ساعدوني في حل مشكله ولد اخويه

السلام عليكم و رحمة الله و بركاته

ولد اخوية عمره 4 سنوات ، لبس البامبرز لين عمره 3 سنوات، و الحين مواجهين مشكله وياه في انه كله يسوي الكبيرة في الهاف بس البول عادي يسير الحمام، كل ما نسأله ليش جي اتسوي يقول ما ادري هي ظهرت. ابوه حاول انه يكلمه و يقوله انه هالشي غلط و اشترى له الحمام الصغير مال اليهال و فيه موسيقى عسب يقنعه يسير الحمام بس بعده ما يطيع . المشكله انه هالياهل ما يحس ان الي يسويه غلط !!! ابوه رمس استشاري اطفال عن هالمشكله و الاستشاري قال انه هالشي طبيعي بس حاولوا تقنعونه يسير الحمام .

الخوف انه هالطبع يطول وياه و السنه اليايه بيدخل الروضه، كيف بيتصرف في الروضه ؟ اذا هو للحين ما اتعلم

يا ريت اتساعدوني في حل هالمشكله

7 تعليق 1,043 مشاهدة

شاركي في النقاش

سجلي الدخول لإضافة تعليق.

التعليقات

6
  1. @ahlam_bryyh

    اختي البدر حبيبي اولا الله يعينكم بس يااختي من وجهة نظري ان امه غلطانه لانها تاخرت في تعليمه الحمام المفروض من عمر السنتين يبدأ الطفل يروح الحمام لكن لما يطول يلبس البامبرز يتعود انه يعملها على حاله ......والان المفروض كل مايعملها انكم تشعرونه ان هذا الشي قرف وانكم زعلانين منه واتركوه لا تكلمونه عشان يعرف ان هذا الشي غلط .......وقولوا له شوف فلان وفلان شاطر يروح الحمام ...ولازم يتشجع كل مره يدخل الحمام .......بس لازم واهم نقطه الصبر وعدم ضرب الطفل اطلاقا
  2. @albdr_hbyby

    صاحبة الموضوع
    أحلام بريئة .... مشكورة الغاليه على تفاعلج ... و تسلمين على النصايح ... و انشاء الله بناخذبها :)

    يا ريت العضوات الباقيات يتفاعلن وياي
  3. ماشاءالله عليه الولد كبير يعني صار يفهم. علموه انه هذا الشي غلط وانكم راح تعاقبونه عليه و ممكن ما تكلمونه بعد. يعني ممكن تحطون اي كرسي وتسمونه كرسي العقاب بأي مكان من البيت و اذا الولد سوا جذي بعد ما تنظفونه حطوه على الكرسي فتره معينه, مثلا دقيقه لكل سنه. يعني اذا عمره 3 سنوات 3 دقايق.
    و اياك والمقارنه. انج تقارنينه بيهال غيره, الشي هذا مو زين لشخصية الطفل.
    شي ثاني, ولدي الكبير ما ترك الحفاظ الا لما هددته بالشمعه. كنت اولع الشمعه واسوي روحي ابي احرقه. صج اني ما حرقته فيها و انه الشي هذا غلط و اعترف انه غلط, لكن على قولة اخوي الكبير كلنا تعلمنا جذي شايفه واحد فينا يسوي شي على عمره.
    اتمنى اللي اقوله صح و يفيد ولد اخوج يارب

    اختج طيبة ام الصبيان
  4. @albdr_hbyby

    صاحبة الموضوع
    بعده والله يسويها في الهاف :(

    جربنا كرسي العقاب و عيبته السالفه ... كل ما يفضى يقول يلسوني على الكرسي :(

تابعي تجارب أخرى من هذا القسم.