شاركي في النقاش

سجلي الدخول لإضافة تعليق.

التعليقات

1,084

  1. @ordh_goryh_6

    مشكورة اختي طهر الطفولة على ردك .. 

    ايه اكثر شي متأثر عندي مفاصلي كنت ماقدر اتحرك ولا اقوم من السرير .. بس الحمد لله الحين مع العلاج رجعت انسانة طبيعية .. 

    كريات الدم البيضاء ماقالي الدكتور عن مقدار النقص .. بس فايتمن دال عندي 7 من اصل 30 ناقص كثير عن المعدل الطبيعي .. 

    بالنسبة للمرض ما تأزمت منه لأنئ عارفة ان الراحة النفسية هي الخطوة الاساسية في علاج أي مرض .. وعندي امل بربي كبير إني اعيد التحاليل ويكون هالكابوس اختفى من جسمي 

    قالي الدكتور في الموعد الجاي اذا كان فيه تحسن بالتحاليل بيقلل لي جرعة الكورتيزون .. لحد ما اتركها .. وان شاء ماطول في فترة العلاج .. 

    راجية من الله الشفاء العاجل لجميع المصابت بهذا المرض اللئيم .. وجميع مرضى المسلمين .. 

    ورده جوريه ^^

  2. @hmsh_shkaoh_1

    هلا خيتو طهر الطفوله اخبارك اتمنى تكوني بالف خير
    ياحياتي فضفضي الي تبين قوليه لاتشلين بداخلك لان الكتمان يولد اشياء سلبيه فااخذي راحتك وسدحي الي تبينه وقولي ياختي الحياه ماتسوى
    والحمدلله وزين انك بداتي تشوفين الحياه ايجابيه وصدقتي احسن لك يساعدك هالشي حتى على العلاج الفال لي يارب وتتغير نظرتي
    وش ثاني شنو هالكلام هذا شنو ضايقتيني بقصتك ترى ازعل بلعكس انا احب الي اشكيله يشكيلي علشان ماحس اني ثقيله عليه لا اصير اشيل همه ويشيل همي ونرتاح لبعض فاتمنى لاتقولين هالكلام مره ثانيه >>> فيس معصب
    قلبي شعور متبادل وانا بعد حبيتك وعساها دايمه يارب والله يسعدنا جميعا ياررب
    ويلا الى لقاء قريب ****لله

    محبتكم / همسهـ شقاوهـ

  3. @ordh_goryh_6

    همسه شقاوه وطهر الطفولة .. ربي يعينكم على هالمرض .. 

    معاناتي مع هالمرض ما كملت سنة  بس حسيتها سنين .. بأول ثنوي كنت متفوقة ومن الاوائل على الدفعة .. ولكن فجأة انقلب الحال قبل الاختبارات النهائية للفصل الدراسي الثاني .. فجأة جاني ألم بكل مفاصلي ماقدرت اتحرك من السرير .. رحت الى كذا مستشفى وماكان فيه اخصائي روماتيزم الى ان لقيت اخصائية بمستشفى خاص  وكان نسبة الروماتيزم عندي مرتفعة كثير في حدود 160 .. وجاء وقت الاختبارات بس ماكنت قادرة اذاكر .. وكنت دايم اتذكر حالي قبل المرض وبعده وابكي .. واستغرب وش سبب هالتغير المفاجئ بحياتي .. حسيت نفسي وحده عمرها خمسين سنة مش 16 سنة .. وطبعا كنت لسى ماعرفت انه عندي ذئبة عملت مواعيد في مستشفى حكومي .. وبعد التحاليل الي اخذت وقت طويل اكتشفت الاسبوع الماضي ان عندي ذئبة .. في البداية كنت منصدمة ماستوعب هالصدمة ..بس الحمد لله الحين مافكر في إني مريضة ابدا .. وعلى العكس في فترة نشاطها نزل مستواي الدراسي .. الحين بس عرفت بمرضي صار عندي عزيمة اقوى في تحقيق طموحي .. وهذا كله ابتلاء من رب العالمين .. بصبر وان شاء الله نهاية صبري فرح يارب .. 

  4. @hmsh_shkaoh_1

    هلا وغلا خيتو ورده وانت اكيد ورده
    امين يارب يعينا ويعينك ويعين جميع المرضى يارب مشكوره حياتي
    حبيبتي الله يساعدك ****لله والحمدلله انك عرفيته من بدري علشان تتعالجين عنها ماتتعالجين عن شي ثاني وتزيد
    والحين ابغى منك تتصبرين وعجبتيني يوم قلتي زادت عزيمتك ايه خليك كذا سوي كل الي تتمنين ولا تبالين فيها ساليني انا حاطه دوبي من دوب المرض وحطمت روحي وماستفدت شي فاقول لك عن تجربه دامت سنوات وسعي صدرك عليها وفرحي وعيشي حياتك طبيعيه ونصيحه اقراي عنها في النت وعرفي كل شي عنها علشان تكونين على بينه وترى اهي ماتتعب الا بوقت نشاطها فحاولي انك ماتنشطينها عليك والعامل الاساسي الي يخليها تتنشط النفسيه ثم النفسيه ثم النفسيه بعد وحده ثم النفسه >> ههه
    فحاولي تكوني دايم مروقه والحياه حلوه وكل شي اوكي خلاص وردتي
    وترى مثل ماقلتي هذا ابتلاء من رب العالمين ويبغى يشوف صبرك وان الله مع الصابرين والله اذا حب عبد ابتلاه ( صح ؟) ويمكن ربي حاب يسمع صوتك ويبغاك دايم تطلبينه وتتقربين منه فالحمدلله على كل شي ومن شاف مصيبه غيره تهون عليه مصيبته دايم شوفي الي ازيد منك والي اقل منك وقولي الحمدلله ولاعتراض على حكمه ربك وانتي بعمر الزهور عيش حياتك والعمر كله يارب
    والله يشافيك يارب ومايزيد عليك وفتره وتعدي ****لله وربي اتمنى لك كل خير
    و****لله ماثقلت عليك بالكلام او انزعجتي من كلامي
    والى لقاء قريب يارب
    محبتكم / همسهـ شقاوهـ

  5. @ordh_goryh_6

    السلام عليكم اخواتي .. 

    اخباركم ؟؟ 

    اممم حابة اسألكم .. هل اثرت فيكم ادوية الكورتيزون في اضطرابات الدورة الشهرية ؟؟ 

    يعني صارت اكثر الم وكمية .. 

    لأني من بدأت في شربه وصار تجيني آلام ماتسكنها المسكنات ... 

    حابة اعرف هل هدحا من الكورتيرون ولا ؟

تابعي تجارب أخرى من هذا القسم.