لقاء الأحبة *3*

بالنسبة لموضوع السواقة .. انا اخدت الرخصة و عمري 18 <<< من اول مرة :)
و بالفعل السواقة بعمر صغير احسن .. ما بكون في خوف ..
يعني هلا السواقة بالنسبة الي اشي عادي .. بس طبعا انا بالسعودية محرومة من السواقة :(
>>>> للي ما بتعرف الستات ممنوع يسوقوا بالسعودية !!

السلام عليكم يا صبايا..

شو هالنشاط المنقطع النظير.. الله يتم عليكم..
إخترت هادا الوقت عشان أقدر أقرأ اللي فاتني بدون ما ألاقي الصفحات بتفقس وأنا مش ملحقة عليكم..

هلأ كلكم نايميييييييييييييييين.. بكتب عكيفي..:42:

أول شي.. موضوعاتكم حلوة اللي طرحتوها.. بداً بالملابس مرورا بالنظافة الشخصية للبيبيات انتهاءً بالسواقة..

أنا حعلق عالأخير لأني وصلت وهو مطروح واللي راحو علي.. تعلمت منكم.. الله لا يحرمنا منكم..

أنا متل باقي الصبايا تعلمت زمان .. يعني صارلي ماخدة الرخصة من ال 98.. وكان التشجيع سيارة وكالة.. فأختكم جابت الرخصة من أول مرة (طبعا بالأردن)..

سقت بالسيارة تقريبا 3 سنوات بدون منافس بعدين إشتغلت الشحودة تبعت إخواني.. بس أول 3 -4 شهور.. ييييييييييييييييييييييييييييي.. كنت أروح من أي مشوار إيدي معضلة من كتر ماأنا متوترة..

بس بعدين.. وين يا با..!!

ما في شب بيطلع معنا برااااااااس!!:)

بس طبعا كلو بحدود.. اللي بيزيد عن حده بينقلب ضده..

بس الرهبة طبيعية بالبداية والمهم الممارسة .. التعليم بس 30% من مهارة السواقة(هيك بنظري)

وربنا يحميكم ويجعل طريقكم آمنة يا رب..

أنا بعد حادث صارلي قبل 4 سنين أنا وخواني الثلاثة.. على طريق إربد عمان صرت خويفة كتير وبصراحة بلخم كل واحد بركب معه.. لأنه مش حادث اللي أكلناه.. الله سترنا.. السيارة إنشطبت وبعناها
:( :( :(
وأنا إنفكت رجلي من الحوض.. وأخوي كسر القزاز بجبينه .. وأخوي الثاني انحرق صدره من الحزام.. والمشكلة إنو اللي تسبب بالحادث شافنا فتنا بحيط وما وقف يشوف طلعنا طيبين ولا لأ..!!

الله لا يورجيها لحدا.. بوز السيارة تسفط بما فيه من معدات وتجمع عند التابلو الله ستر ما انفجرت السيارة..!!

بس عادي.. سوقو ما تخافو:42:

بتهبل صح..؟!:26:

سلامتك من الهبل يختي

حبيت اصبح عالحلوات

ورايحة اكمل نومي

نيجي لعذر الغياب..مع إنه ما حدا سأل عني .. بس يلا..عادي عمين ولا عمين بدكم تلحقو..!!

أول شي أنا وإبني وزوجي مرضنا جماعي.. بس طبنا تقريبا الحمد لله..
تاني شي.. أخوي إجا من الأردن والتهيت عند أهلي..

بعدين:

bisano الحمد لله على سلامتكم و ربنا ما يورجيكم مكروه يا رب.. الله يتم حملك على خير يا أختي..

شذى الورود.. عظم الله أجركم يا أختي ورحم ميتكم وآجركم في مصيبتكم وأبدلكم خيرا منها .. آمين.

دموعة.. أحكيلك شو تعملي.. روحي عقسم الشعر بتلاقي خلطات عجبة بدها صبر أكتر من اللي كتبتيه..

صارلي بعمل خلطة يمكن 4 شهور وما لقيت نتيجة.. ومش عارفة مالي منهبلة ولسة بعملها!!

