قررت الطلاق بسبب اهل زوجي الله لا يحللهم >اكتفى من الردود

يابنات انا تعبت وانا اتودد لهم تخيلو كله اجيب هدايا لامه واخر مره ردت علي الهدايا يعني شرايكم ماباقي الا احب رجولهم عشان يرضون تعبت وانا ابي اراضيهم مافي فاااااااااااااااااااااااااااااااااااااااااايده ... المهم انا حياتي قلبوها جحيمم انا بحال ما يعلم به الا الله تخيلوو امي وابوي لارحت لهم مالهم خلق عيالي ولو شكيت قالو احنا تعبانين يعني بالعربي مالنا خلق مشاكلك .. طيب وين اروح ووش اسوي بعمري انا الحين اراجع عيادة القلب صار يجيني الام في القلب وانا عمري 24 سنه اي صبر اللي تبوني اصبر والله تعبت والله .. كم لي وانا ادعي سنين وربي مو كاتب يخلصني منهم .. والله تعبت استغفر الله ما صرت افكر زين ولاني عارفه شلون اعيش ولا افكر زين والله تعبانه انا مو متدلعه والا عقلي صغير انا تعبت وطفح الكيل وصبري نفذ ادعو لي يمكن ربي يستجيب منكم ..

يا بنات انا متزوجه من 6 سنين ولا تغير شي وكل ماله الحال يزيد ياما كلمو زوجي يتزوج علي ياما قعدوو يقولو له مرة فلان احسن من مرتك مرة فلان جابت لزوجها سياره .. يعني بالله عليكم انا من وين لي اجيب له سياره اهل زوجي شياطين في هيئة بشر ادعوووولي

انتي من جدك بتتركين عيالك وزوجك علشان أهله ؟؟؟!هذا الجنون بعينه أسمحي لي. ريحي بالك وطنشيهم وعيشي لنفسك وزوجك وعيالك وكثري من الاستغفار ..الله يفرج همك...

الله يهديكي لا تطيعي الشيطان منى عينه تتطلقي
تعوذي منه وخليكي مع زوجك ومن قال انك بتعيشي طول حياتك تعيسة وبتمرضي نفسيا هذا كلام الشيطان تعوذي منه
اذا انتي ساكنه لحالك فانتي عايشة بجنه واذا هم متسلطين عندك سلاح الدعاء بالليل يبعد ربي اعداءك عنك ويشغلهم ربي بنفوسهم ارضي بنصيبك وزوجك وبيتك وخليكي من هالوساوس والله يصلحك يارب

حسبي الله على كل اهل زوج يتدخلون ويخربون بين ولدهم وزوجته
حسبي الله عليهم حسبي الله عليهم حسبي الله عليهم
ويارب حوبتك ماتتعداهم
جلسي مع زوجك جلسه قويه وصريحه مش الحل انك تتطلقين وتتركين عيالك لهم
لان اعوذ بالله من هالشياطين
خايفه على عيالك منهم
الحل ان زوجك يوقف وقفة رجل قدام اهله ويحط حدود بيأذونك مابقولك زوريهم وطنشي
ادري صعبه انتي انسانه ولك مشاعر
ياختي الوحده ناقصه تجيب لنفسها امراض
الحل في يد زوجك لازم موقف رجولي
بيته وعياله اهم
اهل الزوج مايستقوون على مرت الولد الا اذا شافو ولدهم ساكت وراضي
لو يحسب لزوجته حساب ولا يرضى عليها هم حسبو لها الف حساب