بنتي شوي وتختفي ساعدوني شاسوي ؟؟؟؟؟؟

مشكلة بنتي انها أنولدت وصحتها زينة وكملت تسعة شهور وشكلها أكبر من بنت عمها بكثير مع ان بنتي أصغر بثلاث شهور لكن الأمر أنعكس ألحين بنتي زي الريشة وبنت عمها ما أقدر أشيلها من ثقلها
اللي يشوف بنتي يقول أم سنة وزنها 12 كيلو وعمرها ثلاث ونص والله انها تعور قلبي نفسي أشوفها أمتن بكم كيلو
تخيلو حتى الملابس تفشل عليها من نحافتها
لاتقولون لي خلطات وخرابيط لأن كبدها كريهه:09: تقولون وحدة تتوحم ماتا كل أي شي جديد واذا أكلتها غصب تستفرغ على طول
تكفون ساعدوني الله يصلح لها ذريتها اللي تساعدني

6 تعليق 912 مشاهدة

شاركي في النقاش

سجلي الدخول لإضافة تعليق.

التعليقات

6
  1. خلي طبيب اطفال يشوفها ويعطيك مشهيات لها
    ونوعي لها بالاكل وشوفي وش تحب

    بعدين تعرفين الحركه والمشي وتسنين كلها امور تنحف طبيعي
    واحسن لها الرشاقه يمديها في فتره البلوغ بتسمن بعد وتحوس مثلنا تدور رجيمات :11:
  2. @dh_4

    اعرضيها فعلا على طبيب اطفال واذا مافيها شي ان شاء الله

    انا اشوف انه امر طبيعي بهالسن خصوصا مع اللعب وحركة الأطفال الدائمه

    وما أيـّـد ابدا ابدا سمنة الأطفال مساكنين ليه نسوي لهم مشروع تسمين وهم توهم

    اعرف وحده وهي صغيره من شدة نحافتها وضعفها

    امها وابوها لو يهب هواء يخافوا عليها تطير مع الهواء من خفها

    وتعالي شوفيها ألحين

    والله العظيم متعقده من حياتها مع السمنه والرجيم

    (طبعا والديها اعطوها فاتح شهيه الله يسامحهم)

    فأقول خلي بنتك براحتها مهما رفضت الأكل مصيرها بتاكل ان شاء الله

    وماتشوف شر.
    :26:
  3. صاحبة الموضوع
    الدكتورة علا أحمد
    السلام عليكم وزنها المفروض 14 كجم ممكن تاخذ فاتح شهية واعملى لها تحليل براز وتحليل هيموجلوبين واخبرينى النتيجة
    جزاكم الله خير جميعا

    ويادكتورة علا أنا سمعت ان الواحد لما ياخذ فاتح شهية في الصغر يصير سمين لما يكبر وايش رأيك في فاتح الشهية (ميسيجور) هو أحسن ولا الفيتامينات وشكرا سلفا

تابعي تجارب أخرى من هذا القسم.