تيتمنا ... و فضى البيت ...

الوالد و الوالده ما ماتو بس ... :dozey:

سبحان الله كيف تغيرو علينا ...
الوالد ما نشوفه الا وقت النوم :unsure:
طبعا بحكم انه مؤسس عائله ثانيه فهو عايش معاهم ... " مرة ابوي "
صرت احسدهم ... اخواني من ابوي ... عايشين طفولتهم صح
بالنسبه لنا : " انا و اخواني من امي و ابوي "

امي متطلقه من فتره ... و عندي اخوان صغار " اذا الوحده ما تحس انها بتستمر في زواجها :angry2: و تعيش لعيالها تطلب الطلاق لا تشتت العيال و تخلف بعدين تروح و تخليهم "

طبعا اول قبل ابوي لا يتزوج

كنا مع بعض وقت الغدا و العشا و نقعد جمعه نسولف مع بعض :laugh2: و ضحك و تنكيت و نطلع سوا ...

بعدين من فتره تقريبا من اول ما تزوج ابوي على امي .. بدت المشاكل تكثر و تكبر :icon810:

مشاكل تعقد البيبي و هو ما يفهم ... :baby2: :confused-

من يوم ما كان عمري 11 سنه و الحاله من سوء الى اسوأ ...

صارت علاقتنا مع بعض خربااانه

احنا مع امي ... امي مع ابوي ... ابوي مع اخواني ... سبحان الله زي الانتكاسه


بعد ما طلق ابوي امي و خلصنا من المشاكل بينهم

بس فقدنا ابوي ... صار مع مرته الثانيه :icon8: ... و اذا صادف و شفناه يمدح فيها و يذم في امي :024:

صار اذا هاوشنا ... يقول انتو زي امكم ... :hmh:

ما عاد يسأل... ولا ياكل معنا و لا يسولف ... و اذا مرضنا يوصي اخواني يودونا العياده ... :11retcher

اخواني الصغار هم اللي تيتمو بالاصح... بس الحمدلله خدامتنا طيبه و تسويلهم كل شيء :biggrinlo

بس الشيء اللي ماني قادره افهمه .. و بديت اشك هل اللي حصل " هو سحر او عين صابتنا " :freak6:


شيء حصل معي من فترة " في يوم كان عندي اختبار في الجامعه و تعبت مرررره و خليت اختي تقول لابوي يوديني المستفى ... كنا فوق و هو تحت ... فاسمع صدى و هو يرد عليها بالجوال قال ... خليها تروح للجامعه بلا دلع فاضي .. انصدمت :surprised انا ما اشكي الا اذا مرضت بقوه ... طبعا ما رحت الجامعه و راحت لحالها ... رحت ابغا اغسل وجهي قلت يمكن اصحصح بس ما قدرت و اغمى علي عند باب الحمام ... محد حس فيني يوم صحيت من الغيبوبه القصيره .. رجعت على سريري و نمت :crap: "


من فترة .. مرة ابوي سخنت ... و دق علينا الوالد يقول : بسرعه جيبو بندول و ثلج :dry:

يوم نزلت اختي انصدمت كيف معاملة ابوي لها .... المدام منسدحه و هو يحط لها كمادات بارده :024: :024:

انا انقهرت .. وش الرحمه اللي نزلت على ابوي فجأه.. ما عمري شفت جانبه العاطفي الا مع مرة ابوي و عيالها :angry2: :angry2:

و اللي يقهرني اذا سما ابوي نفسه معاهم ... " احنا " زي هم عايله ... و اسمنا عنده " انتو " صرنا عايله ثانيه


متغير متغير بشكل وااضح و يقهر .. صاير ظالم و قاسي و عنيد ..

اكره مرته المنافقه ... و امي الانانيه ... " طبعا الوالده عايشه حياتها بعد ما تطلقت "

اذا انخطبنا ما نتوفق مع ازواجنا و انا الحين معلقه ابغا الطلاق .. :angry2:

الحين البيت فاااااااضي اخواني الكبار احد تزوج و اللي اصغر مني يدرسون و عايشين برا البيت :ohplease:


فاضي و من كثر ما هو فاضي اسمع صدى صوتي اذا تكلمت ... :scream:

انا و اختي المتزوجه من فتره جا على بالنا ليه ما يكون اللي حصل لنا _ عين او سحر _ ؟؟؟

احس ما جانا هالتفكير الا من فتره ... البيوت كلها مليانه مشاكل .. بس عندنا المشاكل صايره فجأه !!

يعني تتوقعون السالفه فيها نوع من الروحانيه ؟

لان ماني قادره اصدق اللي صاير معانا الحين ... فررررررق بين اول و اليوم ... مو معقوله يصير لنا كذا بدون سبب مقنع ...

اللي عندها خبره تقولي وش علامات السحر و العين .. عشان اتأكد و اتصرف ..
مو علشاني انا الحمدلله عمري 23 سنه و مستغنيه بالله سبحانه



* بنات انا ما كتبت مشكلتي ابغا الشفقه :icon29: ... ابغا تقيمون الحاله و تثبتون هل اللي قاعده افكر فيه صح او غلط ؟
* كيف اعالج المشكله ؟



ربِّ اجعل حيـآتي آجمل من التوقعآت ربي قل لأمنياتي كُوني
♥.

32 تعليق 4,460 مشاهدة

شاركي في النقاش

سجلي الدخول لإضافة تعليق.

التعليقات

32
  1. @ghyomh

    الله يفرجها عليكم يا رب .. والله يا أختي السحر والعين ما يستبعد اللحين الإيمان ضعف عند الكثير وانتشر السحر بين الناس ...ولكن أيضاً المرأة احيانا تغير الرجل تماماً لذلك تفاجأتوا بالجانب اللطيف من أبوك اقرأواعلى أنفسكم والتزموا الأذكار وبأذن الله تفرج .. الله يفرج همك ويرزقك الرجل الصالح عاجلا غير اجل
  2. @hrfalghla

    الله يهديه ويسخره لكم عموما لو كنتوا شاكين إن بالموضوع سحر أو عين شغلوا الرقيه الشرعيه وسورة البقره يوميا في البيت
  3. @lana_yaaayony

    الله يرد ابوكم لكم ردا جميلا
    مافيه مانع لوجبتوا شيخ يقرأ في البيت
    الله يلم شملكم
    ابوي متزوج على امي حرمتين
    وكلهم عندهم عيال بس ابوي يرحمنا كلنا يعني عياله كلهم فوق كل اعتبار
    ويحن علينا ويهدينا سواء المتزوجات او البنات
    يعني امر ابوك غريب احتمال فيه شي بس مأقول انها الثانيه يمكن حسد والحسد اذا ماتعالج من بدري يتحول لسحر
  4. @shms_alaasry

    يختي السحر إذا كان بالبيت أو بإمك راح يكون واضح وضوح الشمس المسحور حاله مايخفى على صغير يكون مريض أو تعبان أو 24 ساعه بالمستشفى
    يمكن إلي فيكم عين أو حسد أو بعد منك عن الله

    ، ومن أعرض عن ذكري فإن له معيشة ضنكا،

    انصحك يااختي بالأذكار صباحا ومساء وبالرقية الشرعية وكذلك التحصين لك ولأخوأنك سواء تغير الحال أو ماتغير يبي له صبر إذا فيكم شي
    بيرجع لكم ابوكم ويمكن يرجع امكم بعد أما إذا إلي فيكم مشاكل طلاق لاتخافي مع الذكر راح تتغير حياتكم للأحسن وراح يحن عليكم ابوكم وتبعد عنكم المشاكل
    والله يحنن قلبه عليكم يوهديه ويصلحه يارب

تابعي تجارب أخرى من هذا القسم.