/ استوفى حقه من الردود/ليش الموظفات ما يكشخون للدوام مثل طلعاتهم؟؟؟

انا بتكلم عن نفسي لأني ماأحب أعمم كلامي ع الجميع😊

انا ولله الحمد موظفة وبصرااحة اهتم بشكلي ولبسي ومكياااجي 
يعني الأنيقة أنيقة وين ماتروووح

لكن اشووف البعض من زميلاتي فعلا ماتكشخ 
حتى روووووج ماتحطه
المشكلة يسوووولفن يقوولون رواتبنا مايبقى منها رياااال كله على هالكشخة واللبس خخخخخخ
أناااا انصدمت يعني بنظرهم انهم كشخة ومرتبات هههههه
والا تجيك وحدة تقوووول انا كشختي لزوجي وفي بيتي ههههه
هذي جداً مااقتنع فيهاا لان اللي يتعود ع الكشخة والترتيب بيصير هذا ستايله سواء بالبيت او خارجه



وطبعاً انا ضد اللي كشختها اوووووفر ولبس يلمع وترتر وهي بدوام خخخخ


لااا
بس
( بلوووزة وتنورة انيقة وناعمة. وتعدل شعرها مرة كعكة مرررة تحطه ذيل حصان مرررة تحط جل
وميك اب ناعم كحل وماسكارا وروووج وشوي بلاشر. مع العطر)
وسلامتكم

وحبايبي الموضوع مو مستاهل انكم تدعون على بعض وتحسبون ع بعض
الحياة اخذ وعطاء
مجرد نقاااش ماله شغل بالحسسسد😍

الله يوفقني ويوفق كل موظفة ويحفظنا
والله يرزق كل عاطلة بالوظيفة اللي تسر خاطرهااا
بس عاد اكشخوا😜 ههههه


دعواتكم لي بالزوج الصالح

تراك واللي أيدوك ماتعرفين ظروف هالموظفات..
اللي مريضة واللي عندها مرضى، واللي ماتنام في الليل من الهم والتعب، واللي مديرتها وإلا أحد في العمل مضيق عليها ومأزمها نفسياً، وإلا عندها زوج مسود عيشتها، وإلا أطفال مرضى وإلا محرومة..

بعدين خمس أيام متواصلة تروح نفس المكان..ملل
والأغلبية مو مرتاحة في مكان وظيفتها، بس الحاجة وماتسوي.

والعمل يحتاج لبس مريح..

وعمر المظهر ماكان مقياس..
أهم شي النظافة والترتيب..ومو كل الناس عندهم ذوق..

وبعدين كلامك عن الصحابة أنهم أكشخ الناس..ياليت تكتبين الدليل (عمري ماسمعت حديث فيه كلمة كشخة!!!!)
عمر بن عبدالعزيز يوم مات كان إذا غطوا رجوله انكشف رأسه....
وعمر يوم فتح بيت المقدس قال له أحد الصحابة كلام عن هيئته ومظهرة..فرد عليه عمر بمقولته المشهورة
" نحن قوم أعزنا الله بلاإسلام ......

والله والله ماكتبت لك هالكلام علشاني عاجزة وإلا لأني ماألبس..بالعكس تماماً أنا وحدة حتى شنطي ماركات عالمية لو حقت السوق.
بس نلتمس الغذر لغيرنا

^
^
^
حَدَّثَنَا هُشَيْمٌ ، أَنْبَأَنَا مَنْصُورٌ ، عَنْ قَتَادَةَ ، أَنَّ عُمَرَ بْنَ الْخَطَّابِ رَضِيَ اللَّهُ عَنْهُ أَبْطَأَ عَلَى النَّاسِ يَوْمَ الْجُمُعَةِ ثُمَّ خَرَجَ فَاعْتَذَرَ إِلَيْهِمْ فِي احْتِبَاسِهِ وَقَالَ : " إِنَّمَا حَبَسَنِي غَسْلُ ثَوْبِي هَذَا كَانَ يُغْسَلُ وَلَمْ يَكُنْ لِي ثَوْبٌ غَيْرُهُ "

بصراحة موضوع كله حسد و غيره

طافحه منكم عالموظفات و المدرسات اللهم لك الحمد

عادي حتى لو تكيسلت اهم شي نظيفه ؟ مالها ريحه لا سمح الله ... مرتبه ما جتك بشعر كشه محوس ما مشطته من امس ؟

خلاص هنا تلزمين حدك .. و تبطلين لقافه و مراقبه للناس ...!! مالك عندها شي ...!!

تجمع فلوسها ...بخيله ... كريمه .... كشخه ... ماهي كشخه .... وش علاقتك انتي ؟؟؟؟ انتي يادوب مراجعه جاية عشان شغلة محددة تسوينها و تطلعين . مالك والناس كشخوا ولا ما كشخوا ؟

وحتى لو انتي زميلتها .... تخيلي بس تخيلي تقولين فلانه ليش لابسه بلوزة وحده من اول الترم ؟؟؟

لو قالت عنك قليله أدب و ملقوفة .... تتوقعين صح كلامها ولا مبالغة ؟؟؟

يدل ذلك على إن مالك دخل .

استغرب الي ينتقد العالم ... وهو ميييت عالوظيفه .... بالذات ضيم السنين هذي مسكينه من جد أرحمها ..... تنتقد الشي وهي تتوجد عليه ....

التعميم عيب يا قمرات .... و فئة الموظفات هم أدرى بمصارف رواتبهم ... كل وحده عندها من الهموم ما يكفيها .... و حتى لو تكنزها في البنك هي حرة يا قلبي .... حلال على قلبها هالآلاف المؤلفه الي تستلمها كل شهر طالما فيه قومة صبح و شغل ...

اما فئة موظفات المدارس الاهليه .... برضه عندهم هم الراتب الضئيل .... و أساسا انتي مالك شغل سواء راتبهم كثير او قليل ....

ميتين على هالوظيفه .... و تحلمون فيها .... لكن هالشعور يطلع بشكل حقد وغيره عالموظفات !!

اذكروا الله عليهم بس .... لا يجيهم شي من عيونكم . حتى مستوى كشخة ناس ما تعرفونهم ، تدققون فييه