السلام عليكم
بنتي عمرها 5سنوات معاها حساسيه في الصدر اكثر من سنتين من اول ماكتشفنا تجيها فترات دايم تكح ولا تخف الا بالبخاخ واول ما عرفنا قال لنا الدكتور ممكن تروح اذا تعالجت من بدري واتبعنا كلامه من أخذ البخاخ والادويه الي كتبها ومع ذالك ماراحت بالعكس احس الوضع أسوء وآخر مره جت لها الحاله مع الزكام ماتعرف تنام من كثر الكحه من الحساسيه بالصدر ووديتها الدكتور عطاها بخاخ الي لونه رمادي معروف ولا فيه نتيجه وديتها عند الدكتور منذر في المواساه وعطاها بخاخ بنفسجي يوميا لمدة شهر والرمادي للضروره ..الخلاصه بنتي مازالت وكل دكتور يعالج غير وصارت تقريبا يوميا تاخذ بخاخ والبعض قالوا لي مو زين تاخذ بخاخ يوميا لان كذا تتعود وبتجيها الحاله باستمرار حاولت ماعطيها لكن اصلا صدرها تعبان تكح متواصل من الحساسيه اضطر اعطيها ولا عارفه شنو الصح كلام الدكتور الا يقولي استمري وبتروح ولا راحت والا كلام الحريم ماعطيها عشان لا تتعود؟ واصلا يوميا صارت تحتاج للبخاخ
وين الي يقولون تروح مع العلاج؟ هذي صار لها فتره طويله نعالجها ولا فيه نتيجه ابي تتخلص منها للابد لأني دايم احاتيها تحب تلعب وبعدين تتعب وتجيها الحاله واذا لعبت في الروضه ترجع صدرها تعبان يألمها :44: وتكح باستمرار وش اسوي هي طفله ماتقدر ماتلعب ولمتى يستمر معها الوضع؟ هل فيه وحده نفس الحاله وتخلص الطفل من الحساسيه؟
شاركي في النقاش
سجلي الدخول لإضافة تعليق.
التعليقات
9- الله يشفيها بس خطأ تغيري الدكتور كل شوي استمري مع واحد شاطر ولا تستعجلي النتيجة والبخاخ البنفسجي استمري عليه
انا بنتي كذا وانا نفسي كنت كذا والحمد لله ما تعودت عليه
الافضل تتابعي مع دكتور عشان تمشين على طريقة صح وأتوني كلام الناس - كنت اتابع معاها عند الدكتور هيثم فتره طويله ولا راح مع انه قالي العلاج المبكر يخليه يروح ولا لقيت هالشي بالعكس غير انه اوقات كثيره عنده زحمه وكل مره نروح نفس العلاج ونفس الادويه ومن غير النتيجه الي توقعتها ان الحاله بتخف او تروح عنها بالعكس مستمره اخر مره رحت للدكتور منذر رئيسهم وعطاني الي لونه بنفسجي يوميا استخدمه لها والرمادي للضروره ونفس الشي أحاول ماعطيها لكن تجي لها الحاله وأعطيها يوميا وأشوف ان الوضع أسوء بسرعه تكح ومن تلعب وتراكض تكح وتستمر معاها ماتروح الا بالبخاخ والحين الرمادي ماصار يعطيها مفعول مثل قبل اجل كيف الا يقولي مع استمرار العلاج يروح؟ واصلا بالعكس وانا احاتيها اذا راحت الروضه لا تتعب من اللعب وتجيها الحاله
- حبيبتي من تجربة ولدي عندة حساسية بالصدر مرة تعب ونصحتني وحدة بالمستشفى الله يجزيها خيرا قالت عطيةعسل وليمون مخلوط مع بعض بس لازم عسل اصلي كل كم ساعةعطيها ملعقة كبيرة وان شاء الله تتحسن وفية طريقة ثانية نصحوني فيها بس ماجربتها وهي منقوع الزعتر جيبية من العطار وشربية بنتك الي استخدمتة تقول الحمدالله راحت حساسية الصدر من ولدها واختي كان صدرها تعبان واستخدمت الزعتر تقول مرة تحسنت وانتبهي مو الزعتر الاخضر لا الي من العطار زي الشاي
- الله يعين آنــــ į ąɱ ــآ بنتي كذا
- أنا ولدي كذا و الله قلبي يتفطر عليه بس قريت في قناة بدايه ينصحو بزيت السمسم و أعطيته لولدي قبل النوم و الله و الله اللهم لك الحمد تحسن 90 بالمية الله يشفي ولدي و بنتك و جميع مرضى المسلمين
مواضيع مشابهة
تابعي تجارب أخرى من هذا القسم.