ما الحل مع الزوج الذي لا يستطيع أن يكتم أخبارك عن أهله؟؟

السلام عليكم حوائيات

ندخل بالسالفة دغري...

صاحبتي اشتكت لي أن زوجها ينقل أخبارها وأخبار أهلها لأهله, يعني توصيه فلان لا تقول , تروح لأهله تلقاهم يسألونها عن المعلومة المتخبية :icon810:

تخيلوا مره العصر خبرته معلومة طازجة لموعد عزيمة عند اهلها بحكم انه نسيب ومن اوائل الناس اللي ممكن يعرفون, دق ابوه المغرب على طول قال له متى وقت العزومة, جاء ابوه دق على اخوها يقول له الوقت مايناسني..:buck: تقول زعل مني أخوي يقول من اللي قال له واحنا تونا ماعزمنا الناس ولا شي :-(

أكثر من مره نبهته بطيب بزعل لكن ما نفع...

اقترحت عليها الخبر اللي ما تبيه يوصل لا تقوله, وفعلا سوت هذا الشي , لكن اكتشف انها مغبية عليه اكثر من خبر وزعل لكن تقول لي ماجاء الوقت الوقت المناسب اللي أقوله أنا ماقلت لك لأنك ماتقدر تخبي عن أهلك..لأنها بمشاكل أكبر من كذا معاه وماتبي يتفاقم الوضع..

الحين هي تقول أنا متأكدة إن فيه أشياء يدرون عنها أنا ما أدري انها وصلت لهم, يعني أخباري وأخبار أهلي ليه يدرون عنها وأنا ما أدري عن شي عنهم..وماني حريصة أعرف أخبارهم لكن زوجي مايقدر يكتم معلومة عنهم..تقول ارحمه أحس انه غصب عنه إذا شاف أهله مايقدر يسكت..

الحين فيه حل غير انها تدعي له بالهداية وتكتم عنه اللي ممكن ينكتم؟؟
تقول صعب ان زوجك مايشاركك في همومك أو فرحتك لأنك خايفة تطلع للغير!!يعني تعيشين وحيدة مع نفسك:confused:
وكمان هي مستحيل تقول أسرار أهلها أو مشاكلهم :biggrin: لكن فيه أخبار غصب يدري عنها بحكم انه قريب..

ايش الحل:nerd:

40 تعليق 14,969 مشاهدة

شاركي في النقاش

سجلي الدخول لإضافة تعليق.

التعليقات

40
  1. صاحبة الموضوع
    طيب هي تسوي كذا
    لكن يصدف يدري!!

    يعني ولدها احترقت رجله وتقول لو اقول له دروا كل العائلة وانساب العائلة وهكذا الخبر يبتناقل لجميع الأنحاء ان ولدي رجله محترقة وماله داعي يدرون!!
    تخيلي خلت الولد عند اهلها عشان يعالجونه :( وبعد ماخف بشهر انتبه لرجله تقول كنت البسه بسرعة بنطلع وهي ناسية الموضوع وقال وش في رجله ليه ماعلمتيني اعالجه وهلم جراااا:(

    يعني تقولون تحرص تغبي!! فيه امور ما تتخبى!!!!

    ايش الحل مع هذي الشخصية:(
    تراها واصلة حد الاكتئاب وتقول يمكن ادخل اهلي بالسالفة يشوفون لي حل معاه!!
  2. اااه جيتي على الجرح والله انا جنني كل شي يقولو حتى اسرار اهلي واسراري وحتى اسرار غرفة النوم الاقيها عند اهله
    لا وياليت اخواته الا عند اخوانه وعرفت من زوجاتهم يعرفو عني اشياء كأنهم مركبين كمرات مراقبة والله زي ستار اكادمي احس اخاف اتكلم او اسوي شي يوصل لاخوانة تخيلو يقول لاخوانه كيف جسمي صار بعد الولادة خربان وبطني طايحة واخوه يقول حتى زوجتي
    واشياء ثانية تشيب الراس انا لما اسمعها انصدم اقول ايش عرفهم يمكن انا قلت اشك في نفسي خلاني اهلوس
    امانة الي عندها الحل تنقذني
    ولاتقول مااتكلم او ماقوله شي مستحيل وحدة تقعد بكمة في بيتها وحتى التصرفات توصل مو بس الكلام
  3. @lyaly_31

    ياشينه الرجال الي كذا
    بس عساه عاد يعلمها اخبار اهله اول باول هههه
    لان الغالب الي كذا يعلم كل الطرفين
    الي عندي مايعلمني بشي لو امه خالتي قايله قل للها وعلمها مره يرفع الضغط
    بس الحل انها تبرد ولا عليها واذا دروا
    والامور الي تحس صعبه يعرفونها تجاول تخبيها عنه والي مالهم خصه فيها يعني شي يتعلق باهلها وبها
    لكن زي سالفه ولدها عادي يدرون ويدقون يتحمدون له بالسلامة ولد ولدهم مافيها شي

تابعي تجارب أخرى من هذا القسم.