ساعدوني بعد علاقة 6 سنين تركني فجأة وتزوج بدون ما يقولي واكتشفت بالصدفة/ قديم

الله بياخذ حقك منه صدقيني
بس تبين الجد كان واضح لك انه يلعب بس عين اللي يحب عميه
المهم حبيبتي المصيبه ياتقوي ياتكسر
وانتي خليها تقويك

انسي الست سنين ولاتتحسفين عليها وانسي كل شي وابتدي من جديد
لاتنسين الدعاء والصلاه

حبيبتي

الاحساس هذا فظيع وهو ماسوى هالشي الا انه انسان خبيث ونذل

رغم انك اخطاتي لكن لاتستمري في الخطا وتهدمين حياتك

وش انتحاره عيوني والله الرجال مايستاهلون نزف المشاعر عشانهم

صدقيني الان اكبر صدمه له انك تطنشينه

قابليه ببرود وباركيله خليك قويه ولاتكوني اسيره لمشاعر الحب والعاطفه

يكفي انك صرفتيها على انسان مايستاهل

خليه لما يرج ويشوف برودك يقول اكيد لقيت انسان غيري
وانتبهي ترسليله مسج الان او تبينين له انك فقدتيه او انصدمتي

حطي شي واحد بس ق
ام عيونك
كرامتك ... وبس

إن الله عفا عما سلفا وكان ,,انسي الماضي وابدي صفحة جديدة مع نقسك وجربي الحياة اذاكانت مع رب العباد وليس مع العباد ...اشغلي وقتك بالصلاة بالصيام بالصدقة بالدعاء وعليك بسهام الليل فان سهام الليل لاتخطئ ..وفيك الخير اللي اعترفتي بخطائك والله يغفرلك ويزقك بالزوج الصالح

الحمدلله علي السلامة ,,,سلامتج من شره وشر نفسج اللي امرتج بالسوء .....
عندنا يقولون كل طراق بتعلومه (يعني كل كف تاخذينه والمقصود فيه المصيبة او البلوي)يعلمج من هالدنيا هذي الحين بتصير اقوي والمشكلة راح تعدي اذا الله سبحانه وتعالي كاتب لنا عمر وراح اطالعين اللي صار علي انه مشكلة صغية وعدت المهم انج ماتغلطين هالغلطة مرة ثانية وتوبي من اللي سويتيه والله يوفقج وويستر عليج ويجازيه

أشكر كل وحدة دخلت وكلفت نفسها ومن وقتها تكتبلي الرد لأن كل شي كتبتتوه أنا أستفدت منه بطريقة أو بأخرى...نعم في بعض الأخوات لوموني على إللي صار مثل إللي قالت ست سنين وأنا مب حاسة بأه كان يلعب...السبب إني أحببته لأنه أول شخص في حياتي و ما كنت حاسة لاني أعوذ بالله كنت واصله لمرحلة لإدمان على هذا الشخص بمعنى إني حتى لو لم أكن أبغي أكلمه وأقاوم كنت أحيانا أفشل وأتصل وأقول حتى لو مسج بس منه بتريحني وبتأكدني إنه ما بيتركني، لأنه أنا كان عندي شعور وإحساس إنه بيتركني، مع إنه ما بتتخيلون إنه ما كنا نكلم بعض إلا خمس دقايق وفي العمل فقط على الهاتف وخلاص والباقي كله عن طريق المسج، أما البنات إللي قالولي إنه هو بيرجع وبيحاول يكلمني فأنا أقولكم خلاص هو تركني وحتى لو رجعلي مابقدر أكلمه لأنه أصلا صار يثير في نفسي كآبة أول ما أذكره،، وهو جبان هارب وخايف من المواجهة لأني أرسلت له أول ما اكتشفت الزواج وقلت له إني عرفت بزواجك وإنك إنسان جبان تخاف تواجهني وإنك فقدت أحترامك وطبعا هو ما رد لأنه جبان بمعنى الكلمة، ما تخيلت أبا إنه هو لهذه الدرجة من عدم الرجولة...