السلام عليكم
والله يبنات انا مليت كنت ميته على الحمل ومشتاقه له بس الحين طلع من عيوني
الحمد الله الحمل سليم واموري سليمه وبخيررر
لكن مشكلتي اني في البيت لحالي وزوجي مسافر
وماقدر اروح لهلي ولا هم يقدرون يجوني
وماغير كني جنيه في البيت وتدهورت نفسيتي وصرت اخاف على البيبي من كثر الصياح والبكا وقلة الاكل
لانه ماعاد لي نفس اطبخ ولا اكل وماعندي شغاله ولا شي وعايشه على الخبز والجبن :(
واحس نحفت كثيررر وصرت عصاقيل وهذا شهري لي فيه 10 ايام
وابي اولد بسرعه وخايفه اني اعووشررر
ماعاد اتحمل اقعد بروحي
اللي تعرف طريقه تعجل الولااده ابي اولد واروح لهلي علىى اقرب طياره
مابي وحده تقول يجي بوقته من جد فديتكم ابي اسرع طريقه وانا للحين ماجربت ولا شي
الا المشي وطريقة اللي توقفين وتقعدين وانتي مفوشحه وماغير اليوم الثاني انترس بطني كله تشققات بسببها كان جاف وانا مادهنت قبل اسوي التمرين والحين يحرقني
شاركي في النقاش
سجلي الدخول لإضافة تعليق.
التعليقات
59- ربي يسهل لك
انا فبكري جبت بثاني اسبوع - والله حاسسه فيك انا مخلصه التاسع بعد معوشره وماجتني ولاده
بس حاولي تروحين لاهلك وتولين عندهم احسن لك والله خصوص اول يوم ولاده وكذا صعبه تكونين لحالك والله يهون عليك وعالجميع يارب العالمين - حبيبتي الله يهونها عليك وتولدي بالسلامة ..،
اذا زوجك مسافر كيف راح تولدي بدري !!!
لازم مشي وجماع وحركة القرفصاء ودش دافي ...
كل هالاشيااء عملتها ومافادت معاية ...
انا بكرية واليوم خلصت شهري وداخلة بالعاشر ...
يعني اتوقع كل وحدة وحسب طبيعة جسمها ... او يمكن ربي ماارد اولد الحين ...
بس لازم تروحي لدكتورة وتكشف عليك من تحت اذا الرحم فاتح اشربي يانسون وحلية بالعسل
واشربي حليب بعيدان القرفة والقرنفل وحلية بالعسل ...
وان شااء الله ربي بيسهلها علية وعليك - هلا ياعسل
انتظري يرجع رجلك وروحي لاهلك احسن لك
يمكن لاسمح الله تتعسر ولادتك وتجيبي عمليه حطي براسك هالشي
انا في بكري جبته ثاني اسبوع وتعسرت ولادتي وكنت محضرة شنطه حقت يوم واحد واروح البيت بس سبحان الله قدر وجبت قيصري وجلست 5 ايام بالمستشفى ,,
فمحد يدري وش بيصير له :)
توكلي على الله وكل شي بيجي وقته كلنا تعبنا من الحمل الحين انا داخله ثالث اسبوع في التاسع ونفسي بخشمي وكل يوم كل لازم اسوي مناحه وابكي بس مافكرت اشرب شي الحين ابيها تجي لحالها ^^
الله يوفقك ويسهل لك الصعب وتولدي وتقر عينك بشووفة جنينك :) - يوووووووه الله يعينك والله حاسه فيك اصلاً الم النفسيه اكثر من العضويه انا ببنتي دخلت العاشر ومابقى الااسبوع واكمله ومع هذا كله جت عمليه ولاحسيت بطلوق ولاشي وماقعد شي الاسويته والحمدلله لاتستعجلين ع رزقك كل شي بأمر الله وبتتيسر الامور ان شاءالله
مواضيع مشابهة
تابعي تجارب أخرى من هذا القسم.