؛¤ّ,¸¸,ّ¤؛°`°؛¤ تجمعنا الـ16لتباشير مواليد يناير1وفبراير2 _2013حياكم ¤؛°`°؛¤ّ,¸¸,ّ¤؛

المشكلة اعطيهم موعد الدورة للدكاترا وكل وحدة تعطيني موعد الولادة شكل

وحدة قالتلي 24 ينايروحدة 26 وتنتين قالوا لي 27 مين اصدق ,والسونار يقول 27شي بحير والله

حبيبتي انتي متى اخر دوره لك ؟

انا اخر دوره في 23-4 ميلادي
وتاريخ الولاده المتوقع 28 -1

ودكتورتين اتفقت على نفس التاريخ والحساب على تاريخ اخر دوره بيكون أدق من السونار

كروشات الي مخلفين من قبل
هل لازم موضوع التساليف في كل حمل ولا يختلف من حمل لآخر يعني ممكن طول الشهر ماتحسي بشي وتجي الولاده في نفس اليوم وتولدي ولا لازم من المغص والمقدمات للولاده

لان انا بابني البكر من دخلت التاسع وانا الآلام مو طبيعيه كل يوم وبعدين تروح ولا كان فيني شي
بس حملي هذا ما احس يجيني طلق كاذب هل معناته اني لسى مطوله؟
الله يكتب لنا الولاده السهله الميسره ولاده طبيعيه بطلق طبيعي يااااارب

أنا في بكري أبدا ماحسيت بهذي التساليف أللي يقولوا عليها خلصت التاسع بدون أي ألم
وجلست عليها أسبوعين من غير أي ألم وبوادر ولادة بعدين حددوا لي يوم وأعطوني طلق صناعي

أما في بنتي الثانية من بداية التاسع وأنا أحس بألام تجي وتروح خلصت التاسع وجلست 10 أيام وجاني طلق طبيعي الحمدلله

أتمنى دحين يجيني طلق طبيعي من ربي ومايعطوني صناعي يااااااااااارب

حتى أنا التحجر معايا من الثامن
وأخر موعد رحت للدكتورة بداية الثامن وقالت لي تعالي بعد اسبوعين وبرضوا عندها مره زحمه
وموعدي عندها الاسبوع الجاي يعني يكون لي 10 أيام في التاسع
وان شاء الله ربي يسهلك ويسهل لي ويسهل لكل الحوامل قادر ياكريم