السلام عليكم
عندي علب جبن بوك كثيره وفارغه ونظيفه وشلت الاصق اللي عليها وعبيتها سميد,جوز هند,زعتر,سمسم..وكثير اشياء ,,
بس شكلها بايخ كذا وقلت بما ان الجبن مستهلك عندنا كثير وانا عندي فراغ كبييييير ..
ابي تعطوني افكار لتزيينها .. خبرتي بسيطه في هالشي ,, ابي اعرف ايش المواد المستخدمه وكل شي ,,
وراح اصور لكم تصوير احترافي لشغلي بعدين :icon32:
بس ساعدوني ,, الملل يكاد ان يقتلني:dozey:<متعوب عليها:unsure:
شاركي في النقاش
سجلي الدخول لإضافة تعليق.
التعليقات
9- كويس انك فكرتي تشغلي وقتك في شي مفيد
جربي تستخدمي خيوط وتلفيها على العلبه مثل اللي فالصوره
او تستخدمي الخيش وتقصيه اشكال مربعات او مثلثات وتثبتيه على العلب او تلفيه على العلبه كامله
او ارسمي علي نفس العلبه في مواضيع فالقسم رسم ابحثي واستفيدي منها
اتمنى اكون افدتك
- رفع
- فيه كذا طريقه للاستفاده من العلب
فيه انك تجيبين بويه وتدهنين العلب بالبويه
وتسوين رسومات على العلب او تسويين لواصق
من النت تختارينها وتطبعينها وتلصقينها على العلب
وللغطاء هاتي قماش كروهات وحطي حوله مطاط
ولبسيه الغطاء
تقدرين تغطين العلب الجزء التحتي بفورميكا
انا استفدت من علب حليب الاطفال البودره
ولبست كل العلبه فورميكاوجبت لواصق
حروف ولصقت على العلبه كل علبه لصقت عليها
الحروف باسمها زي مثلا كمون حطيت حرف
ك م و ن وبكذا اعرف وش موجود في كل علبه
تقدرين تجيبين قلم اللي ضد الماء وتكتبين على
العلبه بيدك
-----------
وفيه بعد حركه بعد ماتدهنين العلبه بالبويه مباشره
اغمسيها في بودره تجيك ملونه زي الرمل تنباع عند
ابو ريالين وخليها تتغطى كلها بهالبودره بس انتبهي
من الفوهه لايجيها دهان عشان تقدرين تسكرينها
بعد مايخلص الشغل
المهم بعد ماتغمسينها في البودره الملونه وتحسينها تغطت
بالكامل اتركيها تنشف يوم كامل بعد ماتنشف بخيها بورنيش
او ادهنيها ببويه ورنيش افضل يساعد على تماسك البودره
وتقدرين تغلسين العلبه عادي بعدين
والغطاء سوي لك تلبيسه تلبسينها الغطاء عباره عن قماش
كاروهات او ساده تقصينه دائري اكبر من الغطاء وتحطين مطاط
في نهايه الدائره وتخيطينه حوالين الدائره بعدين يطلع زي الكشكش
وتلبسين الغطاء وفيه طريقه الشرايط زي اللي في الصوره تراها سهل جدا
طلع الشكل مرتب في الولاب
مواضيع مشابهة
تابعي تجارب أخرى من هذا القسم.