يا ناااااس راح اتجنن بنت خالتي اتخرجت سنة 1433 تقدير جيدجدا و اتعينت في مدرسة حكومية

السلام عليكم و رحمة الله وبركاته

زي ما هو مكتوب في الموضوع

بنت خالتي اتخرجت سنة 1433 تقدير جيدجدا قسم اقتصاد منزلي و اتعينت في مدرسة حكومية
و راح تبدأ من الترم التاني

طيب ليش كدا؟ عارفين انو واسطتها قوية بس بالله مو حرام؟

طيب و احنا اللي لنا 3 و 4 و 5 و 10 و 15 سنة متخرجين ايش ذنبنا ما نتعين؟

و الله ظلم و الله العظيم حرام و ظلم

بس ما رضيت طبعا اقول هادا الكلام قدم احد من اهلي عشان لا يقولوا عني حسودة لا سمح الله
بس قلت ما في غير بنات حواء اللي حالتهم نفس حالتي و يعرفوا انو مو حسد بس صرخة الم
من الظلم اللي عايشين فيه

عندك واسطة تنفتح لك ابواب الدنيا كلها ما عندك تسكري فمك و تقعدي في بيتك

حسبي الله و نعم الوكيل فيمن كان السبب في بطالتنا

لا و اختي اللي متخرجة من 15 سنة توها تترشح
في اخر مرة نزلت اسماء المرشحات طلع اسم اختي معاهم


بس ما اقول غير الله كريم و اللي رزقها و رزق غيرها راح يرزقنا

واسطتنا اكبر واسطتنا هي رضا و توفيق و ارادة رب العالمين

الله ما يرضى بالظلم و راح ناخد نصيبنا عاجلا او اجلا لأن اللي له حق ماراح يضيع و رب العالمين موجود
و احنا لنا حق نتعين و نتوظف زينا زي باقي الناس بس الله لا يسامح اللي بالعين حقوقنا و حارميننا حقوقنا في التوظيف

و المصيبة انو كرمالهم يصعبوا الموضوع و اخر حركاتهم طلعولنا القياس اظن قصدهم فيه انو اللي تجتاز الاختبار تتعين
و اللي ما تجتاز عساها خليها تقعد في البيت ماحد ضربها على يدها و قلها تدرس اربع سنين و تتخرج و هي تحمل لقب معلمة مع انها عارفة انو مافي امل لخريجات التربية و اعداد المعلمات
ذنبها على جنبها تتحمل اللي يجيها اظن انو هادا هو قصدهم من قياس

الله لا يسامحهم ان شالله مادام مافي امل لخريجات التربية و اعداد المعلمات ليش ما يقفلوا هادي الاقسام
و يفتحوا اقسام تانية؟