زوجه اخوي تنقل الكلام كيف اتصرف ؟

لا تزعلين يا اختي وهالاشكال كثيره بس انتي خليك هاديه وعاديه ولا كأنه صار شي لان اذا تكلمتي لاخوك راح تكونين انتي الغلطانه وزوجته بتستغل هالنقطه وبتقول اختك فعلت واختك سوت وانتي اللي راح تخسرين انا بقولك على سالفتي تقريبا مثل قصتك انا اخوي الكبير كان يعاملني مثل الاميره اي شي اطلبه ينفذه على طول وكان يحبني حب لدرجه يبغى يتزوج وحده مثل مواصفاتي وحتى تأثيث شقته كان ياخذني معاه علشان نفرشها مع بعض والسياره يعطيني اياها ولا يقولي شي واي مبلغ اطلبه يعطيني اياه على طول وحتى في عيد ميلادي يجيب لي اغلى الهدايا وكان مسافر للخارج ودايم يسأل يبغى يكلمني ولا يستغنى عني لكن يوم تزوج انقلب 180 درجه وزوجته الله يهديها من اول ليلة عرسها سوت لي مشاكل وطلعت علي كلام لين خلت اخوي يشيل في خاطره علي واحسه مب اهو الاولي كثير ابعدته عنا وخلته ما يشوف في الدنيا الا هي ولين الحين مب سالمه منها المشاكل تجيني لين عندي وانا ولا قلت لاخوي واتحمل عشانه وهي متعلمه وموظفه ولين نقعد معاها مثل العسل بس تجيها اوقات تقلب علي انا اكثر ودحده تضررت منها واخر مره كنت في بيت ابوي وسكرنه الباب الخارجي عشان الاطفال ما يطلعون في السكه (( خارج المنزل)) ومع العلم عندها مفتاح سبير (( اضافي )) بس قامت تضرب الباب بقوه وامي فتحت لها الا وهي تصرخ على امي ليش مسكره وردت امي وقالت لها عشان اليهال ما يطلعون وردت زوجت اخوي وقالت كل واحد يمسك اعياله وانا كنت قاعده بالصاله حتى ما كلفت نفسها تسلم داخله بشرها وهي شقتها فوق واحنا تحت نجتمع بالصاله يا شيخه خليها على الله انا لين هذا اليوم وانا مقهوره بس شاقول الله يهديها ويصلح بالها وانا عندي انام بدمعتي مظلومه ولا انام وانا ظالمه طولت بس سامحيني من القهر اللي اشوفه من زوجات الاخوان

لاتشيلين في خاطرك
تعاملي مع أخوك واكسبيه
وأما هي تعاملي معها بحذر

اجعل لاخيك المسلم 70 عذر لا تظلميهااا يمكن بروحه ولو هى التسامح هو قوتج وياما يستوى فى البيوت اكثر من جى وتمشى الحياه بالتسامح هااااى دنياااا خليج احسن عنهم بتسامحج

أختي مويهات123 عندنا وعندش خير نفس سالفة زوجة أخوي كرهت أخوي فينا لا ونقلت كلام حق الحريم حن ما سويناه والحين الحريم مقاطعين بيتنا بعد مكان قبل الباب مفتوح والحريم كل 24 ساعة عندنا ما أقول إلا حسبي الله عليها وإدعي ترى دعاء المظلوم مستجاب وأنا دائماً إدعي وسبحان الله ظهر الحق وانكشفت زوجة أخوي قدامنا وعرفناها على حقيقتها

اشكركم جزيل الشكر والله احس ان دنيا بخير صح اني فقد صديقتي زوجه اخي لكن كسبت اصدقاء غاليين على قلبي وجزاكم الله خيرا