الملل بين الأزواج شنو الحل برايكم

أولا السلام عليكم خواتي وحبيباتي حبيت اليوم أكتب هالموضوع الجديد لأنه خطر في بالي من كم يوم وكنت أعاني منه بكثرة وللحين إلا إذا طبعا لقيت عندكم الحل إن شاء الله .
الموضوع هو بعد مرور سنين على الزواج شي طبيعي الزوجين يحسون بالملل وخصوصا إذا زوجها كان دايما يقعد بالبيت بعد الدوام وما يحب الدواوين ولا الطلعات اللي مالها داعي والزوجة بعد اللي تكون دايما بالبيت طبعا لأنه بالبيت قاعد فما يصير إنها تطلع ويمكن هو بعد ما يحبذ طلعتها وطبعا مع وجود الأطفال والمشاكل اللي تصير بين الأزواج ومن هالأمور . سؤالي هو .........
وقت الزوج والزوجة لما يطلعون مع بعض لأي مكان إنشاء الله بالسيارة بس تمشي , اشلون تخلين الطلعة حلوة وما فيها زعل أو نكد قصدي هو ..... أنا كل ما أطلع مع زوجي وعيالنا ويانا أو إذا كانوا بالمدارس لازم طول وقتنا أو معظمه نكون ساكتين شنه متعاقبين يعني ما في هالموضوع المهم اللي أقدر أفاتحه فيه ونتكلم وهو بعد من النوع اللي يقول إذا الكلام من فضة فالسكوت من ذهب .
يعني إذا يبي يتكلم بس شنو طابخة أو وين نروح وشنو ناقص بالبيت وبس . والله قاعدة أحس الطلعة معاه ما تسوى أبدا ولا أحس فيها مرح أو تغيير جو أحيانا أقول ياريت ما طلعت شان ظليت بالبيت أبرك . ويامه من مواضيع سخيفة نتهاوش عليها ونظل طول الوقت متزاعلين ولا يتكلم إلا بالشي اللي صار إلى أن نوصل للبيت وبعد يكمل ويعيد ويزيد .
والله ودي إذا طلعت وياه نقعد نتكلم بمواضيع مفيدة بس بشنو ومثل شنو .
حزات أشوف زوج وزوجة مع بعض ويتكلمون ويضحكون أستغرب أقول ياربي شنو يقولون من وين يييون هالحجي وليش إحنا ما عندنا هالشي ما أدري شنو رايكم بهالموضوع أرجو يستفادوا البنات اللي يعانون من نفس مشكلتي . وإن شاء الله ألاقي عندكم الحل قريبا . خصوصا إني متزاعلة معاه من ثلاثة أشهر ونفسي لما نتصالح هذا إذا تصالحنا وردينا لبعض يكون في تغيير . أرجو التفاعل

11 تعليق 1,525 مشاهدة

شاركي في النقاش

سجلي الدخول لإضافة تعليق.

التعليقات

9
  1. @hoaaa_alksym

    أتمنى من الله أن تعودي الى زوجك وأن تكون حياتكم سعيده باذن الله
    بالنسبة للموضوع اللي طرحتيه وأنتي تتكلمين كانك تتكلمين عني لا تكوني عارفه عني شيا
    ههههههههههههههه
  2. @kramyl_2

    دايما ينصحون المراه اللى زوجها من النوع الصامت
    انها تكتشف شو الاشياء اللى يحبها
    بعض الرجال يحب السيارات
    البعض الموبايلات
    البعض الانترنت والمواقع
    وووووو
    اكتشفى شو الشي اللى يحبه
    وثقفى نفسك بهالشي واقرأي عنه اكثر
    مثلا نفرض انه يحب السيارات
    ادخلى عالنت
    وشوفى اخر السيارات النازله
    شو المواصفات شو الاسعار
    ولما تكونوا بالسياره
    افتحى موضوع السياره اما بسؤال
    مثلا شو رايك بالنيسان الجديده (مثلا)
    وجري الحديث بالاشياء اللى يحبها
    وحبي انتي هالاشياء بعد
    وخليها نقط مشتركه بينكم
    :) بالتوفيق
  3. @alghzalh_alshardh

    انتي تقولين انه يزعل من كل شي شوفي نفسك يمكن تتكلمين في مواضيع ما تعجبه او تصرين على شي انا مثلك ساعات اخاف اتكلم علشان ما يزعل وينتفخ ودي ازعل وانتفخ مثله بس ما عرف بعد اخاف الله يعينا ما لك الا الدعاء ومو انتي بحالك كثير مثلك
  4. @dinas_mather

    صاحبة الموضوع
    أشكرك اختي حواء القصيم على المشاركة . وبشكرك على دعائك وإن شاء الله خير . يعني فهمتي قصدي لأنا مثل بعض عيل تابعي وياي يمكن نلاقي حل إن شاء الله مع بنات حواء لأني أعرفهم ما يقصرون وأنا كاتبة قصتي ووايد ساعدوني الله يعطيهم العافية ويعطيهم اللي في بالهم .وإلى أختي كراميل بشكرك على مشاركتك والله صدقيني حاولت واندمجت معاه بعدة أشياء وبالمكائن حتى صرت وياه أصلح بس هم هالشي ما يكفي يعني هو يحب المواضيع المهمه وإذا أبي أتكلم بموضوع معين ومو مهم الأفضل أسكت أحيانا نمشي على البحر وشنى أحنا مو مع بعض يعني مافي تواصل ما أدري اشلون أوصفلج . والله زهقت ودي هالشي يتغير بس ما أدري ياترى مني العيب ولا منه .
    ومشكورة أختى الغزالة الشارده بس إنتي وين شارده ههههه
    والله أدري إنه في وايد حريم مثلي علشان شذي طرحت هالموضوع علشان نستفاد وأنا ما لي غير الدعاء وأشكرك حبيبتي مرة ثانية
  5. @onash_gmylh

    يا حبي لك نبض الوفا انت قلتيها توك ماعشت مع زوجك وتحسبيها بيقا بلها مثل المسلسلات المصريه بعد 3 هذا اذا ماتخاصموا في السياره قبل يوصلون البيت وانك ماعرفت تربين عيالك ولا هذا ماهو اسلوب تتعاملين فيه ولاوش اقول خليني ساكته احسن ماعقدك ولا قا لت له هاه ماشتقت لنا قال لاوالله بصراحه كنت مرتاح كل هذه ا لا شياء تمر عليك بعد الزواج بمده ليست قصيره وليست طويله كل رجل وحسب طولة باله وقدرته على التمثيل واظها ر شخصيته المثاليه

تابعي تجارب أخرى من هذا القسم.