لين كلامك صحيح , و أنا بعترف إن السواقة عنا هون متل المهاوشة !!!
و إزا شافوها ست بستهبلوها ... :30:
بس مثلا بعمري ما تهت بعمان , لأني كتييييييييير بطلع مع ماما و ماما صرلها 25 سنة بتسوء و حافظة عمان عن غيب , عشان هيك بكون عارفة وين أروح لما أخربط بشي طريق ... بس فيما لو تهت فأنا ما رح أطلع برة عمان ... يعني إلا ما أرجع ألاقي طريق بعرفها
الأزمة !!! هادا إشي مفروغ منه , هلأ لو تيجي تشوفي عمان وه ية أزمة طووووووووووول الوأت , يعني عمان كانت تصير أزمة الصبح على الساعة 7 و نص وأت طلعة الموظفين و الولاد على المدارس , و أزمة الساعة 1 و نص 2 , عشان طلعة المدارس و الساعة 4 عشان طلعة الموظفين ,
أما هلأ !!! أزمة بكل وأت , لأنه الدوار الرابع مسكر عم يعملوا فيه جسر ,و عبدون كمان , و طبعا كل الأزمة متوزعة بطريقة رهيبة ...
على سيرة سواقين التكاسي إنهم مجانين , هاد مرة طلعت مع سواق تكسي قصير كتييييييييييييييير ( اللهم لا إستغابة ) و يا دوب رجليه واصلين الكلاتش و البنزين !!! , و لو تشوفي كيف كان يسوء !!!! و الله ما خلى زاوية ما طلع عنها !!! ما خلى كوربة خطرة ما لفها متل المجنون !!!! يعني كنت آعدة أتشهد على روحي , و أقول يا إما اليوم إمي بتشوفني يا إما لأ !!!!!
:hahaha:
بس صدقي مع الممارسة بصير عندك خبرة , و إعملي متلي , إطلعي سوئي يوم جمعة و الصبح لما الناس تكون نايمة , بصير عندك ثقة تسوقي ....
بس زي ما حكت إيمان , لا تخلي الخوف هو الحاجز الي يمنعك من السواقة , لأنه آخرتها بتروح عليكي , و بتصير هالرخصة جسم يشغل حيز فقط لا غير !!!
و أكيد بما إنك ملتزمة بقواعد المرور , ما بكون في خوف و لا خطر
لقاء الأحبة *3*
متابعة النقاش، صفحة 39