والله الدعووووه سهلات عادي قولي جسمي عاجبني واهبل مو لازم تقتنع فيه كذا عطيه بالوجه خشي بعينك من اسلوبك وطريقه كلامك عن نفسك تحببين الشخص المقابل فيك ترى الناس تنظر لك من خلال نظرتك انتي لنفسك ...
واااو بنات ارسلت له رساله قبل شوي قلتله لو سمحت وبعد اذنك لاعاد تجيب طاري جسمي خير شر على لسانك وهذا هو جسمي وعاجبني وهذا وضعي وهذا حالي واتمنى ماعاد نتناقش في هالموضوع مره ثانيه وكلامك اللي زي الصواريخ ماعاد ابغى اسمعه احسن لانه فقع قلبي كل يوم يتصل وش اكلتي وش اكلتي روحي كلي حطي اكل جابلي المررض بهالموال الحين بيرد علي بصاروخ جديد اكيد خخخخخخ ياحبيلكم والله لما اشوف ردودكم احس ان قلوبكم على بعض فعلا وماندمت اني سجلت معاكم بهالمنتدى :kiss2: وهذي بوسه على راس كل وحده ردت علي
يا قلبي لا تسمحين لأحد يجرحك ولول بمزح حتى لو كان زوجك .. إذا كان كذا وأنتم مملكين بس .. فما بالك بكرة لما يأخذك ؟!! بكرة كلامه يكبر و يكبر .. ومن الآن .. الكلمة اللي ما تعجبك طقيها في وجهه وقولي لو سمحت ثمن كلامي .. وإذا ما عجبتك ما أجبرك على نفسي وسكري السماعة في وجهه ..
أما شغل ماعلش يمزح .. ماعليش زوجك وقولي بكرة بتغير ومن هالكلام ما يمشي .. الرجال اللي حرمته من البداية تفوت له إهاناته لها يستمر عليها .. ولا يحترمها .. وأنت منتي مطالبة تبررين له ليش جسمك كذا ولا توعدينه انك بتسمنين .. هو شافك وما غشيتيه عجبتيه حياه الله ما عجبتيه بالسلامة . وأنت ضامنة نفسك بكرة تسمنين ؟! يمكن تنحفين أكثر مع هالكلام اللي يسم البدن .. أو تسمنين ويدور شيء ثاني يجرحك فيه .. من قلبه مو من قلبه ... يمزح يقصد ... مو مهم هالكلام لأن النتيجة وحدة وهي انه يجرحك ويهينك بكلامه .
المثل يقول ابنك على ماربيتيه وزوجك على ما عودتيه . تبينه يستمر في التجريح ويزيد .. اسكتي تبين تعودينه انه يحترمك ويثمن كلامه معك .. اتخذي موقف حازم معه ولا تسمحين له يهينك . بكرة يقول اللي سكتت عن هالإهانة وفوتتها ما تحترم نفسها فليش أحترمها أنا . هذي نظرة الرجل .. وطريقة تفكيره .. وخلي عنك كلام الحريم ونظرتهم لأن منطقهن تتعاملين به مع النساء ..لكن الرجل تعاملي معه بمنطقه .
كلمته تزعل بس كان رديتي عليه قلتي محد جبرك عشان ماعاد يكررها انا صار لي موقف زي كذا وزعلت وقفلت جوالي بعدها تاب ماعاد يقولي شيئ نهائي من جد ما أحد جبرهم علينا
نصيحة أبدا لا تنتقدين نفسك قدامة في أي شيء لو كان فعلا مو حلو ( لا تفتحين عيونه على عيوبك ) دائما إمدحي نفسك خصوصا في الأشياء اللي تحسين انها ما تعجبه .. وإنها مطلب للجميع بس مو الكل محظوظ بها مثلك .. خليه يحس ان عيوبك ميزات .. خلك دائما واثقة من نفسك ولا تسمحين له يزعزع ثقتك بنفسك ..