مشكله صحبتي اللي من يوم زواجها وكلها بسببة زيارة الاهل شوروها

السلام عليكم ورحمة الله وبركاته

حبايبي وخواتي في مشكله ودي اخذ شوركم فيها وابغى صديقتي تشوف حلولكم واراءكم لاني تعبت من كثر مسكينه ماتشكيلي وانا احاول اوقف في صف زوجها وابررلها تصرفاته عشان يهدا بالها وماتعمل مشاكل ويستقر وضعهم لكن خلاص وصلت لمرحله احسها ماصارت تقتنع بكلامي او تصدقني والله يهديها مهما نصحتها في الاخير تتصل علي تبكي تبشرني بمشكله كبيره ومخاصمه عملتها مع زوجها الله يهدي بالهم بس

المشكله ومافيها حبيباتي هما لهم سنتين متزوجين تقريبا وعندهم ولد سنه وشويه ومشكلتهم دي تقريبا من بدايات الزواج هي كانت تشترط عليه انه يوديها لاهلها كل اسبوع مثلا الجمعه وتبات للسبت واذا رفض تقلبله الدنيا كلها وتتبع معاه اسلوب المقاطعه الين يوديها المهم في اول سنه كان كل شويه حاضر طيب ويوديها تبات وكانت اوقات تطلب تبات بالايام يعني في بدايه حملها جلست خمسه شهور عند اهلها بعدين تطلب منه كل بعد كم يوم تروح وهو يمشي انا حامل وكذا ونفست عند اهلها وكل شي اوكي علما بانه من البدايه كان رافض حكايه البيات كل اسبوع والزيارات بس كان يمشيلها عشان خاطرها وماكان مره ضروري كل اسبوع يروحون لاهل زوجها واهل زوجها طيبين ومتفهمين فكانوا مايركزوا عالموضوع ده هي ربنا رزقها بزوج طيب بس تجي حالات الله يهديهم المهم بعد مارجعت بيتها من النفاس انقلب الادمي صاروا لهم سنه تقريبا مشااااكل كل اسبوع على موضوع الروحه لاهلها ساعه يقولها انا ابغى اجلس مع ولدي ومعاكم احس اني ما اشوفكم وساعه يقولها لسه بدري الاسبوع اللي فات انتي عندهم مو لازم واذذا طلبت يوم معين تروحلهم فيها يرفض يقولها ما تتشرطي علي يوم معين اوديكي فيه ومو لازم تباتي وهي اذا راحت لاهلها تروحلهم العشا وتحب يجيها عشا اليوم الثاني على اساس تشوف اخوانها وتجلس مع امها لانه امها مره متعلقه فيها وفي حفيدها المهم ومع مشاكل كل اسبوع كانوا اوقات اهلها يجون هما عندها اذا شافوها كم يوم اتاخرت عندهم واللي صار يقهرها زياده انه زوجها صار محدد يوم بالاسبوع لازم يروحون فيه عند اهله وكل مره تكلمني تشتكيلي من مشاكله كل اسبوع كنت اقولها انه يمكن يبغى يكون معاكي يحب جلستك بالبيت لانه بيتوتي كمان الين ماصار اخر موقف اللي على قولتهم كانت الشعره اللي قصمت ظهر البعير قالها نفاسك دي المره هنا بالبيت ماتقولي بروح بيت اهلي وانا حقوم فيكي لانها اكتشفت انها حامل وصارت مخاصمه طويله عريضه كانت بتنتهي بطلاق بس ربي ستر المهم ورجعوا سمن على عسل الين جا يوم الخميس حق زياره اهله قالها زوجها جهزي كم لبس احتياط يمكن نبات ببيت اهلي ووافقت على مضض بس لانه اهله طيبين وقالت عشان يخليني ابات عند اهلي ومايعملي مشاكل المهم وهي قبلها بيتت يوم عند اهلها عشان كمان تذاكر لاخوانها المهم قالت لزوجها تقدر من بيت اهلك توديني لاهلي قالها لا اليوم لا وكمان لسه بدري ماكثرت معاه لانها ببيت اهله رجعوا بيتهم ونامت ولما صحيت تكلم امها لقيت امها مره زعلانه طلعت السالفه انه امها كانت مستنتيتهم دا اليوم ومتحمسين هي واخوانها واتصلت على صحبتي كم مره وماردت لانه صحبتي رجعت البيت ونامت فدقت على زوج صحبتي وقالتله وينكم من اول ننتظركم اشتقت لحفيدي المهم قالها انه هو كمان ولدي وابغى وجودهم ومو كل اسبوع حوديهم اسبوع حيجوكم واسبوع لا وصحبتي مره اتفجات لما قالتها كذا واتصلت علي وصارت تبكي زعلانه بسبب الموقف وانه امها زعلانه وفيه مشاكل مترقبه الله يصلحها وانا اقولها اهدي اتكلمي معاه بهدوء تلاقيه سواء كذا حبا فيكي ومو قصده يبغاكي عنده وهو يمكن سوء فهم بس هي مره اخذه في خاطرها ومصنقره ومتوعده ماتروح لاهل زوجها الخميس الجاي وانها حتقاطعه كل الاسبوع هذا غير المشكله اللي حتصير وقت النقاش
الله يجزاكم خير تعبت وانا اقنعها واحاول اعطيها حلول وابرر قولوا اراءكم وافيدونا وكيف تتصرف مع زوجها وترضي امها

