يابنت الحلال مصدقه ماله دخل الاب الحمدلله ابوك راعي طاعه وصلاه ومساله العصبيه هذا طبع مسكين غصب عنه وصدقيني مو سبب لرفض الخطاب الزواج منك ووش راح يكون بينه وبين ابوك الى سلام وعليكم السلام انتي اللي راح تعيشين معه طلعي من راسك ان ابوك السبب لعلمك الاب السعودي هذي صفاته الاغلب عصبي مشكلجي وهكذا.
اخوك صراحه ماله داعي .. ياليت هو يرجح الكفه ويكون كفو مع الناس اما ابوك فياليت اخوك يجلس معاه ويقول ياوالدي اللي تسويه غلط بغلط اخواتي وراهم زواج وانت بهالتصرفات تحرمهم من الزواج وش ذنبهم ... بقولك شي من خلال وصفك عن ابوك الله يحفظه يرفع بالراس الحمدالله لانه لاهو بسكير ولا راعي مخدرات وهذي احمدي الله عليه لكن عصبيته .هي السبب وان شاء الله تنحل .انتي بيدك الدعاء ان الله يهديه ومع الاستغفار... والله يوفقك ...
أي والله وأنا أخيتك لاعااااااااااااااااد تفكرين بهالشي أبد النصيب والمقدر والمكتوب بيجيك يعني بيجيك لاتخافين بس أنتي كوني مع ربك وألجأي له وأشكي همك والله معك .