من ايكيا ،،ايش اشتري وايش أخلي

مرحبا حبيباتي الحوائيات ،،
أنا نازله لإيكيا الظهران بكره إن شاء الله ،،
وكنت بسألكم ياللي تروحون له كثير ،، ايش الاشياء الحلوه عنده اللي تحسوها ماتتفوت ابداً طبعاً أقصد من كماليات واغراض مطبخ واكسسوارات ،،وكمان ايش الاشياء اللي تحسون مالها داعي او مو عمليه او اشتريتوها وندمتوا،،

لأني ماابي ادخله واقش اشياء يمكن ماتكون عمليه او ماتنفعني او ممكن احصلها ارخص واحلى بمحل ثاني

بنات ،، بليز الله يخلي لكم احبابكم )بدأت تشحذ( لاتطنشون ترا وربي مليت اسأل ولا القى اجابات تبرد الكبد ، ابي تفاعل،،
لأني من زمااان مانزلت ايكيا ،،)من ايام كان الحصا تمر..(

22 تعليق 11,868 مشاهدة

شاركي في النقاش

سجلي الدخول لإضافة تعليق.

التعليقات

22
  1. @kory_19

    الحمدلله رب العالمين اغلب اثاث بيتي من ايكيا
    المطبخ و غرفة التلفزيون و الصاله
    و نصيحه اذا اعجبك غرفة المعيشه بكتالوجهم خذي الكنب و الاكسسوارات اللي حوليها يعني اشتري السجاد و الارفف و نفس اللوح بعد
    اذا متوفر معك مبلغ و اذا لا خذي الكنب بس و بعد كم شهر خذي الاكسسوارات اللي حوالين الكنب بيطلعلك نفس اللي بمعرضهم
    شفت كثير بيوت يحطون لك الجلسه ارضيه احمر -اسود من محلات الجلسات العربيه
    ثم ارفف حمراء و سوداء من ايكيا جدا خطا هالطريقه
  2. @am_salh_39

    الارفف والعلاقات الي ورا الباب حلوة والمفارش روعه وسلات الغسيل والارفف حقت الحمام عمليه وشكله روعه
    والاكواب هذي الاشياء الي استفدت منه وان شاء الله ابرجع واكمل اغراضي
  3. @mrasltkm

    صاحبة الموضوع
    حبيباتي كوريه 19 وأم صالح الله يرفع قدركم ويغفر ذنبكم ،،اسعدتوني جداً بردودكم


    وين الباقين يامال العوافي..
  4. @mshaaar_kthab

    بصراحه اغلب اشياءه روعه وعمليه
    نصيحتي لك خذي الكتالوج واتفرجي وشوفي اللي تحتاجينه وسجليها بورقه بقائمه الاسعار عشان ماتضيع فلوسك
    المطبخ مواعينهم كويسه جدا اللباد للثلاجات والادراج حلو التقسيمات روعه
    دورات المياه اغراض التخزين المناشف حلوين والسلات
    غرفه النوم ماجربتها بس الدواليب حلوة وعمليه عندي واحد لملابس الشتاء
    اغراض التخزين والترتيب حلوة وغريبه

تابعي تجارب أخرى من هذا القسم.