(^_^) ملف بنات رأس الخيمة (^_^) الجزء الثاني

الغاليه مثل ما قلتي أم خالد في نفس بناية معهد راس الخيمة الدولي اللي حذال بنك دبي الاسلامي
شووو قررتي اتسيري لها ؟؟؟

ملاذ الطير ....

باااجر عيييد عندي يوووم بيخلص ها الرجييييم

وانا ماشيه ولله الحمد علييييه

لكن أمس بنااااااتي يت ع باااالهم السلطة الفرنسيه

قلت الهم اصبروا شوي للسبت ...ومن يقول مصرييين عليها

جان أقوم واسويها ...وكان خاطري فيها دام شفتها عدال عيووني

فكلت منها خاشوقتين ثلاااث الصراحه ما اعرف كم نسيييت

(( يااارب ما تقرا ها الجمله ام سعيييد جان بتكشفني اتراها كل يوم تتصل فيي وتقول :أموااج انا مب مصدقه انج اطبقييين الريجيييم دووومها ها الحرمه تظلمني خخخخخخخخخ))

وهذ هي السلطة - موجودة بالجزء الثالث من الكتب -:
بس شو طعمهاااا لااا يقاااااااااوم والله انها مب دعايه بس حقيقه واللي تبا طريقتها بحطيها لها

===========

ranean


شحالج الغاليه وشو اصبحتي ؟؟

الغاليه قبل لا اسير بوظبي بسألج عن الغيداء ... أحيد مره ام سعيد ودتني له بس من زمان وصدق هو روووعه .....

وشو حصلتي من ملابس للمدرسه في مول الامارات والشارجه ؟؟؟تقصدين ملابس جاهزة يعني ؟؟؟

لاني أحصل يادوبك القمصان البيضه وبس من أوكايدي مثلا العام حصلت قمصان بيضه رووعه

لكن اتصدقين اتحسرت يوم كنت ماخذه قميصين الواحد ب 110 تقريبا ولا أشوف واحد نفسه في فاين فير ب 12 درهم لكن زين يوم حصلت موديل ثاني بعد مال أوكايدي ب12 درهم فشريته


ياليت عندي حد في حراء جان ساعدتج حتى بنت عمي اللي خبرتج عنها يحليلها ما عندها غير أولاااد
طووول اليوم تضارب وياااهم خخخخخخخخخ (صح هي ع الكورنيش لكن يحليلها ساكنه في شقه سكانها معظمهم مواطنين لكن اتعرفين عاد عيوب الشقه مهما اوسعت ..

على فكرة خبرتها عنج وقالت لي ان المنصور اوووكي درسوا اولادها الاثنين فيها وبعد الوطنيه مجربتنها اوووكي ...

اما بالنسبه لاغراض المدرسه اصبري بشهر ثمانيه بتلاقين الشنط والاغراض واايده في بيبي شوب ولايف ستايل وكارفور

وتحياتي

السلام عليكم ورحمة الله وبركاته............
أذكركن أخواتي ونفسي بأهمية يوم الجمعة وفضله العظيم فهو اليوم الذي قال عنه الرسول { خير يوم طلعت عليه الشمس يوم الجمعة } فأكثرن فيه من قراءة القرآن والصدقات واحرصن على زيارة الأرحام ولا تنسين أن تتَحَرَّين ساعة الإجابة فيه فأرجح الأقوال فيه: أنها آخر ساعة من يوم الجمعة..
فيا أختي الحبيبة ادعي ربك وتضرعي إليه واسأليه حاجتك، وأرِيه من نفسك خيراً، فإنها ساعة قال عنها النبي : { إن في الجمعة ساعة لا يوافقها عبد مسلم وهو قائم يصلي يسأل الله شيئاً، إلا أعطاه إياه }
**أستغفر الله الذي لا إله إلا هو الحي القيوم وأتوب إليه**
**أستغفر الله الذي لا إله إلا هو الحي القيوم وأتوب إليه**
**أستغفر الله الذي لا إله إلا هو الحي القيوم وأتوب إليه**
**أستغفر الله الذي لا إله إلا هو الحي القيوم وأتوب إليه**

وأرد مرد ثانية وأرحب بكل أخت عزيزة تنضم لملفنا . ............ أختي رنين حياج الله بين أهلج وناسج
وإن شاء الله تتهنين أختي بالبيت الجديد وترانا كلنا خواتج نحن بالشوفة ومايردج إلا لسانج
.====================
أم سعيد حبيبتي أنا غاطه عنكن لأن عيالي مب عاطيني فرصة أيلس على الكمبيوتر محتلين كمبيوتري الخاص وويشتغلون عليه ويتناوبون الأدوار فيما بينهم لأن جهازهم معطل وأنا دوري متى يكون عاد أنصاص الليالي وماروم أيلس عقب أكون مسطله وفيني ارقاد ...... وعلى فكرة أنا تعبت من الرجيم وبطلته والحين يالسه أخفف يعني أحاول أقلل الأكل وما أكل حلويات ولا مقالي بس بعد ماخلي شي بخاطري بس لقمة وحدة عسب ماتتأذى نفسيتي وينكسر خاطري .
===================================
حبيبتي أمواج حياج الله أنت وأم سعيد تشرفوني حبيباتي في أي وقت والبيت بيتبارك بقدومكم ............. أمواج ليش هالعذيب تدرين إني أموت على هالسلطة ودوم كنت أسويها ( قبل الرجيم) بس ماشاء الله عليج وعلى لمساتج وفنج في التزيين روعة عن جد تسلم يدج عزيزتي.