السلام عليكم ورحمة الله وبركاته
حبايبي ابغ منكم نصيحه او استشاره
ودي اسوي غرفه لولدي وبنتي طبعاً صغار الولد 3 سنوات والبنت سنه
ودي اعمل غرفه ممزوجه بالالوان بحيث تليق لهم الاثنين
وابغ اسوي دولاب بس ابغاه تفصيل لان عندي فكره بتصميمه ادراج صغار وكبار وتعليق ماحب الرفوف احسها ماتساعد ع الترتيب اللي جربت تفصيل تدلني ع المحل الله يسعدكم
والاسره الولد يبغ سياره هههههه والبنت لسا مافكرت لها بشي اللي عندها فكره تقلي
وايش رايكم برفوف احط فيها الالعاب وعلب كبيره للالعاب الصغيره
وكوخ بسيط لان ابغاها غرفة نوم والعاب بنفس الوقت لانها كبيره الغرفه وباحط طاوله صغيره بكرسيين ابغاها الوان فين القاها؟؟
واللي عندها افكار تنورني فيها الله يسعدكم بانتظاركم
حاولت ادور مصممة بالدمام مالقيت
ولو كانت الاغراض اجيبها من الرياض عادي لاني دايم اروح او المدينه
الله يسعدكم انتظر ردكم قبل لابدا فيها
دمتم بخيرررررر
شاركي في النقاش
سجلي الدخول لإضافة تعليق.
التعليقات
7
انا حطيت غرفة بنتي وولدي لون الجدار معتق سماوي علشان يكون سهل التنظيف وحطيت الموكيت نفس لون الجدار وحطيت الستارة وردي والكومدينات وردي وسرير ولدي مع الدولاب سماوي وابيض وسرير بنتي لون وردي مع ابيض وطلع روعه- رفع
حاولي تختارين للجدران والارضيات والسراير الالوان الفاتحة وخلي الستاير والمفاارش الالوان الغامقة
شوفي بعد تحت السرير فيه سلات للتخزين وتصير قريبه لهم وماتشكل خطر عليهم انها تطيح فوقهم او شي وتلاقينها عند ايكيا بسعر رخيص
هذي الوانها حلووووه بعد وممكن بدل الفوشي تحطين اورنج فاتح شوي
هذي الادراج بعد موجوده عند ايكيا
الكوخ ياخذ مساحه ومو زين اذكر يوم حنا صغار كان عندنا واحد
كان طفه حق اسبوع وتركناه ملينا منه
فيه بايكيا سبوره طباشير ومن الجهه الثانيه اقلام بـ 149 اتوقع
جيبيها لهم- رفع
خواطر امراه انا حطيت غرفة بنتي وولدي لون الجدار معتق سماوي علشان يكون سهل التنظيف وحطيت الموكيت نفس لون الجدار وحطيت الستارة وردي والكومدينات وردي وسرير ولدي مع الدولاب سماوي وابيض وسرير بنتي لون وردي مع ابيض وطلع روعه
مشكوره ياقلبي ع الرد والذوق باختيار الوان حلوه مناسبه
ان شاء الله باحط فكرتك بالقائمه
دمتي بخير
مواضيع مشابهة
تابعي تجارب أخرى من هذا القسم.