ساعدوني يااخوات توني اعرف عن جداره وطارت الوظايف وماقدمت

السلام عليكم ورحمة الله وبركاتة
خواتي ساعدوني وش هو جداره
وشلون اقدم عليه
يعني لين قدمت خلاص بكل وظايف يطرح اسمي والا لازم ادخل عليهم
وبعد اشوفكم تتكلمون عن نقاط مافهمت عليكم وش تقصدون بها وش الفايده منها
وبعد تقولون ملخص الطلب لازم ينطبع وين احصله ومتى اطبعه
طيب عادي اقدم على كل الوظايف الي تنزل
انا تخصصي خدمة اجتماعية
تكفون علموني كل شي ساعدوني الله يوفقكم ويسعدكم ويوظفكم :heart:

22 تعليق 4,489 مشاهدة

شاركي في النقاش

سجلي الدخول لإضافة تعليق.

التعليقات

22
  1. @fsforh

    اختي انتهى التقديم يوم الاربعاءالي
    فات اذا ما حدثتي خلال الاسبوعين الي قبله
    الله يعوضك
    ويرزقك خير منه
  2. @noof_al_shmry

    صاحبة الموضوع
    انا عارفه انه انتهى
    بس انا ماسجلت بالاساس بجداره مااعرف شي فيه
    ياليت احد يساعدني ويجاوب على اسئلتي
    ومشكوره اختي على ردك
  3. @hla_mhly

    وين كنتي؟
    في اي سنه تخرجتي ؟ وكم معدلك ؟ انتي تربيوية؟
    سجلتي ايام المكرمة ؟
    اذا لا
    سجلي اذا فيه استبعاد ممكن تترشحي
  4. @noof_al_shmry

    صاحبة الموضوع
    ماكنت ادري انه التقديم على طريق موقع جداره
    اخبر اول بنات خالاتي يقدمون بنفس وزارة التربيه والتعليم وتمشي لهم المعامله لين التعيين مدرسات
    تخرجت عام 1431 يقولون اني مو تربويه لان تخصصي خدمة اجتماعية معدلي 70
    ما بعد سجلت بجداره
    علشان كذا كتبت موضوعي هذا ابيكم تعلموني بكل شي فيه
  5. @aaaandhm

    شوفي اكتببي جداره او الخدمه المدنيه وراح يطلع لك رابط ادخلي عليه وسجلي لكن اضغطي مسجل جديد وعاد كملي انتي تسجيل لاتخافين ولا شي الموضوع مره بسيط والحين سجلي ياقلبي علشان يقولون فيه مفاضله شهر خمسه ان شاء الله واذا بغيتي شي انا في الخدمه

تابعي تجارب أخرى من هذا القسم.