قصتي مع خدامتي السيرلانكيه ... هل اسفرها او لا

والله يا وخيتي اسمحي لي انت تدورين الشقى والا مثلك مايحتاج وفري لكم افلوسها بكرة العيال يكبرون وبعد ياليتها مريحتك وسخة وتنافخ وش الزين فيها اسمحي لي ما تصبر عليها الا وحدة محتدة حامل والا عجوز والا موظفة
اهم ما على الانسان راحته وانا ما اشوف انها مريحتك لو منك والله ما تجلس معي

لا مو قطع لرزقها
انت جايبتها عشان تشتغل وتحلل الفلوس اللي تاخذها

هلا حبيبتي

والله انا تجاربي كثيره مع الخادمات من وانا صغيره

وصدقيني وحده من ميه تفهم الكلام وتستوعب النعمه الي هي فيها

بقولك راي من تجربتي انتي عطيها انذار قولي لها اذا ماعدلتي شغلك في البيت ونظفتي زين
واذا ماقصرتي لسانك تراني بسفرك خلاص مابيك
وانتي فيه امك وعيالك محتاجين شغلك وانا ماابي اروحك عشانهم بس اذا ماتتغيرين خلاص انا بسفرك

وخليها تشوف الصدق من طريقه كلامك يمكن تقولك اوكي سفرين كيذا خلاص تكوني ابريتي ذمتك وريحتي ضميرك

ويمكن تعدل له يومين
على فكره حتى الشغالات الي يكونون ياسلام من روعتهن
يخربن اذا بقالهن كم شهر وجت الروحه

يوم شغل بيتك بس ساعة وشوله جايبه شغاله؟!!
كان قمتي به انتي ومن فترة لفترة جيبي شغالة بالساعة وخلاص خصوصاً منتي موظفة!

وطالما صبرتي سنة ونص تحملي 6 شهور دام وراها مصاريف
خليك معها وساعديها لان واضح كل شي عليها دامك جبتي طاري الطبخ!!
وترى البزران يطفشون الله يصلحهم وطلباتهم كثيرة ووصخهم اكثر اذا الام عينها مو عليهم وتأدبهم وانا شفت كذا وحدة كلللل شي ع الشغالة ماعدا النوم مع الزوج!
انتي من اي نوع وعياالك من اي نوع؟!
خليها واحتسبي الآجر واذا راحت لعد تجيبين شغالات دام بيتك بس ساعة.

موفقه

مااحب الشغالات ابد الله لايحدني عليهن ياااااااااااااااااااارب