كارهه خطيبي وزواجي قريب تكفون ساعدوني

السلام عليكم ورحمة الله وبركاته

بصراحه بدخل بالموضوع على طول

انا تقدم علي ولد خالتي من4سنين ومن دريت بالخطبة تعبت نفسيا ومريت في حاله كئيبه الواحد حتي مايتمناها لعدوه كرهت فيها نفسي كل ماطرى علي الموضوع تجيني حالت بكاء فضيعه كرهت العالم كرهت اهلي

المهم اهلى اصروا علي الكل كان موافق وعجبهم انا الوحيده الي ماارتحت وقلت لهن مابيه وخلوني شهور وكل بين فترة وفتره يرجعون يكلموني لين في يوم جتني امي وقالتلي إذا تبين رضاي وافقي
ما اخفيكم ان زاد حزني ساعتها ليه تربط امي رضاه فيه ليه تبني رضاها على تعاستي
صكت فيني الدنيا واستخرت وقل حزني وقلت يمكن خيره وبعد عدة استخارات وافقت بعد 3 سنين ملكت
وقبل اسبوع طلب يكلمني انا رفضت رفض شديد لكن اخته الله يسامحها عطته رقمي وصار يراسلني على الواتس اب واضطريت ارد عليه لانه حاكرني كل شوي يرسل

والله وصرت اكلمه وفاجئني انه كان يحبني من هو صغير وكانوا اهله يقولون له دور غيرها لاني كنت رافضته وهويقول غيري ماياخذ لو عاش عمره كله عزابي

ما اخفيكم اني فرحت انه يحبني وحاولت احبه وصرت اكلمه يوميا واقنع نفسي فيه لكن من قالي متى يناسبك الوقت الي احدد فيه الزواج
تعبت ورجعتلي نفسيتي السابقه حسيت اني كارهته وكارهه شكله باغضته مااحب اشوف صوره احس نفسي اذا شفته استفرغ اشوفه بصوره بشعه احس اني بموت ضيقه مايعلم فيها غير ربي

والي كاسر ظهري انه يموت فيني ويتمنى اليوم الي يتزوجني فيه انا تعبانه والله تعبانه

اخاف يجي اليوم الي اتزوجه وانصدم اني مااحبه وذيك الحزه ماينفع الندم وخاصه انه يقربلي مابي اجرحه

والله قاعد يرسلي الحين ومن امس ما ارد عليه

تكفون شورو علي

60 تعليق 24,367 مشاهدة

شاركي في النقاش

سجلي الدخول لإضافة تعليق.

التعليقات

59
  1. @nml_kashkh2012

    والله يا اختي اعرف وحده قصتها نفس قصتك مافي اي اختلاف فيها ووافقت عشان ترضي امها وابوها وربي وفقها وعايشه مبسوطه واحسن وحده في خواتها مرتاحه .ودامه شاريك لاتضيعين الفرصه......ربي يوفقك ويسعدك....وترى الحب يجي بعد الزواج وانا اختك ..موفقه يالغاليه ..
  2. @ghla_samy_1

    خلي الهم والبكا والنفسية

    دام الولد يبيك احمدي ربك

    لاترفسين النعمة بكرة ربي يعاقبك وماحد يتقدم لك

    ضيقة الصدر تجي كل البنات قبل الزواج

    هونيها وتهون

    ورددي دايم. اللهم جملني في عينه وجمله في عيني

    خلي الحزن والبكاء والخوف ترى الزواج حلو وتماشي وسعة صدر وشهر عسل

    بتتذكرين كلامك وحزنك وبتقولين مدري كيف كان تفكيري

    تعوذي من الشيطان وابتسمي وابعدي عنك الهم والتشاوؤؤووم

تابعي تجارب أخرى من هذا القسم.