فتشو جوالي !!

السلام عليكم ورحمة الله وبركاته ،،
صار لي زعلانه في بيت اهلي 3 شهور وزوجي يحاول برجعتي لكن الله يهديه عصبي ويبي كل شي على مزاجه
واغلاطه كثيره
ما راح ادخل بتفاصيل اكثر بس اللي استجد بالموضوع انه في الاسبوع الماضي جا زوجي الصبح لبابا دوامي ووقف وطلب اني ارجع معه
كذا يعني وجلس يكلمني بالجوال ويهاوش وغيرر ترجعين معي المهم رفضت واتصلت باخوي يجي ياخذني جا اخوي وصارو اثنينهم عند الباب كلن بسيارت
اول ما طلعت من الدوام بالشارع توجهت لسيارة اخوي الا زوجي ينزل مس ع وبهواش تعالي يالله امشي
ويجي لعند سيارة اخوي
الا تمشين
واخوي العن الشيطان هد نفسك مو كذا نحلها جلس يقول ذليتوني بالمره خلاص ومن هالكلام .يالله امشي وسحب يدي وسحبتها ص ت بينهم وتجمعو شوية ناس المهم ويسحب شنطتي من يدي يبي يجبرني اركب ويحطها بسيارته
المهم عييت ركب سيارته ومشى وشنطتي معه
وانا رجعت لبيت اهلي مع اخوي
لحقنا لبيتنا وطلع له ابوي وهاوشه على فعلته وطلب منه شنطتي
عطانا الشنطه ومشى وتفاجأت انها فاااااضيه
خلا الاغراض معه لين بعد العشااء جا عند الباب جابها وطلب يشوف ابوي وابوي رفض يطلع له
طلعت له امي
ودار نقاش واعطاها الاغراض
نجي لصلب المشكله لان كل اللي فات ما يتعدى موقف من مواقفه


اول ما اخذت الجوال تجيني رسالة واتس من اخته
" ما خليتي وبقيتي انتي وفلانه ... " زوجة اخوهم الكبير
عرفت انهم قارين محادثاتي معها
هذي سلفتي ونرتاح لبعض ونشكي لبعض كثير
ومن زعلت صرت اتكلم معها كثير بالواتس تشكي لي واشكي لها من الحمولة
ومن مواقف تصير
حمولتنا خالتي والبنات زينات معنا بس تصير مواقف تقهرنا ونتشكى لبعض
علاقتنا مع حمياتنا وخالتي زي الخوات وخالتي ام ازواجنا زي امنا
نزور بعض كثيييير ونطلع سوىز
انصدمو يوم قرو المحادثات اننا كاتبين اننا احيانا نمل واننا انتقدنا بعض التصرفات
المهم ضااااايقه فيني
هم غلطووووو انهم قرو ب صدمة لهم اللي قروة
زوجة الكبير لها عشر سنين نادوها للبيت وصار عتاب وهواش وسب وش شفتي مننا ومن هالكلام
انا تهاوشو معي بالرسايل
انا مااا انكر غلطتي وهم ما ينكرون غلط ولدهم بس خلااااص تدمرت العلاقه
وحتى لو رجعتشايلين بخاطرهم مني
حاولت ابرر انه حتى لو انتقدت مجرد كلام وفضفضة من مواقف تجرحني عندهم
واني ما تكلمت بوجههم ما ابي اجرحم وان هالكلام مجرد فضفضه ولا لهم مكانه واعزهم واكبر دليل روحاتي الكثيره لهم
لس للاسف ما فااااد الترقيع
اخرتها اخته الكبيره تقول حنا شرهنا على فلانه لها عشر سنين عندنا ولا انتي لا قمتي ولا قعدتي
علشان لي سنتين ونص بس
شورو علي وش اسوي
حتى زوجي انقطع ماعد يحاول فيني زي اول والولد عنده ما شفته من الثلاثاء الماضي