جربيلك شي خلطة بتلتهي عن الموضوع اللي شاغلك.. وبتصيري تقيسي طول شعرك بالملم..

om monaكيفك يا مختار؟؟ نسيت أسألك قلتي مرة إنك بتحسيني أنا وكندا زي منى ولينا.. لييييييييييييش.. طبعا بيشرفني أكون قريبة من قلبك متل بناتك.. بس بشو بنشبه بناتك..؟

أميرتي لين.. كيفك يا سواق سنفور.. بكرة ما بتعرفوها يا بنات استنو بس شوي عليها بالسواقة.. !!

إنتي قلتي مرة إلك قرايب هون؟؟ بالخبر؟ إبعتيلي عالخاص تفاصيل بلكي طلعنا معارف.. أنا مشجرة بالخبر من 24 سنة..

كندا.. كيفك وكيف جنى.. بدي أسألك شو رأيك بالأحزمة الرياضية اللي بالبطاريات تبعت النبضات (جيم ترونكس) و(AB tronics) صحيات هدول وآمنات للإستخدام؟؟

أنا جبته بعد ما ولدت عشان بطني اللي ضل طالع نتفة بعد الولادة واستخدمته تقريبا بعد الولادة ب3 شهور.. وحسيت بطني خف كتير عليه.. إستعملته حسب التعليمات 10 دقائق.. بعديها 4 ساعات استراحة لكل مجموعة عضلية قبل إعادة الإستخدام.. وأحيانا بستخدمه على ظهري لما أكون موجوعة من وقفة طويلة أو مشوار بالسيارة بعيد..وبعدين بعمل مساج بكريم ديكلوفيناك الصوديوم برتاح كتير.. أكتر من الدوا لحاله.. فهل يعني ذلك أنه مفيد ؟؟ وهل إستخدامه آمن؟؟ أفيديني أفادك الله..

إيمان.. كيف الرزات..؟ يختي شو جابرك عالبني.. أمي قالتلي مرة حتى لما تسويه حسب التعليمات بيضل فيه شوية قرطة.. شو صار معاكي؟؟ ولك كله ولا الملوخية.. وقته تعملي يومها تجارب.. الله يسامحك.. لو مشيتوها غماس بخبز أحسن.. أصلا أنا هيك بحبها..(( يعني في حال جيت عزمت حالي ما تسوي رز))

snaw شكلو لسة معركس معها المنتدى.. فزعة يا صبايا وينكم؟؟

usha شو أخبار العرايس يا خطابة.. لسة ما توقف البحث..!!

noni103 شو أخبار البيبي؟؟ جهزتيله ولا لسة؟؟

noonoo22 بس تشتري تياب الحفلة تبعت البيت إحكيلي عشان أعزم حالي.. وإذا ما طلعتي ما تحكيلي لأني لو جيت ما بتعرفي شو بسوي فيكي..أوكي..!!

زهورة الأمورة(نائب المشرف)
عنودة ( المشرف العام الموقر)

نرجو أن نكون عند حسن ظنكم وأن لا تكون مشاركتنا قد إخترقت أحد الشروط.. ولكم جزيل الشكر..

ياميت هلا ومرحبا في اميرت النجوم

وحمد لله علي سلامتك انا لاتاخذيني والله عقلي هذه الايام مو معي خسيت النص بتفكير

علي سيرت الخلطات ياكثرها في منتدي الشعر بس اي خلطه انتي بتستخدمي لتكون الحلبه مع زيت عافيه

انا من فتره قررت اطول شعري لاني اندمت لما قصيته وكل يوم والثاني بحط وصفه جديده من الزيوت
الله يرحم ايام شعري كان لنص ظهري هلاء لوشو مارح يرجع كيف ماكان :(

فلسطين حلو الفاصل الاعلاني تبعت وتلاقي الخير واحلام سعيده

ايمااان شو صار في الرز بستني اشوف اتغذيتو اليوم او قعدتي تستني الرز ليستوي بس شكله بده يوم ليستوي
انا كنت بدي اقولك انقعيه قبليها بيوم بس انا ماعندي خبره كثيره بهذا الرز

علي كل صحتين