تجمع مريضات الغده الدرقية ..!! الله يشافينا ../ قديم

ياحياتي الله يسعدك ويكتب لك الاجر ولا يضيع لك صبرك ... ويجعلها اخر الامك


بس ياحبيتي ليش نقص الكالسيوم هل من الغده او لا ...

والله يشششششافينا اجمعين ...

انا عملت استئصال لكامل الغده الدرقيه
قبل سنه و10 شهور
طبعا كانت التحاليل سليمه قبل العمليه
لكن كانت تجيني الااام برقبتي وكانت رقبتي عريضه شوي
لما عملو لي اشاعه قالو الغده مليانه حويصلات صغيره يعني مثل الاورام
وكل فتره تكبر وتبداء تضغط على مجرى التنفس ومجرى الطعام
وتسبب لك مضايقه
المهم استئصلوها وكانت العمليه مررررره صعبه
لانه سبحانه الله يقول الدكتور صارت هاذي الحويصلات تكبر على جوا
يعني مابرزت برا يعني تشوفون رقبتي تقولون سليمه
لكن البلا جوا
كبرت الحويصلات ولفت على مجرى التنفس ومجرى الهواء
لدرجة ان الدكتور يقول هاذي اصعب عمليه مرت عليه بحياتي
بعد العمليه كنت اخذ ثايروكسين جرعة 100 وحبوب كالسيوم
بعدين زودوها 125 ووقفو الكالسيوم
بعدين صرت اتعب من التنمل وتخدر يديني ورجليني
احيان اصحى من النوم ماحس فيها
بعدين رجعت اخذ كالسيوم
وكمان زادت الجرعه الى 150
وبعدها ماخف التنمل مره والم بعظامي شديد
وكان سببه نقص الكالسيوم وفيتامين د
فزوت الجرعه 175 وحبوب كالسيوم وفيتامين د
والحمدلله حسيت انه التنمل اختفى بنسة 99%
وكمان الم عظامي نفس الشي
وشعري خف تساقطه
وزني بداء ينزل ويتحرك اللهم لك الحمد
بس اخر مراجعه قبل اسبوعين
قالت ننقص الجرعه الى :
150 من السبت الى الاربعاء و175 خميس وجمعه
وقالت لي وقفي الكالسيوم وخليك على فيتامين د
بس انا رفضت لاني ارتحت عليه مرررره واستفدت منه
فقالت خلاص لاتوقفينه
والحمدلله والشكر على كل حال من الاحوال

السلام عليكم
الف سلامه علي الجميع
اجر وعافيه يارب
بالنسبه للعلاج اخذه علي الريق. قبل الاكل بنص ساعه
القسط الهندي مع العسل. اخذه قبل الغداء. وعند النوم. ومره انساه واخذه بس مره وحده
الحمد لله وانصحكم به بفضل الله تحسنت. بعد استعماله

اختي شمعة الازمان
انتي ليش مكبره الموضوع تري الموضوع عادي جدا والحين صارت الغده قليل اللي مامعاهم ياام كسل او نشاط
بس انتي لاتخلين الموضوع يأثر على نفسيتك وتقبليه كاي شي اعتيادي في حياتك واستمري على اخذ الجرعه يوميا زي ماتغسلين وجهك كل يوم وبأذن الله يصير الموضوع عادددددددددي


تري انا اول ماحللت وعرفت اني معاي غده كنت في بداية الحمل واتفاجئت جدا
وصرف لي الدكتور حبوب الثيروكسين وقال ضروري عشان الحمل واحتمال تروح
المهم وكنت لازم اخذه علي الريق وتخبرين مع الوحم والغثيان كانت ايام مايعلم فيها الا الله
وقالي تعالي حللي بعد شهر وكنت اعد ايام الشهر متى تخلص عشان احلل على امل انه يقولي خلاص وينزاح هالهم

بس لما رجعت وحللت انصدمت لما قالي تحليلك كويس بس ماراح تتركي هالحبوب الا بعد ماتولدين تجين ونحللك ونشوف ان كنتي تستمرين او خلاص تبطلين
وبعد الولاده حللت و كل مره يعطوني موعد وتحليل وبالاخر قال خلاص انتي معاك الغده وراح تستمر معاك طول
العمر
الان تعايشت مع الوضع والحمدلله على كل شي

اختي برنسيسه الله يجزاكي خير والله يشفي الجميع

الله يشفينا جميعا
ويكتب لنالاجر فالمومن ماجور علي علي كل مااصابه
يابنات القسط ملعقه صغيره
مخلوط سابقا مع العسل
والتوكل علي الله والاستغفار اهم شي