شو مشكلة بشرتك؟؟؟؟؟ لمن تحب العلاج الطبيعي فقط

شكرا لك اختي على تعاونك معنا

انا عمري 26 واذا فيكي تعطيني حاجة تساعد على صفاء البشرة ونقائها
بشرتي عادية

رحت فترة وعملت جلسات عند اخصائية تجميل وكنت وقتها اشرب بروتينات
من gnc وبين وجهي وقتها صافي وحلو وجاي على حمرة وكاني حاطة اساس على وجهي
لكن بعد ماتركت الجلسات راح كل هذا

وبالنسبة لعشبة Dandelion
قريت من فوائدها انها تخفض نسبة الكولسترول وانا جسمي يميل للنحف
فمو ممكن تأثر علي هذي العشبة لأني مو سمينة

وهل فيه عشبة تنظف المعدة وتنقيها لاني احيانا تطلع علي حبوب مو بشكل كثير
لكن بين فترة وفترة بالاخص وقت الدورة تطلع لي حبتين وحابة انظف معدتي حتى يتنقى جلدي
بس ياليت تكون حبوب ماتنحفني

وأشكرك جدا مرة أخرى

اهلاً ميرة
شكلش محترفة العناية بالبشرة لذلك اتمنى تساعديني
انا عندي مشاكل كثيرة بس ما اريد اتعبك لذلك اكتفي بمشكلتين
1- عمري 23 سنة و ما عندي عناية منتظمة بالبشرة يعني احياناً استخدم قناع الطين لبشرتي و اذا حسيت بجفاف ارطب بشرتي و اذا حسيت انها تحتاج تقشير اقشرها يعني ما في شي منتظم بشرتي مافيها آثار السن اصلاً حتى ملامحي ملامح وحدة صغيرة بس مشكلتي ان عندي خطوط الضحك ممتدة بين الفم و الانف و واضحة صحيح انها تخف مع التقشير و الترطيب بس كمان تكون واضحة على فكرة بشرتي جافة و اذا حطيت الاساس بدون تقشير للبشرة يصير عندي قشور واضحة.
2- بالنسبة لشعر الجسم جربت الحلاوة و مانفع مجرد انها تقطع الشعرة ماتشيلها من جذورها و تركتها و دحين استخدم آلة امجوي و نفس الشي صحيح ان في بعض الشعر ينتزع من الجذور بس قليل اغلب الشعر ينقطع بس و بعدين اعرفت ان هذا الشي بسبب بطء الدورة الدموية عندي على فكرة ترى لوني مائل الى الاصفرار بشكل واضح و اظن ان هذا ايضاً بسبب بطء الدورة الدموية ، دحين استخدم الليفة المغربية لجسمي بس ما في فايدة ايضاً الشعرة تنقطع اريد طريقة لازالة الشعر من الجذور او حل لمشكلة شعر جسمي عشان اقدر استخدم الآلة
آسفة لاني طولت و ياليت تعذرني و اتمنى ان يكون عندش حل لمشاكلي
في امان الله

هلا اخت ميرا مشكووووووووره حبيبتي مقدما :)
انا لوني حنطي بين السمار والبياض بس مشكلتي بشرتي دهنية والحبوب تجي وتروح وقريت من ردودك تقولين نظفي وجهك بسكرب (مقشر) وانا كنت اسوي كذا لكن لاحظته يهيج بشرتي ويزيد الحبوب لين الأخصائيه قالت لي مايصير تستخدمين مقشر وفيه حبوب بوجهك
عموما الحين بشرتي دهنيه مرره خصوصا الجبهة والانف واستخدم غسول من اخصائيه من زمااااان ..بس ارتحت له واستمريت عليه بس المشكله اني مااداوم عليه انسى كثير اغسل وجهي فيه
والخدود فيها مسامات مفتوحه وكم حبه واثار حبوب
واحس بشرتي باااااااااااهته ومافي لون او نضاره او صفاء او نقاء الحمدلله والشكر لله بس
انا مايهمني تتفتح بشرتي اهم شي تتوحد لونها وتصير منوره
وعندي هالاااااااااااااااااااااااااااااااااات تعذبني ياليت تقولين لي الحل معها
هي الأهم بالنسبه لي
وشفايفي باهته ابغاها تكون ورديه :(

هذي اهم مشاكلي باختصار (الهالات وعدم توحد اللون والحبوب اللي تطلع فجأه والشفايف الباهتة)
ومشكوره مره ثانيه الله يوفقك ويسعدك

السلام عليكم :)
تسلمين الغالية ميرة على هالخدمة مشكورة حبيبتي ماتقصرين

بالنسبة لي انة عمري 18 سنة لون بشرتي يعني مو بيضة ولا سمرة ودهنية بشكل مو معقول وهاذي مشكلتي الاساسية خصوصا في منطقة الانف وفوق العين والجبهة ، وعندي منطقة تحت الفم صوب الذقن يعني اغمق من باقي ويهي مادري ليش:(
انة بشرتي مثل الحربا على قولة رفيجاتي هههه اذا اروح اتسبح في برجة ( حمام سباحة ) ينقلب لوني فتصير المناطق اللي مو مغطية بملابس السباحة سوودة ههه والمناطق المغطية بيضة فيكون وايد فرق لما اكشف على روحي والا البس قصير :(
في شي بعد << ياكثر الاشياءات .. ويهي احسه مو مشدود يعني وبشرتي احسها مافيها حيوية :(
فياريت اذا عندج حل وتقدرين تساعديني واكون لج شاكرة حبيبتي :)
على فكرة .. انة استخدم كل يوم قبل النوم وساعات الصبح بعد اغسل ويهي بصابون ديتول واحيانا استخدم مزيل المكياج ماركة كريستسان ديور واحيانا اكتفي بالماي عشان اشيل المكياج :)