بنات صباح الخير ،
أنا خبرتي بالجوالات والتقنية مييييح ، المهم صار لي أسبوعين والسيرفر حق الواتس يرسلون لي رسايل إنجليزي ، وفيها رابط ماكنت أدري وش سالفتها إلا عقب ،
بعدين البارح جيت أفتح الواتس ، مافتح معاي صار يطلع لي عالشاشة زي كأنه أول تسجيل عالواتس ( رمز الدولة ورقم الجوال ) دخلتها البيانات بعدين رقم الكود ، يقول عفوا الواتس قديم جدا ، راجع العملاء أوشئ زي كذا .
آسفة طولت بالحكي بس الزبدة ، قالوا لازم أعيد تحميله من جديد ( وهنا المشكلة ) ترى ما عندي أي خبره بالبرامج والتحميل ولا أعرف الأب ستور والأشياء هذي ( جهازي آيفون فور إس )
بالله وحده تكسب أجري وتشرح لي الخطوات وأكون داعية لها من قلب ، لأن من جد محتاجته الفترة هذي جدا تعرفون فترة إختبارات ، وفيه قروبات للمراجعة والأسئلة وزي كذا
تكفون تكفون ساعدوني بحل . الله يرضى على الجميع .
الموضوع مغلق