بالله مو قهر واحد خطبك ومقتنع فيك وبكل ظروفك وبعد ماطاحت الفاس بالراس جاي يقول مو عاجبه الوضع!!!!!!!!!!, ,,
بختصر لكم السالفه لاني من امس مانمت بس افكر,, وابي احسم الموضوع معاه من الحين عشان ماتتعب نفسيتي اكثر,,
واحتاج رأي الحكيمات والناصحات الله يجزاااكن خير @ مابي اخذ قرار اندم عليه طوال عمري , خاصه في امر مصيري مثل ذا وتعرفون الوظائف بالقطاره ببلادنا الغاليه ,,,
هذا سلمكم الله انا موظفه <معلمه> الحمدلله , صحيح عايشه بعيد عن اهلي ومقر سكني الاول ومغربه اهلي معي جايبه ابوي معي وشحططت به هو وامي وراي لين ماستقرينا بهالديار الحمدلله على كل الحال وضعي الحين مستقر ...
خطبني خطيبي دا وهو بعد عمله يبعد عن مقر عملي الف كيلو واكثر ولاعنده استطاعه بنقل , وهو عارف هالوضع بالبدايه
وانا طالبه نقل من الاول على المدينه اللي فيها اهلي يعني ان شاءالله اذا جاء نقلي بروح عندهم اكيد ..
وهو عارف كل هالاشياء ولا علق ومن البدايه قلنا له ورضي,
بعد الملكه والحوسه وكل هالحكي احسه قلب علي او مدري اش فيه بالضبط؟ وين كان عقله من البدايه وهو عارف اننا ماراح نستقر مع بعض الا بعد سنه يمكن لين ماقدم نقل جديد ..
مره قال نبي نقدم زواجنا الحين وخذي اجازه 3 اشهر, قلت له مستحيل مو بهالسهوله ,, وسكت فتره والحين راجع لي بموال
صدمني فيه امس يقول: بسألك سؤال وبذمتك تجاوبي بصراحه ؟؟
يقول لوخيروك بيني وبين الوظيفه وش تختاري؟؟
طبعا لانه حلفني اجاوب بصراحه . قلت له الوظيفه !!
وزعل وقال مشكورا يجي منك اكثر ,, وقفل بوجهي وظل يراسلني يقول انا ماقدر استغنى عنك!! ومحتاج لك ومن هالكلام الرومنشي اللي لا يودي ولا يجيب هههه
قلت له انت عارف طبيعة شغلي من الاول وراضي وش مغيرك؟؟
قال بصراحه وعلى بلاطه بعد الزواج راح افصلك من عملك **
قلت له : نو مستحيل بعد ماتعبت اهلي معي وسحبتهم بالغربه اخيب رجاهم واقول مابي الوظيفه,
وبدأ يفرض رأيه علي ويقول انا ماتزوجت عشان تكوني بديره وانتي بديره ؟! ويقول ابي استقر واعيش حياة اسريه طبيعه ,
وبدى يتمصخر بي يقول الفلوس مو كل شي والفلوس ماتجيب السعاده .,.
ويوم شافني معنده ومتمسكه برأيي قال خلاص انا بعد الزواج بحاول ادبرلك واسطه تنقلك عندي بس اذا مالقيت راح افصلك من عملك ....................!
بالله اش رايكم؟
انا الصراحه صرت محتاره ومدري اش اسوي ؟
اخاف اتخذ هالقرار واندم طول عمري؟
وانا بغيت اقوله اذا مو مقتنع فمن الحين كلن بطريق احسن , بس قلت خلوني افكر شوي بعدين اقوله ..
علما انه يحبني ويغليني واااجد <<استحيت ^ـ^
وماراح يتركني بس بيقعد يضغط علي لين افصل ,,,
محتااااااااااااااااااااااااااااااااااااااره جد احتاج مشورتكم,
الزواج؟ ام الوظيفه؟
شاركي في النقاش
سجلي الدخول لإضافة تعليق.
التعليقات
91- الله يكون في عونك
طيب انتم ماشرطتم عليه في عقد النكاح
اذا شرطتم مايقدر يخليك تسيبي الوظيفه
والله الحين الدنيا شابه نار والغلا في كل مكان والوحده تكون عندها وظيفه حتى ماتحتاج لأحد
انتي حاولي تتفاهمون وتلاقون حل يرضي الطرفين
الله يجمع بينكم على خيير ويكتب لك السعاده في حياتك - الحين الوظيفه امان للوحده استخيري ولاتستعجلين
أم الشهد1 الله يكون في عونك طيب انتم ماشرطتم عليه في عقد النكاح اذا شرطتم مايقدر يخليك تسيبي الوظيفه والله الحين الدنيا شابه نار والغلا في كل مكان والوحده تكون عندها وظيفه حتى ماتحتاج لأحد انتي حاولي تتفاهمون وتلاقون حل يرضي الطرفين الله يجمع بينك…
يا حبيبتى ما ينفعش تاخدى اجازة وتشوفى بعد الزواج ايه اللى هيحصل بصراحة ما شاء الله وظيفتك لا تعوض والرجالة ملهومش امان خلى اهلك يشترطوا عليه هو اخدك من رجال ليه ما اتكلمش قبل الملكة على موضوع الوظيفة.؟ ربنا ييسرلك الخير استشيري والديك واستخيري ربك يا حبيبتى- لاتتنازلين عن وظيفتك ابدااااا الكثير يتمناها وزوجك لانه يحبك مصيرة يرررضى والا احسمي الموضوع معه
- ما عليج منه مرده بيطخ بس المهم انج وصلتي له رسالة ان شغلج مهم ولا يمكن تتركينه لكن بصراحه مؤ حلوة طريقتج اللي وصلتي له المعلومه فيها لما خيرج بين الشغل او هو ياليت لو كان ردج اكثر لطافه بدل ما ينصدم بالطريقة هذي
علي العموم الشي هذا قلتيه و انتهى
لا تفكرين بالطلاق خصوصا اذا كان و نعم الرجل واهم شي انه متمسك فيج و شاريج و يحبج لكن حاولي تتفاهمين معاه بالهداوة لين تتوصلون اتفاق يرضي كل الأطراف ، و ما اعتقد انه من النوع الجامد العنيد لكن انتي اثرتي حفيظته و عصب علي شغلج ولانه طبيعة الرجل ما يحب يكون له منافس ويحاول يكسبج بأي طريقة
وعسي الله يوفقج يارب
مواضيع مشابهة
تابعي تجارب أخرى من هذا القسم.