(^_^) ملف بنات رأس الخيمة (^_^) الجزء الثاني

===========


ياهلا ومرحبا فيج

ونيابه عن خواتي بنات راس الخيمه في الملف أرحب بج

وأقولج انا سعداء بانضمامج الينا وسعداء أكثران أول مشاركه لج في ملفناااا

ونتريا الصووور حبيبتي

مرحبا خواتى
اختكم رنين معاكم انا شفت الملف
من اسبوع تقريبا اواكثر وشاركت وضيعت
الصفحه ما شاء الله الملف كبير حاولت اقرا
اكبر جزء منه لانى تونى راجعه لراس الخيمه بعد

غربه 12 سنه عشتها بين العين وابوظبى
لذا فاختكم نست وراس الخيمه اتغيرت اكثير
يعنى بالنسبه لبنتى نقلتها من مدرسه خاصه
وسجلتها بحراء اش رايكم كل حد مدحلى اياها
لا ودخلتها بواسطه برغم ان بنتى ممتازه بسم الله عليه
الاولاد دششتهم مدرسه والله ما اعرف اسم المدرسه
بس هى ابتدائيه اعداديه وناظرها اسمه سيف واعتقد
انها جنب نادى الامارات كل حد مدحلى اياها
الحين عندى ولدى رايح اولى ابتدائى متحيره بين مدرستين
وحده المنصور كلمن يمدح ادارتها يقولون اداره قويه وما فيها
تلاعب والمدرسه الثانيه اسمها يمكن الوطنيه جنب المرور القديم
حبيباتى ممكن ادلونى تكفون اختكم محتاجه دليل سياحى بالاماره
تنونى قاعده اكتشفها معنى من الاماره
الاخت غصون مراحب يالغاليه عندى سؤال تكفين عرضت
شنطه بها عطور للسيارات ابى معلومات عنها سعرها و كيف نطلبها
وتسلمين يالشيخه

هلا باختي رنين

==========

وهذا كان ردي لج أول ما دخلتي الملف:::

يا حيااااج الغاااليه

واعتبرينا هني خواتج ورباعتج

بصراحه أيام الأعياد نحن نحتاس في راس الخيمه ونسير نشتري من مراكز الشارجه

ودبي (لان الصراحه عندنا هني محلات الأطفال الحلوه مثلا في السوق الكويتي (لامي) وفي مركز

منار مذر كير - أدمز - اكس ال - نكست - اوفو (ماشي غيرهم ) ويالله يالله جان بنحصل شي

يسوى حق العييد يعني ماشي خيارات وااايد

أما في الشارجه ودبي وبوظبي فما شاء الله وااايد خيارات عندنا ونفس الشي في العبي والملابس النسائية وغيره وغيره ....

((هيييييييي لا تقلبييين المواااجع يا رنييين ))


لكن للأيام العاديه نمشي الحااال


=========================

ranean

الغاليه ونعم المدارس اللي اخترتيها لعيالج ....

والمنصووور أووووكي

أما المعلومات اللي عن الشنطة اللي نزلتها صوغه راك مب غصووون ((للتنويه))

وان شا الله تدخل صوغه راك وتخبرج عن الشنطه وأظني سعرها ب 150 درهم

وأي خدمه أو مكان تبغينه في راس الخيمه قولي ولا يهمج

وهناك في راس الخيمه بنت عمي ساكنه ع الكورنيش فاذا بغيتي أي شي جريبكم

بخليها تتوصى فيييج :42: :42:

غاليتى ام سعيد هلا بيج
والله ما تتصورين كيف كنت فرحانه من وافقوا
على نقل زوجى وحصل شاغر براس الخيمه
تقولين ملكت الدنيا عارفه ليش انا من مواليد راس الخيمه
وعشت ودرست فيها بس لا نطفولتى قضيتها بين راس الخيمه ودبى
كنت اكثر علما باسواق دبى بحكم عيشى وتربيتى عند اختى بدبى
عاد انا اعرف اهل راس الخيمه وشراحه بالهم بس الى سار
تزوجت ورحت العين واستقلت للتفرغ لزوجى وابنائى فنسيت ربعى الى براس الخيمه
وانتقلت لابوظبى ونفس الحال كنت وحيده الا من ابنائى وابوعيالى وطبعاا اموت بالعين ذكرياتى حلوه فيها وابوظبى بعد بس كنت اتووق لاهلى واخيرا تحقق الحلم ورجعت الاماره حصل فيها تغير فضيع
ونسه وحلوه بس واجهتنى مشاكل جهلى باشياء وايد يعنى متعوده على اسواق ابوظبى وافتقدتها اهنيه
ما يعجبنى شىء عشانجذيه اروح لدبى الى احاول اكتشفها الحين لان نسيتها طبعا يعنى العبى مثلا
اصممهن عند خنجى بابوظبى مول كلاس انيه ما عجبنى او ما اعرف حدغير الى بشارع لكويتى
وايضا ما عجبونى ملابس الاطفال المخاوير ابوظبى صراحه رائعه رحت دبى بعد ما شفت الى متعوده عليه قطع الخام بابوظبى الباقه وخلص كثرلله خيره صاحب المحل يبعثلى العينات واختار ويبعثلى القطع
بس المخاوير لازم اضرب مشوار لابوظبى وانا ما صدقت انه الله تاب على من الطريق على العموم
انا وحيده ونفسى بصحيه حلوه وانتوا صراحه اجننون عسى ربى ما يحرمنى اياكم وما راح اتقصرونى معاى ان وضعت تساؤلات بالرد السابق ياريت ياخواتى ادلونى والكم منى كل الدعوات الطيبه:26: