شاركي في النقاش

سجلي الدخول لإضافة تعليق.

التعليقات

89
  1. برد الشتاء2222
    لا ياحبي مو كل اهل نجد ثلاث اربعهم الزواج والمهر على الزوج واهله يمكن اللي مو قبيلي يمكن يكون الزواج على البنت واهلها انا ساكنه في الرياض وكل جمعتنا ومعارفي من صحابتي قبائل وعوائل المهر والزواج كله على المعرس والمهور اول كانت عندنا غالية غ…
    ماشاءالله حلو
    لا انا قبيليه من بني تميم
    واعرف بعد كم وحده من قبايل مختلفه
    ونفس الشي الزواج يكون على البنت
    بس حلو ماشاءالله ان عندكم الزواج على الولد
  2. أنا كويتية لكن بتكلم أول شي عن الأشياء اللي ببيئتي فقط
    مووو كل أهل الكويت يسوونها لكن احنا نسويها و عاجبتني صراحة ^_^

    أولا الكويت صغيييرة فما هي مقسمة مثل السعودية الشماليين غير عن أهل الجنوب و إلخ ...

    مجتمعنا مقسم 3 أقسام بدو و حضر ،
    و بدو متحضرين اللي هم مجتمــعي
    يعني احنا قبايل بس ماخذين أطباع من البدو
    و أطباع من الحضر أحس إننا جامعين الحلو من البيئتين

    بما إنكم ذكرتوا العرس بذكر الأشياء اللي تعجبني ببيئتي أنا مادري عن غيري

    أولاً أحب إن عندنا لااااازم البنت تطلع للعريس شوفة شرعية
    مستحيل توافق بدون شوفة شرعية و أبوها يكون معاها طبعا أو أخوها

    ثانيا عادي بعد الملكة تكلمه و تطلع معاه
    > فيه بنات يفلووونها بهالنقطة وأنا ضد هالشي
    يعني أوكيه كلميه وممكن تطلعين معاه لكن بس يعني طلعات تكون محصورة
    اختيار أثاث البيت أو يزورها في بيتها بوجود أهلها بالبيت بعد مو يكون خالي و تفلها بنت أبوها خخخخ


    ثالثا عندنا المهر على الزوج ،
    و عندنا الحكومة تعطي الكويتي اللي بيتزوج
    ( بشرط زوجته كويتية و تكون هي الزوجة الأولى )
    تعطيه مبلغ يكون نصه هدية من الحكومة عالزواج ونصه قرض زواج يسدده من راتبه
    هالمبلغ ما يكفي يكون مهر فالزوج يزيده من عنده و يقدمه كمهر للعروس.

    رابعا الشبكة غالباً العروس تشتريها من مهرها
    والعرس الرجال يسوي عرس الرجال
    أما عرس النساء فأهل العروس يتكفلون فيه كله.


    خامسا أحب عندنا فكرة العـانيـة ،
    اللي هي لما يتزوج الواحد يجيبون له الناس مبالغ مالية كنوع من المساعدة ،
    و انتشر عندنا ألحين مع دعوات العرس حق الرجال يكتبون نعتذر عن قبول العانية
    عشان ما يسببون إحراج للناس الغير مقتدرة.


    آسفة على إجابتي الطويلة بس لي عودة إن شاء الله
    بكتب أشياء أعجبتني بالمجتمع السعودي الجميل
  3. @alrmanh999999

    صاحبة الموضوع
    أحلا حلا
    انا لي ثلاث شهور في الجنوب ما اختلطت باحد ابدا بس اشوفهم في تمشيات مجمعات حدايق اللي لاحظته ماشاء الله اغلبهم ما اقول كلهم بس يمكن 90 بالميه عباياتهم ساتره في كتف وكثير راس بس لا فيها زينه ولا شي عجبني هالشي فيهم كثير وبعد في مسمياتهم لبع…


    أهلا وسهلا أحلا حلا
    ماشاء الله يعني أغلبهم عبي على الرأس
    وياحليلهم الرجال عندهم طرق سلام تفطس ضحك سواء بالجنوب أوغيرها
    احيانا عندنا في الجماعة يسلم على الخشم بس في الهواء بس على الاقارب مو احد من برى
    يسلمو على طلتك ياعسل
    تحياتي
  4. متنكره ومنهم انا
    حلو الموضوع انا عجابتني ماشاء الله عوايد اهل الجنوب بالزواج ماشاء الله يعطيها مهر وذهب والزواج على اهل الرجال بعكس اهل نجد مهر من ٤٠الى ٦٠والزواج على اهل البنت


    لا والله حلوه حقت اهل نجد

    ولا كان كلما جبت ولد ابجلس اصيح من الهم ههههههههههه

    التقاسم زين . لو الزواج على الولد ماملاء عين البنت شي تبي زواجها ولا ملكة


    موضوع رائع مشكورة يالغلا

تابعي تجارب أخرى من هذا القسم.