ك هت زوجي وبيتي اريد النصيحه منكم

السلام عليكم ورحمة الله وبركاته
اتمنتى منكم القى حل لمشكلتي انا متزوجه من 7 شهور علاقتي بخطيبي فترة الخطوبه كانت حلوه ورائعه بمعنى الكلمه يعني كان يحبني ويدلعني ويقولي كلام حلو وكان حالي حال اي بنت تنتظر يوم زوجها بفارغ الصبر وتم الزوج ولكن ي فرحة ماتمت اول اسبوع كنا زي العسل كان ينام عندي بالغرفه حالنا حال اي عرسان وبعد اسبوع سافرنا شهر العسل وصار ينام لحاله بالغرفة الثانيه هالشي استغربت منه يعني تونا عرسان ليش يهجر الغرفه اللي انا فيها قلت يمكن اذا رجعنا يرجع الوضع عادي وبعدها بأسبوع رجعنا لديرتنا واستمر الوضع على هالشي صار ينام بالمجلس سألته وش فيك كيف تهجرني وانا عروس انت شايف شي مني قال لأ بس السرير ما ارتاح عليه وبعد دخل شهر رمضان ونفس الشي شهر كامل مانام عندي ورجعت وسألته انا متكلمه شي سامع عني شي شايف شي قال لأ بس السرير ما ارتاح عليه ظهري يعورني منه قلت خلص نغير الفراش كله ولا نضل على هالحال واحنا عرسان مافي فايده يرفض يناقش بالموضوع وصرنا بشهر 10 صار ينام عندي الأسبوع يومين بس وبعدها ينام بالمجلس ولما اسأله صار يقول كيفي انام بالمكان اللي يعجبني كم مره اقول بروح له للمجلس اراضيه لكن اكتشف انه يقفل الباب والمدخل يعني صعبه اروح له واخر شي لما شفت الوضع طول صرت اهدده اني اخبر اهلي هالوضع ماينسكت عليه هذا غير اساسا ان كل وقته برى البيت مانشوف بعض كل يومين مره وكلامه معي جاف عمره ماتغزل فيني ولا قال لي كلام حلو قلت يمكن هذا طبعه مايحب يتغزل وسكتت رضيت بالامر وحاولت معه يكون رومنسي لكن مافي فايده وهو مانعني من الأطفال وللحين ماحملت يقول بدري عليهم السنه الجايه فكري بالحمل سكتت وتحملت لحد عيد الأضحى وصار ماينام عندي الا كل ثلاث اسابيع يوم واحد بس هالوضع خلاني دايم معصبه ودايم ابكي وحياتي مالها طعم الكل يشهد لي بالأخلاق والدين والحمدلله مو ناقصني شي مو مدح فيني لكن جد والله من ناحية اللبس والكشخه والسنع الكل يشهد لي بها الشي والحين صار لنا 7 شهور على هالموال ما ادري وش الحل معاه يقولي اذا بغيتيني تعالي للمجلس لكن مو معقوله اننا نهجر غرفة النوم خير شر زوجي من النوع الهادء الخجول اللي مايحب يتكلم كثير كم مره حاولت معاه بالكلام الحلو لكن نفس الرد رافض تماما انه ينام عندي مع العلم اني لما اكون ببيت اهلي اكتشف انه يرجع ينام بالسرير يعني وين كلامه اللي مايحب السرير اكتشفت انه يكذب علي مدري او صادق ؟؟ما ادري بالضبط
الحين انا خلاص ابي اكلم ابوي واكبر الموضوع حياتي مالها طعم ولامعنى معاه لأن كل واحد مننا في جهه
امي حاسة فيني دايم تقولي وش فيك فضفضي لي انا امك انا اكثر وحده تفهمك لكن اقول بعطيه فرصه ومابي اطلع اسرارنا لبرى الحين انا خلاص توصلت اني اقول لأبوي عل كل شي واكيد بيساعدني ويقولي رايه ويوقف زوجي عند حده ويشوف وش مشكلته ؟؟وش رايكم ابي نصايحكم وش الحل معاه
وعسى الله يفرج هم من يرد علي

61 تعليق 8,289 مشاهدة

شاركي في النقاش

سجلي الدخول لإضافة تعليق.

التعليقات

60
  1. @mysho49

    هلا اختي نصيحتي لاتسكتي ادا هو مارد عليكي ولا وضح لك السبب لازم تقولي لاهلك ويساعدوكي والله يهديه *****الله ويخليكم لبعض
  2. @alshmoaa_althhbyh

    والله مدري وش اقول شوفي عنده نت يكلم بالجوال وهو بالمجلس روحي ونامي عنده عادي يمكن مو متعود ينام مع احد عوديه عليك لاتسكتين اصلا كيف تنامين لحالك قولي له اخاف انام لحالي ياتنام معي ياانام معك بالمجلس
  3. @aathlh

    صاحبة الموضوع
    الشموع الذهبيه
    والله مدري وش اقول شوفي عنده نت يكلم بالجوال وهو بالمجلس روحي ونامي عنده عادي يمكن مو متعود ينام مع احد عوديه عليك لاتسكتين اصلا كيف تنامين لحالك قولي له اخاف انام لحالي ياتنام معي ياانام معك بالمجلس
    ايوه عنده نت وجوال لكن انا
    ادري به مليون بالميوه ماله علاقة ببنات لانه يخاف الله وغير كذا مايهتم بجولاته هن بمكان وهو بمكان وبعد مايهتم بالنت كثير بس يتابع التلفزيون على قنوات الرياضه لانه رياضي ويلعب بنادي يعني الرياضه ماخذه عقله
    ودايم اقوله اخاف انام لحالي دايم يتخيل لي اشياء بالغرفه لكن ما اهتم ويقول انتي دلوعه وكم مره اقوله بنام عندك بجيب فراشي واصير حولك يقول لا لا اشوفك عندي خير شر وصار لنا 7 شهور على هالموال
  4. @aathlh

    صاحبة الموضوع
    تاتي شوبينج888
    الله يعينك نصيحه من البدايه وضحي لاهلك السبب الااذاكويس وتحسين في امل اصبري عليه ولاتخبرين احد

    هو تقريبا حلو تعامله معي وخصوصا لما نتهاوش ماينام الا وهو مرضيني لكن بعد ما ارضى يرجع للمجلس لكن الأكل والنوم خير شر مانجتمع مع بعض لأنه دايم يتغدى ويتعشى ببيت اهله يعني انا كل يوم اطبخ وشاطره بالطبخ لكن ابد ماقدرت 7 شهور وهو لازم ياكل وجبه ببيت اهله يقولي لاتعتمدين علي كولي لحالك

تابعي تجارب أخرى من هذا القسم.