يابنت الحلال ولا يضيق صدرك ولا شي الي يبي يهديك ويعطيك جزاه الله الف خير والي مو حاب بكيفه فيه ناس تحب تعطي ولدها علشان يصرفها على البيت طبعا هذا منطقهم ان الحرمه راح تسرف بخرابيط ولا راح يستفيد منها شي وعلى فكره انت مو مجبوره انك تهدينهم وتحشمينهم ......والخ عيشي على طبيعتك ولا تقدمي شي فوق طاقتك علشان ماتندمين انك قدمتي وقابلو ذوقك ومشو مصلحت ولدهم عليك انا اعرف حموله ما اهدو زوجت ولدهم ذهب كلن جاب شغله لولدهم الي اهداه ثلاجه والي اهداه فرن ومن هالاغراض يقولونن ولدنا اولا منها يعني كلن له طبعه وماتقدرين تمشي العالم على طبعك والله يسخر لك زوجك
حبيبتي الهدية في الأصل للطفل مو لك .. وعطوها أبوه أو امه ما تفرق .. ودام عطوها زوجك وتقريبا كلهم متفقين على هالشيء فأكيد زوجك قال لهم اللي بيهدي يمدها لي أنا .
لكن بقول لك شيء ..
لا تنتظرين من أحد أي هدية أو عطية ... وبيني وبينك طفلك لك أكبر هدية وش لك ببعطايا الناس و اللي يجيبونه ؟! هم وش عليهم تعبتي فيه أو لا عشان يعطونك ، يعني لو مو ابو الولد اخوهم ماكان عطوك شيء ولا حتى زاروك .. لا تتحسسين من هالموضوع وتكبرينه . إذا احتجتي فلوس لعيالك أو لك اطلبي من زوجك وأهم شيء ما يقصر عليك .. لكن لا تحطين حرمته الثانية بين عيونك وتقولين بيصرف عليها هدية ولدي .. أنت وش تبين إلا انه ما يقصر عليك أنت وعيالك ؟! يعني مسكينة فوق ماهي محرومة من الذرية وزوجها تزوجك عليها بعد خايفة يكرمها !! ولا تظنين انك حققتي له المستحيل .. ترى لو ماجاب منك طفل بيجيبه من غيرك .. لأن العيب مو منه .. وعيالك اللي تجيبينهم مو لأهله .. ولا له لحاله ... لك أنت بعد يعني لا تمنين عليه وعلى أهله انك جبتي لهم اطفال !!!!
لو قلبتيها بالعقل بعيدا عن العاطفة .. الأمر ما يستاهل تكبرينه .
اللي أهلك عطوك خبيه لك إذا محتاجة .. ونصيحة عزي نفسك لا تنتظرين من أحد عطية أو هدية ..
ولما كنت تدخلين عليهم محملة هل كان هالأمر من طيب أصلك وكرمك وإلا عشان تبينهم يردونها لك بشكل أو آخر .. إذا بتقولين ليش ما يصيرون ذوق معي مثل ما أنا معهم .. أقول لك هم ما أجبروك تجيبين لهم شيء ولا طلبوا منك .. وعطائك كان رغبة منك .. ولاتروحين بشيء معك مرة ثانية دام بتحاسبينهم وتبينهم يردونها لك .!