اللي يوافقون على الشيبان وش تحسون فيه؟!

كذابه اللي بتقول عايشه مع شايب ومرتاحه

انا اقولكم قصتي تزوجت شاب من سني والله اقسم بالله عدم احترام وشك وبخل ولسان وصخ وما يحترم اهلي عشت معاه خمس سنوات الله لا يعيدها ولا يجيب عيال تعبت وأطلقت والحمد لله جاني واحد كبير اقسم بجلال الله يثق فيني ويحبني لي اربع سنوات وحملت مرتين وسقطت طيب طيبه وحنوووون محافظ علي صلواته ويكفي عقله كبير وفاهم نساني زواجي الأول هذاك الأول مايصلي لدرجه خلاني حتي لنا ماصلي وهدا اقسم بالله يصحبني لصلاه الفجر وحببني بالصلاة صرت اول ما يأذن اترك كل شي وأصلي إيش تبكون أكثر من كذا

السلام عليكم


شوفوا هالموضوع اليوم بجريدة الرياض نفس كلامي
http://www.alriyadh.com/2013/01/02/article797970.html

ثانيا البنات اللي يهاجمون ويدعون واضح أنهم عايشين التجربه المريرة بقوة بس بدل ما يعترفون ويفيدون غيرهم يتحسبون , صدق العقل زينة " لا يؤمن أحدكم حتى يحب لأخيه ما يحب لنفسه " !!

ثانيا الرجال الكبير في السن واللي يترك زوجته وأم عياله ويروح يدور على شبابه مع غيرها بدون عذر , لا ويبيها بنت وصغيره وحلوة , يعني ليتهم يدورون على المطلقه والأرمله واللي مقاربه لسنهم .. الرجل أناني جدا
لكن أكيد فيه رجال تستحق الثقه لأن تصرفاتهم لا تقوم إلا على مبدأ معين مو يجدد شبابه ويثبت لناس انه فحل وهو خرطي وبنت الناس اللي ينضحك عليها في البداية بهالدايا والكلام الحلو هي الوحيده اللي تدفع الثمن .

ويسعدك يارب

صحيح أنا كتبت الموضوع بشكل فيه تهكم لكن بهدف انه يكون خفيف

وما قصدت اجرح فيه احد بس أنصح للي اشوفه واقع

واللي تسأل , حنا خمس أخوات بس وبنات عمنا خمس مثل أخواتي بالضبط عشان كذا قلت عشر أخوات : )

الأخت اللي تقول ليه الشاب اللي عمره ثلاثين ما يتزوج من نفس سنه , كلامك صحيح , وانت بعدك صغيره

وهذا أنسب سن لزواج بهذي الايام , وهذا مو معمم فيه شباب الحين يتزوجون من بنات أكبر منهم يعني هو ثلاثين وهي خمسه وثلاثين وعايشين حياتهم براحه فكر الشباب الحين تغير وصاروا يدورون على العقل والرزانه
مو مثل أول .

شكرا لك , والشباب الحين اتجهوا لله ولدينهم والمساجد مليانه بصغار السن أكثر من الكبار

انا اسلوبي غلط يمكن كنت مدرعمه بقوة لما شفت أختي ومعاناتها وكتبت الموضوع بسرعه في المنتدى نفسه وجا كذا , بس ما قصدت اجرح ولا اتعيب من احد وإلا أنا قاعده اتعيب أختي واجرحها !!!