوا ما شاء الله .. مو ناقصني شيء و فوق هذا يموت فيني بعد وش ابي اكثر .
  4. @alghla_klh_2

    الغاليه انا اقول استخيري مرة ومرتين وثلاث ولو كان اكثر مب مشكلة

    وثاني شي حبيبتي لازم تخلين حد يسأل عن دينه وأخلاقه بس مب تسألون امه وابوه وتقولون سألنا
    وقالو زين وكويس .... أهله ما بيذمونه ولا بيقولون فيه شي مب زين
    بيمدحونه لج لين ما يخلونه شيخ من كل النواحي

    انا اقول ترسلون واحد من شباب العايلة يسأل عنه عند ربعه واصحابه وشباب حارتهم
    وفي شغله لأن هذا زواج مب لعبة

    ونصيحه لكل وحدة انخطبت ومحتارة انها تستخير وانها تسأل الشباب عن الرجال
    وما تكتفي بسؤال الرجال الكبار او الشياب لأن الشباب اخبر من الشياب عن بعضهم البعض

    والسموحه
  5. @aafraaa_4

    صاحبة الموضوع
    M!sS HaWa / عبير الربيع / طابت جروحي / الغـلا كـله

    جزاكم الله الف خيـــر

    الله يوفقكم ويسعدكم

    آمين

تابعي تجارب أخرى من هذا القسم.