بنت غريبه صراحه

مساء الخير انا عندي صديقه ماعندها لابتوب ولا جوال ولاايباد ولا شي عندها جوال من الحوالات القديمات معنها مرتاحه مادياً وينزل لها حافز المهم هذي البنت دائم تحتاج نت عشان تحدث بياناتها في حافز وعشان جداره وغيره ودائم تحتاج النت للبحث عن معلومه دائم تتصل علي ابحثيلي عن كذا سويلي عن كذا او تتصل على غيري من صديقاتها عشان تحدثلها وتسجلها يعني دائم طلباتها بستمرار ما تخلص انا افكر فيها اقول هي دائم في السوق تشتري ملابس وغيرها طيب ليش ما تشتري لاب توب او جوال حديث او ايباد وتغني نفسها احسن لها من ان تطلب من فلانه وعلانه والشي الثاني ان عندها خواتها في البيت كل وحده عندها لاب توب واجهزة جوال مطوره وايضاً عيال اخوانها وعيال خواتها دائم هم عندها عشان تدرسهم طيب ليش ما تطلب تستعير من احدهم جواله او لابتوبه خمس دقائق وترجعه خصوصاً انها في البيت تخدم الكل الي تدرسه والي تطبخله والي تمسك بزارينه يعني ماهم قايلين لها لا اذا طلبت من احد جهازه انا ما اتمنن عليها بس صراحه ها البنت مصختها اتكاليه بزياده وبعدين الواحد يمل من كثر ما ابحث لها عن معلومه وامليها بتلفون لو انها محتاجه وظروفها قاهرن ولا تقدر تشتري جهاز او ان ما عندها احد عنده جهاز كان قلنا معليش نساعدها واجرنا على الله الله بس هذي تقدر تشتري جهاز وعندها اجهزة اخوانها واخواتها وعيالهم وهم لهم فضل عليها لانها تخدمهم المهم امس اتصلت وكا العاده قالت ابحثي سوي وبحثت وما لقيت بعدين تشجعت وصارحتها قلت يا بنت الحلال عندك كم جهاز في البيت استعيري واحد وابحثي وسجلي على راحتك قولي لحدى خواتك او اخوانك او عيالهم ابي لو سمحت جهازك خمس دقائق وارجعه ابدا ماهو ضارهم قالت اوكيه وبعدها سولفنا وقلت لها والله اني مستغربه منك ليش ما تمونين على خواتك واخوانك زي ما انتي تخدمينهم هم وعيالهم عادي لو تطلبين منهم شي او تستعيرين قالت اخاف اخرب الاجهزه قلت طيب اشتري جهاز وريحي نفسك قالت ما احب الاجهزه بنات احسها جداً ترفع الضغط