المعلمات اللي تعينوا قريب تعالو حكونا كيف دبرتوا امور سكنكم واطفالكم اللي بالمدارس

اذا زوجك مابيجي معك او تداومين من بيتك للمنطقه اذا المسااافه معقوله لاتتورطين
حماتي تعينت على حدود اليمن منتهى المرمطه وساكنه مع معلمات في شقق وبنتها تحطها عند حرمه والحدود تخوووووووووووووووف

الله يرزقنا و يرزقكم الخير

في معلمة اعرفها عندها عيال وجاها ندب لقرية ثانية وكان الحل انها توصي جارتها الين ترجع من المدرسة تشوف العيال وتنتبهلهم براتب شهري

او انك تجيبي احد معاكي شغالة او اختك او امك
اما بخصوص الاغراض والاحتياجات اخر الاسبوع تطلع بمشوار للمدينة تفضي طلبات الاسبوع كامل

عن نفسي تعييني مدرسه ابتدائيه أداوم وبنتي معاي بنفس المدرسة والروضة جنب للمدرسه بس بنتي رافضه تروح وإخليها مع الخادمه بالبيت استودعها الله يوجد كل الخدمات بمكان تعيني استأجرت شقه مفروشه بمجرد توظيفك تتسهل أمورك سبحان الله

انا تعينت في مدينه بعيدة واستاجرت شقة صغيرة انا وبناتي اخذت اختي معايه لين اجيب شغاله
اخليها عند بناتي لما اروح المدرسه زوجي يجي كل اسبوعين
وعايشين على امل النقل الله يكتبه لينا

أنا تعينت إدريه في قريه تبعد عن الرياض حوالي 120كليو فقط واحمدربي أقول احسن من غيري اللي تعينوا في أماكن بعيده بس قسم بالله معاناة ماهي طبيعيه اربع ساعات في الطريق كل يوم بالنقل وحياتي انقلبت فوق لتحت عيالي خليتهم عند أبوهم لان دوامه ماهو يوميا وإذا داوم خلاهم عند جارتي هذا غير مشاكل النقل والتحالفات اللي تصير علشان اللي تدخل وحده وتطلع وحده في النقل ومشاكل مالها حد هذا غير الخروج في وقت الامطار والضباب والخوف اللي تعشينه مع أحتمال انك تطلعين وماراح ترجعين أذكر اول شهر داومت فيه كانت النفسيه زفت وكل يوم بكاء على عيالي لان كان عندي احساس اني اطلع ماراح أشوفهم اسكتي حاله نفسيه ما يعلم فيها الله هذا وانا قريب كيف اللي تعينت بعيد كيف نفسيتها ومع ذالك أقول للي تعينت بعيد تروح تسكن في مكان قريب من عملها لان النقل صعب جدا وتاقلم حياتها في القريه وهي وعيالها لان عمليه النقل راح تطول كثير اعرف كثير من المعلمات لهم أكثر 7سنوات ما نقلوا وفيه وحده تو نقلت لما جيت يقولون لها 15سنه دارت على مناطق المملكه لين نقلت للرياض والله اعلم نقلت للرياض ولا قرى الرياض بعد يعني لا تحطون في بالكم كلها سنه وتنقلون ترى الدعوه ممكن احتمال كبير أنها تطول مابي احطمكم لكنها حقيقه وحبيت اقول ان انه لازم تضحون في سبيل الوظيفه والتضحيه يمكن تطول يعني لا تضعون في بالكم أنه وضع مؤقت وينتهي لا لازم تاقلمين حياتك كلها على. وضعك الجديد اللي ممكن يطول هذا معاناتي واعرف كثير معناتهم اكثر حياه عيشينها ما يعلم فيها غير الله في سبيل الوظيفه وأعرف ناس تاقلمت ونقلت هي عيالها زوجها جنب مقر عمالها وكونت حياة جديده وجيران وصاروا عندها مثل أهلها وأكثر وحتى أنهم شروا بيوت في نفس القريه وصار ت حياتهم خلاص هناك وما يفكرون انهم يطلبون النقل لاي مكان
لان تعرفون ان عمل القرى اريح ارجو اني افدتكم وتمنى لكم التوفيق