مالي الا الله ثم انتم تكفون جاوبوني

اخواتي الفاضلات في هذا المنتدى الرائع ابي ادخل في الموضوع على طول لاني متضايقة ومحتارة
ابي احكي لكم قصتي من البداية انا متزوجة من خمس سنوات عمري الحين 29سنة ولا زلت حتى الان بكر بمعنى ان زوجي لم يقربني حتى الان حاول مرة وحدة فقط بداية زواجنا وكانت هي المحاولة الاولى والاخيرة قعد يتعالج بعدها ويتناول منشطات ولكن يبدو بدون فايدة. انا لم انا قشه في هذا الموضوع اطلاقاولكني اكتشفت انه مريض بالسكر بعد شهر من زواجنا ولم يخبرني بمرضه هذا حتى الان ويضع ادويته في مكتبه الخاص المقفل دائما.
والله العظيم يا بنات ماقلت لاحد شئ ابدا حتى امي واخواتي مايدرون واذا سالوني ليش ما حملتي للحين عالجوا اقول كشفنا وكلنا سليمين الحمد لله بس الله مااراد .
انا يا بنات الحمد لله على دين وخلق وقدر عالي من الجمال بشهادة الجميع . ولكني رضيت بنصيبي وصابرة ومحتسبة واسال الله ان يعينني على ما انا فيه.
المشكلة الاولى يا بنات اخاف يوم من الايام يتزوج زوجي بوحدة ثانية بحجة انه يبي يجرب نفسه وانتم ادرى بالرجال وسوالفهم هل معي حق في احساسي هذا او لا .
خاصة انه من النوعية الي يسولف عن زملائه فلان يبي يتزوج الثانية وفلان يبي يتزوج مسيار . او ان سوالفه هذي ليرى ردة فعلي ويثير غيرتي عليه تكفون قولوا لي وش غرضه من هالسوالفوهاذي هي المشكلة الثانية.
تكفون جاوبوني يا بنات بسرعة ولا تخلوني واسفه على الاسلوب لان هاذي اول مرة اكتب في المنتديات .

25 تعليق 2,495 مشاهدة

شاركي في النقاش

سجلي الدخول لإضافة تعليق.

التعليقات

25
  1. @am_fars_albtl

    الله يساعدك و عليك بصلاة الاستخاره و اكثري منها و ربي هو بيدلك على الي يهدي بالك و سامحيني هذا الي اقدر افيد ك فيه الله يسهلك امرك ويفرج همك اللهم آآمين
  2. @ghrshob_raabob

    اختي هذا لا يبي يتزوج ولا شي بس هو يبغي يتأكد من موقفك منه يعني يبغي يشوف ردت فعلك على كلامه يعني هو يعرف نفسه وانه ما يقدر يسوي شي وانتي سترتي وصبرتي عليه يروح ويفشل نفسه مره ثانيه ؟؟؟؟!! ماعتقد يسويها
    بس بسألك سؤال غريب انتي ليش ساكته كل هالسنين ؟؟؟؟!!! يعني معقول ماتكلمتو ولا مره في هالموضوع ؟؟؟!!!! ليش اختي هذا حقك وهذا شرع الله وفطره الله خلقها ووجدها فينا يعني لا زم تدورون على حل وتحاولون وتتكلمون في الموضوع
  3. انا كلامي من كلام اختي غرشوب رعبوب
    لماذا الياس من رحمة الله
    عليك بقراءة القران و الصلاة و قيام الليل و الصدقات
    و كثرة الاستغفار
    والحي بالدعاء ان الله يكشف مابه

    ولا ننسى الاسباب يعني روحوا للدكتور وبالكلام الزين و الحلو
    و الله يكتب الي فيه اخير
    و يرزقكم الذرية الصالحة
  4. @ord_nt

    يمكن يبي يختبرك هل ترضين تكملين معه وانك راضية فيه او انك بتطلبين الطلاق وتتركينه

    يبي يتاكد هل عجزة مضايقك بحيث مجرد ذكر الزواج من ثانية تبدين تخرين الاول والتالي

    والا ما اتوقع يبي يتزوج ابد وش يبي هو والبلا فيه

تابعي تجارب أخرى من هذا القسم.