في حالتي عادي امنع زوجي حقه الشرعي

والله ادري انه حرام امنع زوجي حقه الشرعي لكن طفشت من معاملته لي والفاظه البذيئة بنات لو اشكي من ذا الحين لبكرة  ما اقدر اوصف  حالتي في البداية زوجي كان شكاك لدرجة تعقدت منه  بعدت عن كل شي يشككه  حتى الكحل والمكياج ماعاد حطيته الا للدوام   لاني كنت اذا حطيته في البيت يحقق معي ليش متكحلة     نفسيتي زفت   مرتين حلفني على القرأن  اني مادخلت رجال بيتي   وانا بكل غباء ابكي واحلف    فترة كان يهددني اني باتصل على المدرسة اسألهم انتي موجودة او لا  وانا ازعل واعصب  وابكي اقول لا تفشلني   ولا دخلت اهلي بالسالفة  عشان عيالي و  لاني في منطقة بعيييييدة منهم وفترة من اسوأ فترات حياتي ما كان عندي خدامة  بسبب انه اخذ فلوسي للعمارة وانا صبرت وسكت  كان في هذي الفترة  يقعد مع العيال في البيت  اذا رجعت مع السواق  القا البيت حوسة والعيال حوسة وهو نايم   احيانا اتروش وابدا تنظيف واحيانا على طول انظف  تخيلو اذا شافني دخلت وهو كان نايم وانا راجعة وما زال للمكياج على وجهي وباقي فيني شوي ريحة عطر  مت الصبح متعطرة  يقول وين كنتي  ويهددني والله  لاتصل على المدرسة اسألهم انتي كنتي عندهم  تخيلوا عاد النفسية   ضغط من كل مكان وهذا يفكر كذا  المهم اللي راح راح لكن اثره مازال في نفسي    وان تناسيت  لكن المشكله سوء مغاملته مازالت   يتكلم علي ولا يفكر يراضيني   وانا ازعل وارضى  مع الوقت  او ارد له بسوء معاملته   انا و     
انا الحين حامل وماعندي خدامة يعني كرف طول لليوم واوقات يجيني ضيق وكتمة بالليلل ما اقدر اانام      مرة  قبل ثلاث ايام صحيت للدوام الصبح وانا تعبانه قلت له ما نمت  قال كلمة جرحني فيها وكبيرة عند ربي  يعني اني ساهرة على الجوال و.......... ما اقدر اقولها  جن جنوني  وصرخت عليه ولعنته   وطنشته فترة واحيانا اكلمة وقت الحاجة   بعدين دعاني  للفراش  وعييت  وذكرته بكلامه وقلت ابي رضوه  وكرر دعوته لي كم مرة  وعييت   والحين هو زعلان وانا زعلانه بس خايفة من ربي  ايش رايكم هل انا على خطاء واذا انا غلطانه كيف اخليه يعتذر لي  وكيف اخليه يعرف اني زعلانه  وكيف اخليه  يفقدني والله طفشت منه وما ابي بينا غير الاحترام ادري واجده هدرتي  بس ما عندي غيركم   افض فض له ومثل ما قلت لكم هذا مو كل شي  في اشياء كثيرة  ما قلتها