121 تعليق 19,808 مشاهدة

شاركي في النقاش

سجلي الدخول لإضافة تعليق.

التعليقات

115
  1. @am_gmanh_999

    الله يهديها صراحه هيه الغلطانه ،،،ماهو لازم كل أسبوع تروح لأهلها ،،بالذات مالهم سنتين متزوجين ،،المفروض ألحرمه تعود زوجها عليها السنوات الأولى ،صدقيني بعدين راح يتعود على عدم وجودها وتندم اشد الندم ،، ،،الله يصلح مابينهم ،،
  2. @taab_klby_31

    لا والله الرجال ماهو غلطان خير تنام بيت اهلها مافكرت زوجها بهذا اليوم ايش بيسوي


    شوفي حكاية انها تبات ببيت اهلها او اهله تنساها كلياً اجل ليش فاتحين بيت ممكن النفاس تحاول فيه وخليها تقوله انا ازور اهلك بالاسبوع مره ساعتين وانت براحتك لو كل يوم تروح لهم بس بالوقت اللي انت عند اهلك توديني لاهلي باستثناء يوم الخميس وتحدد يوم بالاسبوع زياره لاهلها هي واياه ساعتين وترجع تنام في بيتها



    الله يسخرهم لبعض
  3. @ahl_knary_1

    صاحبة الموضوع
    ضحكتيني تقولي بس ساعتين هو قالها تجلسين من العصر لليل وقلبتله الدنيا وانت ماتحترم اهلي ولا تحبهم وتعاديهم وسوت فيلم الله يصلحها وهي لما يروح بيت اهله تروح معاه عشان كمان ولدها صغير ومتعلق فيها فتكون معاه ولا هي لو كان كبير ماهمها راحت ولا ماراحت مع انهم مايقصرون معاها
  4. @okfat_othkr

    الزوجه واهلها غلطانين خلاص عاد الزم ماعلى الوحده رضى زوجها وبيتها وجزاه الله خير يوديه
    كثير حريم مايشوفون اهاليهم اناا ماشوف اهلي الا بالاعياد
    لازم تعدل من وضعها كثير وتحب بيتها وزوجها وطفلها وتفهم امها انه ماتقدر كل اسبوع تجيهم
    الله يسخرهم لبعض

تابعي تجارب أخرى من هذا القسم.