كرهوني عيشتي وسببولي عقد في حياتى واصبحت اغار من كل وحده مبسوطه

السلام عليكم
معاناتي مع اهلي

زوجوني شايب غصب ورضيت به غصب . وعشت معه غصب .

قالوا لي لاتكلفين على الرجال ولا تطلبينه قلت طيب حاضر

اذا مرض .. قالوا انت السبب ,, انت اللي رفعتى ضغطه بتعاملك معه .. قلت امري لله .
شافوني اضحك معه .. قالوا وش يضحكك .؟؟؟؟؟
شافوني اشتري شئ .. قالوا كلفتى على الرجال
شافوني اغير بأثاث البيت قالوا .. ليه .؟ ومصحيه الرجال مع صبح الله يوديك مشاوير ..
قلت خلاص توبه ما اغير شئ ولا اطلبه شئ .. بس فكووني واتركوني بحالي ولا تراقبوني :icon810:

.....

معاناتي مع اهله

قالوا ماتحب بناته .. على الرغم اني مابيني وبينهم علاقه هم ببيت وانا ببيت

قالوا حاطته خدام لها ينزل الزبايل ..
قالوا ماتطبخ له
قالوا ذبحه الجوع
قالوا كل شئ يجيبه من السوق .. حتى الخبزة كرهوني فيها ..
قالوا ما يعزم ماعنده حرمه تطبخ له ... << خلوه يعزم وشوفوا شطارتي
قالوا ماتغسل له ملابسه
وهوو العنيد اللي ثوبه يجلس سنه عليه
مرره بس رحت عمره
وقوموا الدنيا علي ولا قعدووها
قالوا اني امشي مع الناس واقول زوجي فيه ضعف جنسي
وانا مضلومه ماقلتها .. << دعيت على اللي ضلمتنى وشفت نصري بعيوني وفكنى الله منها واتقلعت بعيد عني
قالوا مالك شغل فييه
قالوله تزووج شووف فلان تزوج الثانيه
<< طيب انا الثانيه وقبلي طلق ام بناته ,,, اللي انظلمت اكثر مني وتطلقت ظلم بسبب امه وخواته
طيب انا وين ارووح من هالعالم


طيب ليشششش زوجوه من الاساس

87 تعليق 18,127 مشاهدة

شاركي في النقاش

سجلي الدخول لإضافة تعليق.

التعليقات

82
  1. @mgnon_shaaolty

    اللي مايتمنى السعااده لغيره لايتوقع السعاده تعرف له طريق لاتقولين اغاار لان اللي التمسته من كلاامك انه حسد
  2. @ampaathb_alklamamp


    اختي مشكلتك مع الناس انتي السبب ليش تسمعين كلامهم
    اضربي كلامهم عرض الحايط وتونسي وعيش حياتك وسافري
    ارضاء الناس غاية لا تدرك
  3. @abaaad_7

    صاحبة الموضوع
    مجنونة شعولتي
    اللي مايتمنى السعااده لغيره لايتوقع السعاده تعرف له طريق لاتقولين اغاار لان اللي التمسته من كلاامك انه حسد
    للتوضيح

    انا ماحسسدت احد غير اللي يقولون لا تسوين شئ ,, وهم يسوونه
    مثل اخوانى يقولون لاتكلفين على الرجال ولا تطلبين منه فلوس كثيرة

    وهم يتسلفون الفلوس عشان حريمهم

    وزوجي اغنى منهم

تابعي تجارب أخرى من هذا القسم.