ملتقى حواء لفن التصميم الداخلي والديكور/قديم

بسالش خيتو الطين الصيني او الحريري هل هو جيد وافضل من ورق الجدران والصبغ وودي تسويه خلفيه للبلازما باريت تزودينيً بمعلومات ولك خالص الشكر

طيب حطي زي اسرة ايكيا الي تجي سحب يعني كنه سريرر واحد والثانيه يسحب من تحته وقت النوم واذا قامو ترجعين تدخلينه تحت زي الدرج فيه بايكيا وممكن تفصلينه

انا ان شاء الله حأغير 3 غرف في بيتي من بويه وديكور وأثاث وحأعطيكم أفكاري وأتمني تشورو عليا تنفع او لا 1- غرفة النوم أفكر أخلي الأثاث أسود والجدران بيضاء الا اللي خلف السرير محتاره أخليه مقلم اسود و ابيض ولا فلفيت اسود ولا ايش والدولاب مواجه للسرير واخذ الجدار كله و الارض بخليها باركيه بس محتاره في اللون والشباك في نص الجدار لوحده  محتاره في شكل الستاره ولونها علما بأن الأثاث بيكون ناعم وبسيط اتوقع اسمه مودرن وابغي الغرفه تكون الوانها حياديه عشان العب في الوان المفرش والاكسسوارات مره فوشي مره تفاحي وكدا. 2- عندي غرفة المعيشه بخليها غرفة أطفال والدولاب حيكون جنب الباب والسرر مقابله للدولاب وجدارها بخليه مربعات ملونه بس في وسط جدار  السرر في شباك و بسوي تحته مكاتب صغيره لان عندي ولد وبنت في سن الروضه ومحتاره في تصميم الستاره ولونها واﻷثاث بيكون أبيض والجدارين الباقيه بيضاء وايش لون الباركيه المناسب. 3- الصاله بتكون غرفة المعيشه مفتوحه من الجهتين ويبقي جدارين واحد أخلي فيه الجلسه متصله و لونها يا موف او تفاحي والجدار المقابل فيه البلازما وطاولتها محتاره في الألوان والوان الجدار والباركيه. ايش رايك أختي الأمل وكمان باقي الاخوات الي تحب تساعدني أسفه كترت كلام وطلبات الله يسعدكم ويدخلكم الجنه ويرزقكم من حيث لا تحتسبو