الحامل او اللي كانت حامل وعندها املاح او رمل او حصوات كلى تدخل الله يعافيها

انا انحشرت عندي حصوة في الحالب في الشهر السادس وكان في حصوات في الكليتين

شفت الموت الم الطلق الصناعي ارحم

سوولي سونار ع الكلى والحالب وقاسوا حجمها قالوا ممكن تمر بدون عملية تفتيت اشربي وانا كل مشكلتي في الشرب ما اقدر اشرب مويه زي الخلق من صغري والبيرة اكرهها

حاولت اشرب زنجبيل بقدونس شاي كوفي زعتر اي سوائل على مدار اليوم بالاضافه للمويه وقهوة الشعير ونوموني وركبوا لي محلول وصرت ادخل الحمام بكثره ونزلت الحمدلله

كل ما اشتد الالم كانوا كاتبين لي باسكوبان وبنادول فقط مارضيوا يعطوني اي شي يخص الحصوات والاملاح
وماكنت ابلعهم لأنه مالهم اي فايده في تسكين الالم الشنيع فكانوا ينوموني ويعطوني باسكوبان عن طريق الوريد جرعه اقوى

والحين لي اسبوع احس الآم في نص ظهري وفوق المثانه الله يستر تكون رجعت


في بداية حملي جاني التهاب بول وصديد واملاح واخذت ادويه ومضادات وماكنت ادري بالحمل الا لما خلصت الكورس وكنت متخوفه لأنه الدكتور قال انو نوعين منها تسبب تشوهات وعشت في قلق لين ولدت والحمدلله ربي سلم بنتي