قررت الطلاق بسبب اهل زوجي الله لا يحللهم >اكتفى من الردود

الله اكبر ... اترك زوجي وبيتي وعيالي على شان ناس ؟؟

اقول .. اركدي مافي مشكله الا ولها حل ... دام زوجك يحبك وعندك اطفال منه لاتفكرين الا فيهم .. حاولي قد ماتقدري تبعدين عنهم اذا هم يضايقونك ...


اسمعععي الكلام ولاتهدمين حياتك ... مفكرة نفسك كذا انك خلاص انتهيتي من المشاكل بكره الولد يكبر ويتشتت

اما انتي مشاكلك مع اهله لابد يجيها يوم وتنتهي ...


والله يفرج همك

قرارك غير صائب
و ايمانك بربك ضعيف
بتخسرين بيتك و وجك و عيالك
و عمر عيالك ماراح ينسون موقفك
و بقعدين متشتته لامن بيتك لا من اهلك
و زوجك بيتزوج و بيعيش حياته و بينساكي
و الي بيضيع انتي
اهله سبب المشاكل و انتي و زوجك متفاهين
خليهم فخار يكسر بعضه ليش تنقلين مشاكلهم لبيتك؟!!
كبري عقلك و استعيني بربك و الدنيا دواره الي بيسوونه فيج بيرد لهم

الله يفرج همك بس انتي ويش دخلك في اهل زوجك تري الشيطان شاطر

ياختي زوجك يحبك انتي ويش دخلك في اهله ويش يهمك هو والا اهله

لا تخلي الشيطان يخرب حياتك وبكره تقولي ياليت وياليت والصراحه

مدري احس كلامك مهو مرتب بس الله يعينك

احيانا الانسان يحس روحه وصل لطريق مسدود ........يحاول يفكر كيف يتخلص وتجيه افكار غير واقعيه بنظر غيره

هو يحس انها الحل واذا احد سمعها يقول ان هالشخص مجنون او يستغبى .


وهذا اللي صاير عندك ..تشوفي انه الحل الوحيد والبنات مستغربين ولسان حالهم يقول هذا اكيد مب صاحيه.



انت وصلت لطريق مسدود مع اهل زوجك ومع عيلتك ومع زوجك للاسف..............بس زوجك هو الوحيد اللي قادر يهدم السد او اقله يجيب سلم عشان تطلعوا من المشاكل .



اذا سكتي وتجاهلتي راح يتجاهل وراح تعيشي بنكد طول عمرك

واذا ولعتي راح تعيشي بنكد برضه

وشفتي ان الطلاق هو الحل

مشاكلك مع اهل زوجك بينما تحبي زوجك هذا له تفسير واحد ان زوجك واقف وقفة المتفرج لانه بكل بساطه ما يريد يدش بمشاكل مع اهله وهذا اللي خلاك تعطيه هالقرار . تبغيه يحس يتحرك ينطق وهو الحين يحس نفسه ضايع ......عموما الحل بيد زوجك .




اذا تريدي حل لمشكلتك فالحل انك تغيري شخصية زوجك تخليه انسان يواجه مشاكله بدون ما يلف حواليها وشماعة ما اريد ادش في مشاكل مع اهلي يحتاج لها تغيير الى عبارة انا لازم احل هالمسأله واخلي المياه ترجع لمجاريها ...يعني قدامك طريق صعب وطويل ...

وبما ان الحل الاول صعب مع وجود شخصيات تخاف تواجه المشاكل ....ويريدوا من الزوجه تبلع الاهانات ومقولتهم اصبري عشاني وعشان عيالك
فالحل الثاني : تغيري من شخصيتك وهذا راح تخسري فيها كثيييييييير ............ تصيري عدائيه زي اللبوه اللي عندها اطفال وما تريد احد يقترب من عرينها خوفا على بيتها . ...الحل الثاني يحتاج له عقل وتكتيك بمعني تردي وتاخذي حقك وبس بدون لا تعتدي على حقوق ثانيه ...ويحتاج لها اعصاب .


الحل الاخير الطلاق ، واللي ما انصح فيه ....برايي الجأئي الي تغيير شخصيتك وخلي العالم بما فيهم زوجك يشوف جديتك في الحفاظ على بيتك وكشري عن انيابك دام لك حق ويمكن في هذي الاثناء يتحقق الحل الاول ويتغير زوجك .



تقبلي رايي
حاولت احلل الموضوع وما وصلت الا انك تعاني من هالشي .

اختك

لاياعيوني مالهم شغل يتدخلون بحياتك

اذا هم اقوياء خليك قويه مره وحده

انا اهل ابوي متسلطين ورغم انهم مايحبونا الا ان ابوي متعلق فيهم ويروح لهم بشكل يومي


لكن هو حر اما احنا مانشوفهم الا بالاعياد



يمكن انتي تعبانه اللحين ومتضايقه وقلتي كذا



ترى مافيه احد حياته صافيه بدون مشاكل

وانتي عندك زوج وعيال احمدي ربك ع النعمه