الزوجه النادمه على زواجها تدخل

السلام عليكم ورحمة الله وبركاته
كل وحده مننا تعاني من المشاكل الزوجيه يابنات وش رايكم في هذاالموضوع ونتكاتف ونسجل اكثر المشاكل اللي تصدر من الرجل ونحاول المناقشه فيها وإيجاد الحلول بصراحه انا واحده اعاني من الندم على الزواج من زوجي مافيه اصعب من إنك تعطين كل ماتملكين من ماده وعطف وإحترام وتقدرين وتتحملين الإهانات وانتي عمرك19 سنه وبعد 10 سنوات ماكانك سويتي شي ويقولك انتي ماتعنيلي شي مع العلم انه شهادته العلميه متوسط وانا الآن معلمه والمسجد مايروح له الافي يوم الجمعه وصلاته كله في البيت استنفذت جميع الحلول والله يابنات انه مايعرف حتى يلبس انا اللي غيرت في هندامه والبيت مثل البستان والاولاد مربيتهم على دين وخلق واللي قاهره ليش اغرز في اولادي الدين واللي قاهره انهم مايسمعون اغاني ولا يشاهدون القنوات الفضائيه مربيتهم على محبة الله والخوف من عذابه وانا مالقى علي ولاشي مع العلم اني جميله الحمد لله وهذا بشهادة الجميع لي وعمري ماقصرت على نفسي نصف الراتب رايح على لبسي في البيت لاني انا احب اكون بااحلى صوره
وش تسوين اذا كنتي مكاني مع زوج مايخاف الله فيك مع العلم اني دايم ادعيله باالهدايه

18 تعليق 2,158 مشاهدة

شاركي في النقاش

سجلي الدخول لإضافة تعليق.

التعليقات

17
  1. @am_syf_2_1

    حبيبتي هذا ابتلاء من رب العالمين فهناك من يبتليهم الله بالمرض وهناك بعقوق أبنائهم وهناك مشاكل زوجيه هذه هي الحياة الدنيا ودخول الجنة ليس بسهل فإذا صبرت على أذى زوجك إذا كان معقولا فلك الثواب والجنه بإذن الله ومن كلامك أحسب أن زوجك فطرته سليمه بإذن الله فما عليك إلا الدعاء له.

    حبيبتي البيوت مليئه بالمشاكل ومشاكل قد تكون كبيره جدا فأنا أسلوبي في الحياة الآن أنني أنظر إلى الناس إللي تحتي في الناحيه الماديه أو السعاده الزوجيه لأن ذلك يشجعني على شكر الله وأنظر إلى من هم أعلى عني في عباداتهم لكي يشجعوني على الطاعه فالحمدلله على كل حال.

    حبيبتي لا تحسي بالندم أبدا حتى لا تفتحي المجال للشيطان لكي يلعب بعقلك وادعي لزوجك دائما واصبري إن الله مع الصابرين .

    على فكره معظم الرجال يقولون نفس كلام زوجك (انت ما سويتي شئ وانت ما منك فائده وانت شو تتحسبين نفسك .........) ربما يفعلون ذلك ليشجعونا على المزيد من العطاء أو لنقص فيهم .

    حاولي ما تتكلمين بكلام فوق مستواه الثقافي والعلمي لأنه واضح ان زوجك يغار منك بعض الشئ لذا حسسيه انه أحسن واحد وانك تحبينه وانك مقتنعه فيه فهذا قد يرفع معنوياته وبالتالي تشجعينه على احترامك.
    الله يوفقك
  2. @alaaod_almnthor

    ام شوق 26
    كأنج تتكلمين عن واقع بيتنا انا ندمانه ان امى تزوجت من ابوي اكيد بتقولون هاذي خبله يعنى كيف كنت بيي لهالدنيا ,لايوجد تكافأ في اي شي يعنى مستحيل يدور بينهم حوار لانه عنده عقده مع انه هي الطرف الهادىء والمستسلم ,صح ان هذا ابتلاء بس بعد الوحده من حقها تعيش سعيده وتلاقي التقدير مو هي مداريه بيتها وعيالها ومو مخليته يفكر بشيء ولا يشيل هموم والزوج ايي بس عالجاهز وينتقد ويعصب هذي مب عيشه استغفر الله _انا بتابع معاج الردود لعل وعسي اقرا شي يغير نظرتي والله يهدي ريلج ويهدي ابوي الله قادر علي كل شي ولا تزعلين لان ان شاء الله عيالج فيهم الخير والبركه وبيبرونج مثل ما نحن نوقف مع امنا وحاطينها بعيونا لان نشوف هي شكثر تتعب وبصراحه ايد وحده ما تصفق.............
  3. @am_maadd

    العود المنثور
    ام شوق 26 كأنج تتكلمين عن واقع بيتنا انا ندمانه ان امى تزوجت من ابوي اكيد بتقولون هاذي خبله يعنى كيف كنت بيي لهالدنيا ,لايوجد تكافأ في اي شي يعنى مستحيل يدور بينهم حوار لانه عنده عقده مع انه هي الطرف الهادىء والمستسلم ,صح ان هذا ابتلاء ب…
    السلام عليكم ..

    عزيزتي تقولين عشتي وياه عشر سنوات ومازلتي وياه معناته انه في حسنات مقابل بعض السيئات اللي فيها خلتج اتمين وياه وتنجبين منه الله يخلي عيالج ياربي .. وما دام انه يصلي ولو في البيت فيه الخير ان شاء الله.. انا مره سمعت حرمه اتصلت بشيخ دين كانت مشكلتها مثل مشكلتج قالها دامه مب قاطع الصلاه ولو في البيت يصلي بيكون فيه الخير ولو بعد حين .. اذا الريال ما يسوي الكبائر احمدي ربج .. اما بالنسبه لاسلوبه في الكلام حاولي انتي تغيري منه باسلوبج مثل ما تقدرتي تغيري طريقته في اللبس .. وهذا يدل على صبرج وحكمتج وتحملج للمسؤليه بارك الله فيج .. وما اعرف عندي اقتراح مثلا اخذي كتب دينيه او تثقيفيه وعطيها لولد من اولدج واطلبي منه انه ابوه يقراها له ويناقشه في الكتاب منها يتعلم الوالد ويستفيد الولد وبعد جيه بتزيلين الفوارق اللي بينكم يمكن ريلج ايحس انه اقل منج تعليما فيحاول بها الاسلوب انه يدافع عن نفسه .. حاولي علا وعسى
    والله يوفقج وياه ياربيه

    ام معضد
  4. @am_shok_26

    صاحبة الموضوع
    اشكر الجميع على تفاعلكم مع موضوعي بس يابنات الصبر له حدود وانا تعبانه حيل منه والشكله اهلي مش في نفس المنطقه مالي احد في البلد اللي انا فيها
    انا اعرف ان البيوت مليانه مشاكل بس انا حياتي كله مشاكل

تابعي تجارب أخرى من هذا القسم.